Kujombolola 18:8 - Livulu lya Shukulu Kalunga

⁸ Omwo cuma eci, cihiso cendi cikaija litangwa limo, kutsa na vusiwa na njala. Co vakamwenyeka na tuhya, omwo Shukulu Kalunga Njambi, uje akamusompa, wapwa muka-nzili.”

Kujombolola 18:8 Iomraidhean Croise

Yombi 9:19

Yange njasa kumusindiya ndi? Njasa kusindiya Njambi ndi? Njasa kumutwala ku mbanja ndi? Iyajo asa kumutwalako?

Myaso 62:11

Visimbu vyavingi njinazivi Njambi endeka ngwendi, “Nzili yakundama kuli yange,

Isaya 27:1

A litangwa lije Shukulu Kalunga na moko yendi ya mukwale ya nzili yakama manene akanyanyamesa Levyatane linyoka wa lumbisi, wakulizenga-zenga, co akatsiya cikashama uje wakala mu mema a kalunga.

Isaya 9:14

A litangwa limolika, Shukulu Kalunga akahisa vantwama va Isalele na vanu vayo. Ikeye akavavatozola mutwe wavo na mukila wavo.

Njelemiya 50:31

“Mbambilone, u muka-kulyalesa, ngecivene, yange, Kalunga wa Akamwa ya Vyoshe, Muka-nzili yoshe, njilinakukulwisa! Simbu yange inete yakukunyanyamesa.

Njelemiya 50:34

Oloni uje akavapatula ali na nzili, lizina lyendi ikeye Shukulu Kalunga Muka-nzili yoshe. Ikeye akasompa vyavo, akanena kwoloka ano asi, oloni tuyando kuli vanu va Mbambilone.”

Njelemiya 51:58

Vivumbe vya Mbambilone vyakukola, vakavisiwila asi, co vikolo vya tuposhi twayo vakavyenyeka njwa. Vipangi vya miyati ya vanu vyoshe vinapu vyangoco, vyoshe vije vanapangela, vikenya na tuhya. Yange Kalunga Muka-nzili yoshe, njinendekamo.”

Njelemiya 51:6

Teweni mutunde mu Mbambilone! Teweseni myonyo yeni! Kesi vamitsiye omwo vuvi vwa vaka-Mbambilone. Yange ololo njilinakulinga shambandinga, nakuvahisa ngwe mucinavapande.

Njwele 2:11

Shukulu Kalunga ashika mashwalale vendi na lijwi lyakama ngwe cililimo. Mashwalale vaje vamwononoka vapwa vavangi, co lalo vakala na nzili. Litangwa lya Shukulu Kalunga likapwa lya vukalu manene! Naumo wai akasa kuputumuka.

1 Kolinte 10:22

Kuma tushaka kulingisa Mwene lifuwa ndi? Kuma tuyongola ngwetu tuli na nzili kutuvakana ikeye ndi?

Kujombolola 11:17

ngwavo, “Shukulu Kalunga Njambi Muka-nzili yoshe, uje aliko, uje wakeleko! Tukukandelela omwo unatambula nzili yove yakama, co unashangumuka kushwana!

Kujombolola 17:16

Vimbinga vije likumi viwamwene na cikashama, vakazinda uje cikwizi, vakevo vakambata vyuma vyoshe vije vyali navyo, co vakamuseza mushelengwa, vakalya situ yendi nakumunyongesa na tuhya.

Kujombolola 17:18

“Uje munakazi iwamwene ikeyo nganda yakama ije ilinakushwana vimyene va ano asi.”

Kujombolola 18:17

Co mu ola imolika lajoko nazimbalesa vufuko vwoshe ovu!” Na voshe vantwama va mato na vaka-kwendamo na vaka-kujavula na voshe vaje vakele nakulandulwila a mema a kalunga, vemanene kulyala,

Kujombolola 18:19

Valishuwilile livu a mitwe yavo, valilile nakusikoka, co vendekele ngwavo, “Kengeni! Naana! Kayeketu! Kayeketu! Nganda eyi yakama! Yapwile nganda ije yafukisile vaka-mato akama voshe vaje vakele nakwendela a mema a kalunga! Co ola imolika lajoko nazimbalesa vyendi vyoshe!”

Kujombolola 19:3

Vatambekele lalo ngwavo, “Shangazaleni Njambi! Vwisi vwakutunda ku milangi ije inenyeka nganda vulinakukakumuka ku myaka na myaka!”