Kujombolola 19:4 - Livulu lya Shukulu Kalunga

⁴ Co vaje vakulunu makumi avali na vawana na vikashama vawana vakuyoya vawile asi nakulemesa Njambi, uje watumbamene a litanda, vendekele ngwavo, “Ewa! Shangazaleni Njambi!”

Kujombolola 19:4 Iomraidhean Croise

1 Mizimbu 16:36

Shangazaleni Shukulu Kalunga, Njambi wa Isalele. Mushangazaleni ololo na ku myaka yoshe! Asinoni vanu voshe vendekele ngwavo, “Ewa.” Co valemesele Shukulu Kalunga.

Nehemiya 5:13

Asinoni njashulwile cizalo cinjalizengelele mu mbunda yange, njacitotomwene, co njendekele ngwange, “Omu mukemwo mwakatotomona Njambi vaje kuvakanyungu cikulaeso cavo.” Co njendekele lalo ngwange, “Njambi akaminyeka vinjuvo vyeni na vyuma vyoshe vije mulinavyo, co akamiseza mavoko-voko.” Voshe vaje vakele kuje vendekele ngwavo, “Ewa!” Vashangazalele Shukulu Kalunga. Co vantwama vanyungile cikulaeso cavo.

Nehemiya 8:6

Co Ezela wendekele ngwendi, “Shangazaleni Shukulu Kalunga, Njambi wakama!” Co vanu voshe vajundwile mavoko avo mwilu vakumbulwile ngwavo, “Ewa! Ewa!” Co vatsikamene nakulemesa, na vihanga vyavo asi.

Myaso 104:35

Vaka-vuvi vavanyongese ano asi, na vaka-kujeneka kukulaela kesi vakaleko lalo embwe! Mbunge yange ishangazale Shukulu Kalunga! Shangazaleni Shukulu Kalunga.

Myaso 106:48

Shangazaleni Shukulu Kalunga Njambi wa Isalele ku myaka yoshe, vanu voshe vendeke ngwavo, “Ewa!” Shangazaleni Shukulu Kalunga!

Myaso 41:13

Wakushangazala Shukulu Kalunga Njambi ya Isalele, mushangazaleni lelo na ku myaka yoshe! Ewa! Ewa!

Myaso 72:19

Shangazaleni lizina lyendi lya vumpau ku myaka yoshe! Kaye koshe kashule na vumpau vwendi! Ewa! Ewa!

Myaso 89:52

Shangazaleni Shukulu Kalunga ku myaka yoshe! Ewa! Ewa!

Njelemiya 28:6

“Ewa! Shukulu Kalunga alinge ngoco! Shukulu Kalunga ashulise majwi ove a vuka-kwimanena, akwilwisa vufuko vwoshe vwa mu Njuvo ya Shukulu Kalunga, vuje vwaile ku Mbambilone, nakwiluka lalo kwa vanu voshe vaje vavatwalele mu vunzinda.

Mateo 28:20

Co valongeseni kwononoka vyuma vyoshe vije vinjamishiki. Co anukeni ngweni njikakala neni matangwa oshe noo akukotoka kwa kaye.”

Mateo 6:13

Kesi ututwamenene ku vyeseko, oloni twamene ku vuvi! Omwo vumwene vunapu vwove, na nzili na vumpau, ku myaka yoshe. Ewa.’

1 Kolinte 14:16

Omo mukandelela kuli Njambi mu munzinzime lika, vati vanu vaje vali neni mu cikungulukilo vendeka ngwavo, “Ewa” ku lilombelo lyeni lyakukandelela? Vakevo kuvazivuka vika mulinakwendeka.

Kujombolola 15:7

Co umo wa vaje vikashama vakuyoya vawana wanene vaje tungelo vatanu na vavali malonga a ngolinde atanu na avali aje ashulile na vukalu vwa Njambi, uje wayoya ku myaka na myaka.

Kujombolola 19:1

Munima yevi njazivile cilumo cakufwa ngwe lijwi lya mbunga yakama ya vanu vali mwilu, lyendekele ngwalyo, “Shangazaleni Njambi! Kwamena na vumpau na nzili vyakundama kuli Njambi yetu!

Kujombolola 19:3

Vatambekele lalo ngwavo, “Shangazaleni Njambi! Vwisi vwakutunda ku milangi ije inenyeka nganda vulinakukakumuka ku myaka na myaka!”

Kujombolola 19:6

Asinoni njazivile lijwi lyakama ngwe lya mbunga, lyakufwa ngwe kukuma kwa cipupa ca mema, lyakufwa ngwe mikalateto ya mihyato. Co njazivile vendeka ngwavo, “Shangazaleni Njambi! Omwo Shukulu Kalunga Njambi yetu Muka-nzili yoshe, ikeye wapwa Mwene!

Kujombolola 5:14

Co vaje vikashama vawana vakuyoya vakumbulwile ngwavo, “Ewa!” Co vaje vakulunu valyumbilile asi nakulemesa.