Kujombolola 19:12 - Livulu lya Shukulu Kalunga

¹² Mesho endi afwile ngwe milangi ya tuhya, co wazalele vilongo vyavingi ku mutwe wendi. Vamusonekele lizina lije naumo wai walizivukile kuvanga ikeye vavenya lika.

Kujombolola 19:12 Iomraidhean Croise

Kushangumuka 32:29

Yakomba wendekele ngwendi, “Cooni njikulomba unjileke lizina lyove.” Oloni ikeye wamukumbulwile ngwendi, “Omwo vikajo ushaka kuzivuka lizina lyange?” Asinoni ikeye wavezikisile Yakomba.

Myaso 8:5

Oloni unamwana kasingimiko ngwe tungelo.

Kutuuka 23:21

Ngecivene, mutolilileni nakumwononoka. Co kesi mumutengulukile, omwo yange njinamutumu, oloni nga mumutengulukila, co kakasambesa milonga yangacije, omwo lizina lyange lili muli ikeye.

Visimo 30:4

Iyajo wazivuka mana a mwilu? Iyajo wakwatele lihunzi mu livoko lyendi? Nambe kuzengela mema mu vuzalo vwendi? Nambe kutwa vinginga vya kaye? Nga kwali munu wangacije njilekeni lizina lyendi. Njilekeni lalo na lizina lya munendi.

Myaso ya Solomoni 3:11

Yeni vanakazi va mu Siyone, ijeni mumone Mwene Solomoni. Mwene Solomoni nazala cilongo cije civamuzikile vaina ku mutwe wendi, a litangwa lya vulo vwendi, a litangwa lyakuvwaelela nakujolela kwendi.

Isaya 62:3

Ukapwa ngwe cilongo cacivwa ca Shukulu Kalunga.

Isaya 9:6

Omwo kuli yetu kunasemuka mbututu! Vanatwana mwana wa munalume! Co akapwa muka-kutushwana. Vakamutumbula ngwavo, “Muka-kunangula Wakukomokesa.” “Njambi Muka-nzili yoshe” “Tate wa ku Myaka Yoshe.” “Mwene wa Kwoloka.”

Ndanyele 10:6

Muvila wendi wavyazimine ngwe limanya lya seo. Cihanga cendi cavyazimine ngwe muhyato, co mesho endi alengenyene ngwe tuhya tushukuma. Mavoko endi na mendi endi vyavyazimine ngwe vunengu, co lijwi lyendi lyafwile ngwe muyoyo wa mbunga ya vanu vavangi.

Zakaliya 9:16

Omo litangwa lije likaija, Shukulu Kalunga akanyunga vanu vendi ngwe kanyungi amena vutanga vwendi ku vushonde. Vakavyazima mu lifuti lyendi ngwe mamanya a seo a cilongo.

Mateo 11:27

“Vyuma vyoshe Tate nanjanavyo. Co lalo naumo wai azivuka Mwana kuvanga Ishe, co lalo naumo wai azivuka Ishe kuvanga Mwana, na vaje voshe vashaka Mwana kuvasholwelaye.

Mateo 21:5

“Lekeni nganda ya Siyone ngweni, Kenga, mwene yove alinakwija kuli yove! Wa kulikeesa, co nalondo a cimulu, naa muna cimulu wamundondo.”

Mateo 28:18

Co Yesu washwenyele kuyehi navo wendekele navo ngwendi, “Moko yoshe ya mwilu neyi ya ano asi vananjanayo.

Luka 10:22

“Vyuma vyoshe Tate nanjanavyo. Co lalo naumo wai azivuka Mwana kuvanga Ishe, co lalo naumo wai azivuka Ishe kuvanga Mwana, na vaje voshe vaashaka Mwana kuvasholwelaye.”

Yowano 17:11

Co ololo njilinakwija kuli yove, kunjesi ano a kaye lalo, oloni vakevo vali ano a kaye. Ove Tate wakujela! Vanyunge mu kwoloka na nzili ya lizina lyove, lizina lije liwanjanene, ngeci vapwe umo ngwe yove nange twapwa umo.

Yowano 17:12

Simbu njakele navo, njavanyungile mu kwoloka na nzili ya lizina lyove, lizina lije liwanjanene. Njavanyungile mu kwoloka, naumo wai wavo wazimbalele, kuvanga lika munalume uje ivatumbwilile kunyonga, ngeci visoneka vipwe vya vushunga.

Efeso 1:21

Kilistu alinakushwana akamwa ya voshe vaka-kushwana mwilu na vaka-moko yakama na vaka-nzili na vashukulu voshe, ikeye ali na lizina lili akamwa ya mazina oshe a moko ali muno mu kaye na kaje kakaijako.

VaHevelu 2:9

Oloni tunamono Yesu, uje ivanapwisa kasimbu kakandondo lika mwisi ya tungelo, ngecivene, mu kutetela kwa Njambi napande kutsila vanu voshe. Ololo tunamumono vanamuziki cilongo ca vumpau na kasingimiko omwo a kutsa kuje kwayandele.

Kujombolola 1:14

Na vin̄ambu vyendi vyatokele too ngwe vwanda, nambe ngwe mbundu, na mesho endi ahyahyatele ngwe mulangi wa tuhya,

Kujombolola 12:3

Co cizivukiso cakama cikwavo casholokele mwilu. Kwakele canza-ngombe wakama wakuvenga uje wakele na mitwe itanu na ivali na vimbinga likumi, co a mutwe umo na umo akele cilongo.

Kujombolola 13:1

Asinoni njamwene cikashama atuuka mu mema a kalunga. Wakele na vimbinga likumi na mitwe itanu na ivali, ku mbinga imo na imo kwakele cilongo, co a mutwe umo na umo akele lizina lyakushaula Njambi.

Kujombolola 19:16

A cikoveyo cendi cacilaja na a myanja yendi vasonekeleo lizina ngwavo, “Mwene ya vimyene na Shukulu ya vashukulu.”

Kujombolola 3:12

Uje ahyana njikamupwisa manda mu Njuvo ya Shukulu Kalunga Njambi yange, co nalumo lwai lalo akatundamo. Co njikasoneka ali ikeye lizina lya Njambi yange, na lizina lya nganda ya Njambi yange, ikeyo Yelusalema yaiha, ije ikashuluka kutunda mwilu kuli Njambi yange. Co lalo njikasoneka ali ikeye lizina lyange lyaliha.

Kujombolola 6:2

Njakengele, co kwakele kavalu wakutoka. Uje walondeleo wakwatele vuta vwa lusipa, co vamwanene cilongo. Wakatukile ngwe muka-kuhyana aya mukuhyana.

Maako 13:18

Co kangelo ka Shukulu Kalunga wamwihwile ngwendi, “Omwo vikajo ushaka kuzivuka lizina lyange? Likelyo lyapwa lizina lyakukomokesa.”