Kujombolola 19:3 - Livulu lya Shukulu Kalunga

³ Vatambekele lalo ngwavo, “Shangazaleni Njambi! Vwisi vwakutunda ku milangi ije inenyeka nganda vulinakukakumuka ku myaka na myaka!”

Kujombolola 19:3 Iomraidhean Croise

Kushangumuka 19:28

Co wakengele ku Sondoma na Ngomola na mu cana mwoshe, wamwene vwisi vulinakukakama asi, vwisi vwakulifwa ngwe vwakutunda mu litende lyakama lya tuhya.

Myaso 104:35

Vaka-vuvi vavanyongese ano asi, na vaka-kujeneka kukulaela kesi vakaleko lalo embwe! Mbunge yange ishangazale Shukulu Kalunga! Shangazaleni Shukulu Kalunga.

Isaya 34:10

Likenya mutanya na vutsiki, co vwisi vukakakumuka myaka yoshe. Lifuti lya Endome likapwa lyamupulungwa ku myaka yoshe, naumo wai akaita mukati kalyo.

Yunda 1:7

Anukeni Sondoma na Ngomola, na vinganda vije vyateleko, vije vanu vamwo valingile ngwe muje muvalingile vaje tungelo mukulikundika ku vilinga vya vupangala na mu mashungu amavi, vayanda na n̄avava ya cihiso ca tuhya ca myaka yoshe kupwa kunangula kwa mutanya mwelu kuli voshe.

Kujombolola 14:11

Co vwisi vwa tuhya twa n̄avava yavo yakama vukalonda mwilu ku myaka na myaka. Co kukukakala simbu yakuhwima mutanya nambe vutsiki kuli voshe vaje valemesa uje cikashama na kamponya kendi na kuli woshe uje ali na cizivukiso ca lizina lyendi.”

Kujombolola 18:18

co valilile omo vamwene vwisi vwa milangi ije yamwenyekele, co vendekele ngwavo, “Kukwesi lalo nganda yakama yakutuvakana eyi!”

Kujombolola 18:9

Co vimyene va ano asi vaje valingile nendi vupangala na mashungu amavi vakalila nakulinyenga omo vakamona vwisi vulinakukakumuka omo alinakwenya.

Kujombolola 19:1

Munima yevi njazivile cilumo cakufwa ngwe lijwi lya mbunga yakama ya vanu vali mwilu, lyendekele ngwalyo, “Shangazaleni Njambi! Kwamena na vumpau na nzili vyakundama kuli Njambi yetu!

Kujombolola 19:4

Co vaje vakulunu makumi avali na vawana na vikashama vawana vakuyoya vawile asi nakulemesa Njambi, uje watumbamene a litanda, vendekele ngwavo, “Ewa! Shangazaleni Njambi!”