Kujombolola 16:10 - Livulu lya Shukulu Kalunga

¹⁰ Asinoni kangelo wamucitanu wetilile lilonga lyendi a litanda lya uje cikashama. Co lisusulungu lyawililile akamwa ya vumwene vwa uje cikashama, co vanu valishumangele malimi avo omwo kuvavala kwavo,

Kujombolola 16:10 Iomraidhean Croise

Myaso 78:49

Wavamwesele tuyando twakama akuvamwesa vukalu vwendi na matoto endi, vije vyezile ngwe mbunga ya tungelo yakunyongesa.

Mateo 13:42

Co vakavombila mu litende lya tuhya, muje mukakala kulila nakulingenjenga ku mayo.

Mateo 13:50

Co vaka-vuvi vakavombila mu litende lya tuhya, muje mukakala kulila nakulingenjenga ku mayo.”

Mateo 22:13

Asinoni mwene walekele vangamba vendi ngwendi, ‘Mukuteni ku mavoko na ku mendi, co mumbileni anja mu lisusulungu, kuje akalila nakulingenjenga ku mayo.’ ”

Mateo 24:51

Co shukulu yendi akamumbila anja, co akaya ku cihiso amo na vaka-civembulu. Kuje akalila nakulingenjenga ku mayo.

Mateo 8:12

Oloni vaje vanapandele ngeci vakatumbame mu Vumwene vuje vakavombila anja mu lisusulungu kuje kukakala kulila nakulingenjenga ku mayo.”

Luka 13:28

Mukalila nakulingenjenga ku mayo omo mukamona Avilahama na Isake na Yakomba na vaka-kwimanena voshe mu Vumwene vwa Njambi, a simbu ije vamyumbila anja!

1 Petulu 2:17

Singimikeni munu woshe, zemeni vasamba veni vaka-kukulaela, komokeni Njambi, co singimikeni vaka-kushwana.

Kujombolola 11:10

Vanu vaka-asi vakajolela a kutsa kwa ava vanu vavali, vakalisamba nakutumisa mavwana kuli umo na mukwavo, omwo vaje vaka-kwimanena vavali vanenele tuyando twakama manene a vanu va ano asi.

Kujombolola 11:2

Oloni kesi ukaseteke vimbanja vyayo vya anja, omwo vanavyana kuli vaka-kujeneka kukulaela vaje vakalyatangela Nganda Yakujela a vingonde makumi awana na vingonde vivali.

Kujombolola 11:8

co mivila yavo vakailangeka mu tapalo ya nganda yakama, kuje kuvashukikilile Mwene yavo. Cizivukiso ca lizina lya nganda ije lyapwa Sondoma nambe Ingito.

Kujombolola 17:17

Omwo Njambi naaka mu vimbunge vyavo cizango cakulinga vutumbe vwendi, mukukala na mbunge imolika ngeci vaane uje cikashama nzili yakushwana noo majwi a Njambi anasholoka kupwa a vushunga.

Kujombolola 17:9

“Aa akeo akala mana nakuzivisisa. Ije mitwe itanu na ivali inapu malundu atanu na avali, malundu aje anatumbama uje munakazi. Co akeo lalo anapu vimyene vatanu na vavali,

Kujombolola 18:2

Watambekele na lijwi lyakama ngwendi, “Inau! Mbambilone Yakama inau! Ololo inapu nganda yakukala minzinzime yakujwala na kamenga ka minzinzime yakujwala na ya miyati yoshe ya tuzila vavushakulwizi na mazilo oshe.

Kujombolola 18:21

Asinoni kangelo umo wa nzili wanonele limanya lyakama ngwe limanya lyakulolela vunga walyumbilile mu mema a kalunga, co wendekele ngwendi, “Omu mukemwo muvakombila asi nganda yakama Mbambilone, co kuvakaimono lalo.

Kujombolola 18:23

Naumo wai lalo akamona ceke ca ndeya muli yove, nalumo lwai lalo vakaziva lijwi lya shombolwa na vavenya vulo muli yove. Vaka-kulanda vove vapwile vaka-nzili manene mu kaye mwoshe, co wakwisile vanu voshe va mu kaye na manseno ove a makuli!

Kujombolola 8:12

Asinoni kangelo wamuciwana wembile lupembo lwendi. Co litambelo lyamucitatu lya litangwa valipupile na litambelo lyamucitatu lya ngonde na litambelo lyamucitatu lya vingongonosi, ngeci ceke cavyo cizimbalese litambelo lyamucitatu lyakuvyazima kwaco, co kukwakele ceke a simbu ya litambelo lyamucitatu lya mutanya na litambelo lyamucitatu lya vutsiki.

Kujombolola 9:2

Ije ngongonosi yashokolwele ije mbulu kuyesi naa masima, co vwisi vwatuukilemo, ngwe vwisi vwakutunda mu lutengo lwakama, co misha ya litangwa na lihunzi vyazivalele na vwisi vuje vwatundile muje mu mbulu ije kujesi naa masima.