Kujombolola 18:4 - Livulu lya Shukulu Kalunga

⁴ Co njazivile lalo lijwi likwavo lyatundile mwilu lyendekele ngwalyo, “Eni vanu vange! Tundeni kuli ikeye! Kesi mulipandakane nendi mu vuvi vwendi, kesi mukundame ku cihiso cendi!

Kujombolola 18:4 Iomraidhean Croise

Kushangumuka 19:14

Asinoni Lote waile kuli vanalume vaje vashakele kwambata vana vendi, wavalekele ngwendi, “Zambuleniko mutunde muno, omwo Shukulu Kalunga ashaka kunyongesa nganda ino.” Oloni vakevo vayongwele ngwavo alinakulinga lyepe.

Myaso 50:18

Yove ulikwata vusamba na mwizi woshe uje iwumona, co unalipandakana na vaka-vupangala.

Isaya 48:20

Tundeni mu Mbambilone! Lisambeni omo muya. Joleleni nakutambeka ngeci vanu voshe vazive ngwavo, “Shukulu Kalunga namena Isalele ngamba yendi!”

Isaya 52:11

Tundeni mu Mbambilone, yeni voshe vaka-kwambata vivala vya mu Njuvo ya Shukulu Kalunga. Kesi mukwate cuma cakujwala, lijeleseni ngeci muye.

Njelemiya 50:8

“Vanu va Isalele, tundeni mu Mbambilone! Sezeni lifuti lya vaMbambilone! Pweni yeni vakulivanga kutundamo!

Njelemiya 51:45

Vanu va Isalele, teweni mutundemo! Teweseni myonyo yeni kutunda ku vukalu vwange vwakama.

Njelemiya 51:50

Shukulu Kalunga alinakwendeka kuli vanu vendi vali mu Mbambilone ngwendi, “Munaputumuka ku kutsa! Ololo yeni! Kesi mutumbame! Nameme muli kulyala na kwimbo, anukeni yange Kalunga Njambi yeni, co anukeni Yelusalema.

Njelemiya 51:6

Teweni mutunde mu Mbambilone! Teweseni myonyo yeni! Kesi vamitsiye omwo vuvi vwa vaka-Mbambilone. Yange ololo njilinakulinga shambandinga, nakuvahisa ngwe mucinavapande.

Njelemiya 51:9

Vaje vaka-kwija vakele muje vendekele ngwavo, ‘Tuneseka kusaka Mbambilone, oloni tunonwa. Tuyisezeni twilukeni ku membo etu. Njambi nahisa Mbambilone na nzili yendi yoshe, co nayinyongesa yoshe njwa.’ ”

Mateo 23:30

mwendeka ngweni, ‘Nga twakeleko a matangwa aje a vakukulwila vetu, nga kutwalingile vije vivalingile vyakutsiya vaka-kwimanena.’

2 Kolinte 6:17

Ngecivene, Shukulu Kalunga alinakwendeka ngwendi, “Munapande kuvaseza, co tundeni kuli vakevo. Kesi mulinge cuma cimo a vyuma vyakujwala, co njikamitambula.

1 Timateo 5:22

Kesi uzambule vwasi-vwasi kukambeka mavoko ali vanu mukuvakundika ku vipangi vya Mwene. Kesi ulipandakane mu vuvi vwa vanu veka, linyunge yove vavenya nakulijelesa.

2 Yowano 1:11

Omwo woshe uje avakandelela mu kwoloka alitombola navo mu vuvi vuje vuvakalingi.