Kujombolola 18:16 - Livulu lya Shukulu Kalunga

¹⁶ co vakendeka ngwavo, “Kengeni! Naana! Kayeketu! Kayeketu! Nganda yakama! Ije yazalele vinanga vya linyu nevi vyakuvenguluka nevi vyakuvenga nakulifwika vya senga vya ngolinde nevi vya mamanya a seo na makwalale!

Kujombolola 18:16 Iomraidhean Croise

Ezekiyele 28:14

Yange njaakele kelumbi ngeci akunyunge. Yove wakele a munkinda wange wakujela, co wakele nakwenda akati ka mamanya a seo akuvyazima.

Nahumi 2:9

Pukuleni siliva! Pukuleni ngolinde! Nganda inashulu na vufuko!

Kujombolola 17:3

Njakele mu Munzinzime, co uje kangelo wanjitwalele mu mambo. Co kuje njamwene munakazi natumbama a cikashama wakuvenga a muvila wendi vasonekeleo mazina amangi akushaula Njambi, uje cikashama wakele na mitwe itanu na ivali na vimbinga likumi.

Kujombolola 17:4

Uje munakazi wazalele nanga yakuvenguluka neyi yakuvenga, co vaicakeyeye na ngolinde na mamanya a seo na makwalale. Wakwatele nganja ya ngolinde mu livoko lyendi yakushula na vunyengwe na vyuma vya mazilo, vikevyo vyakutunda ku vupangala vwendi.

Kujombolola 18:18

co valilile omo vamwene vwisi vwa milangi ije yamwenyekele, co vendekele ngwavo, “Kukwesi lalo nganda yakama yakutuvakana eyi!”

Kujombolola 18:19

Valishuwilile livu a mitwe yavo, valilile nakusikoka, co vendekele ngwavo, “Kengeni! Naana! Kayeketu! Kayeketu! Nganda eyi yakama! Yapwile nganda ije yafukisile vaka-mato akama voshe vaje vakele nakwendela a mema a kalunga! Co ola imolika lajoko nazimbalesa vyendi vyoshe!”