Kujombolola 17:7 - Livulu lya Shukulu Kalunga

⁷ Oloni kangelo wendekele kuli yange ngwendi, “Omwo vika unalikomokela? Njikakuleka cisin̄iko ca munakazi ou na ca cikashama uje namwambata, cikashama uje ali na mitwe itanu na ivali na vimbinga likumi.

Kujombolola 17:7 Iomraidhean Croise

2 Tesalonika 2:7

Vuvi Vwakukomokesa manene vwakushwekesa vulinakulingiwa ololo, oloni vije vilinakulingiwa kuvikalingiwa kuvanga noo uje muka-kuvuvindika vanamutundisa.

Kujombolola 1:20

Eci cikeco kulumbunuka kwa cisin̄iko ca vingongonosi vitanu na vivali vije unamono mu livoko lyange lya cilyo, na vitumbikilo vya vindeya vya ngolinde vitanu na vivali, vingongonosi vitanu na vivali vinapu tungelo va vije vikungulukilo vitanu na vivali, co vitumbikilo vya vindeya vitanu na vivali vinapu vije vikungulukilo vitanu na vivali.”

Kujombolola 12:3

Co cizivukiso cakama cikwavo casholokele mwilu. Kwakele canza-ngombe wakama wakuvenga uje wakele na mitwe itanu na ivali na vimbinga likumi, co a mutwe umo na umo akele cilongo.

Kujombolola 17:8

Uje cikashama iwunamono wakele nakuyoya akulivanga, oloni ololo kesi nakuyoya, ololo atuuka mu mbulu kuyesi naa masima, co vakamunyongesa. Co vanu vaje vali ano asi, vaje mazina avo kuvawasonekele mu livulu lya mwonyo tunde akutanga kwa kaye, voshe vakalikomokela akumona uje cikashama, omwo wayoyele, co kesi nakuyoya, oloni akasholoka lalo.

Kujombolola 18:1

Munima yevi njamwene kangelo watundile mwilu. Wakele na moko yakama, co asi a vyazimine na vumpau vwendi.