Kujombolola 17:8 - Livulu lya Shukulu Kalunga

⁸ Uje cikashama iwunamono wakele nakuyoya akulivanga, oloni ololo kesi nakuyoya, ololo atuuka mu mbulu kuyesi naa masima, co vakamunyongesa. Co vanu vaje vali ano asi, vaje mazina avo kuvawasonekele mu livulu lya mwonyo tunde akutanga kwa kaye, voshe vakalikomokela akumona uje cikashama, omwo wayoyele, co kesi nakuyoya, oloni akasholoka lalo.

Kujombolola 17:8 Iomraidhean Croise

Myaso 69:28

Zimangana mazina avo mu livulu lya vaka-kuyoya, kesi uvasoneke amolika na vaka-vushunga.

Ndanyele 11:45

Akashimbika vimbalaka vyendi vyakama vya vumwene mukati ka mema a kalunga na a munkinda aje ali Njuvo ya Shukulu Kalunga. Oloni akatsa, co naumo wai wakumukwasa akakalako.”

Ndanyele 7:11

Omo njakele nakukengelela, co njazivile ije mbinga yaindondo yakele nakwendeka majwi akulishasha. Omo njakengele, co uje cikashama wamuciwana vamutsiile, co muvila wendi vaumbilile mu milangi ya tuhya, co wanyongele.

Ndanyele 7:26

Asinoni mbanja ya mwilu ikatumbama nakusompa, co vakatundisa nzili yendi nakumunyongesa njwa.

Ndanyele 7:3

Co vikashama vawana vatuukile mu mema a kalunga, cikashama umo na umo wafwile mweka.

Ndanyele 7:7

Omo njakengele, njamwene lalo cikashama wamuciwana. Ikeye wapwile wa nzili nakukomokesa nakujujwisa. Wakele na mayo a vutale akama, co walile nakuvatozola nakulyatangela vije vyasaleleo. Ikeye kafwile ngwe vaje vikashama vakwavo vatatu embwe, oloni wakele na vimbinga likumi.

Mateo 25:34

Asinoni mwene akendeka kuli vaje vali ku livoko lyendi lya cilyo ngwendi, ‘Ijeni, yeni vaanavezikisa Tate! Shwaneni vumwene vuje vamivwaeselele tunde kukutanga kwa kaye.

Luka 10:20

Kesi mujolele omwo minzinzime yakujwala imyononoka embwe, oloni joleleni omwo mazina eni vanawasoneka mwilu.”

Luka 8:31

Co ije minzinzime yakujwala yalombele Yesu ngeci kesi aitume ku mbulu yakulova manene kwisi ya kaye.

Yowano 17:24

“Ove Tate! Unavana kuli yange, co njishaka vakale nange kuje kunjili, ngeci vakamone vumpau vwange, vumpau vuje vuwanjanene, omwo wanjizemene simbu kanda vatange kaye.

Vilinga vya Miluwa 15:18

Mukemwo mwalinakwendeka Shukulu Kalunga, uje washolwele vyuma evi ku san̄ulu.’ ”

Efeso 1:4

Nambe te kaye kanda vakatange, Njambi watwangwile laja tupwe tu vendi muli Kilistu, ngeci tupweni vakujela nakujeneka mulonga ku mesho endi. Omwo cizemo cendi

Tito 1:2

vuje vunemana a cinyangavili ca mwonyo uje wa myaka yoshe. Njambi uje kesi kukwisa, watukulaesele mwonyo ou simbu kanda vatange kaye,

1 Petulu 1:20

Njambi wamwangwile simbu kanda vatange kaye, co vamusholwele mu matangwa ano akukotoka omwo yeni.

Kujombolola 11:7

Omo vanamanesa kwambulula lijwi lyavo, cikashama uje akatuuka muje mu mbulu ije kuyesi naa masima akalwa nzita navo. Akavahyana nakuvatsiya,

Kujombolola 17:11

Co cikashama uje wayoyele akulivanga, oloni kesi nakuyoya, ikeye napu mwene wamucitanu na vatatu ikeye umo wa vaje vakulivanga vatanu na vavali, co alinakuya kukunyonga.

Kujombolola 17:2

Vimyene va ano asi valingile nendi vupangala, co vanu va mu kaye vapendele mukunwa vinyu vya vupangala vwendi.”

Kujombolola 20:10

Asinoni Liyavola, uje wavakwisile, vamumbilile mu lishali lya tuhya na sulufa, muje muvombilile laja uje cikashama na muka-kwimanena wa makuli, co vakayanda manene mutanya na vutsiki myaka na myaka.

Kujombolola 20:12

Coi njamwene vatsi, vakama na ava vavandondo, vemanene kulutwe lwa litanda. Vafukwile mavulu, co lalo vafukwile livulu likwavo, likelyo livulu lya mwonyo. Co vatsi vavasompele ngwe ku vilinga vyavo vije vivalingile, ngwe muvavisonekele mu mavulu.

Kujombolola 20:15

Co woshe uje kuvasonekele lizina lyendi mu livulu lya mwonyo vamumbilile mu lishali lya tuhya.

Kujombolola 3:10

Omwo unanyungu lijwi lyange nakupwa muka-kusimpa, co lalo njikakunyunga a simbu ya tuyando tuje tulinakwija mu kaye koshe nakweseka vanu voshe va ano asi.

Kujombolola 3:5

Kuli vaje vahyana, vakavazika vuzalo vuje vene vwakutoka, co kunjikatundisa mazina avo mu livulu lya mwonyo. Njikendeka citona-mesho ku mesho a Tate na ku mesho a tungelo twendi ngwange ava vanapu vange.