Kujombolola 15:5 - Livulu lya Shukulu Kalunga

⁵ Munima yevi njamwene Njuvo ya Shukulu Kalunga inashokoloka mwilu, na Mbalaka ya Vukaleo yakele muje.

Kujombolola 15:5 Iomraidhean Croise

Kutuuka 25:21

Co aka vitale vivali vya mamanya vya vukaleo vinjikakwana mukati ka cikasa, co aka cifwiko ca mema ku mbunge akamwa yaco.

Kutuuka 38:21

Ou ukewo mukana wa vutale vuvapangesele mu Mbalaka Mwakuliwanena, muje vatulikilile vitale vivali vya mamanya vije vivasonekele Mashiko Likumi. Mosesa washikile vaLevi kusoneka mukana ou ku livoko lya Itamale muna Alone muka-kukombelela.

Kulava 1:50

Oloni vaLevi vapwe vaka-kunyunga lika ku Mbalaka Mwakuliwanena na vivala vyamwo vyoshe. Vakevo vakayambata na vivala vyayo, nakuyinyunga, co vakashimbike vimbalaka vyavo kuzengeleka Mbalaka Mwakuliwanena.

Kulava 1:53

Oloni vaLevi vakashimbike vimbalaka vyavo kuzengeleka Mbalaka Mwakuliwanena nakuyinyunga. Co naumo wai akashwenyako ngeci akashangumune vukalu vwange kutewa njikanyanyamesa mbunga ya vanu va Isalele.”

Mateo 27:51

Asinoni nanga ije yakele nakujenjela mu Njuvo ya Shukulu Kalunga yatavukile akati, kutunda kwilu nakweta asi. Co asi ajajele na mamanya atavukile,

VaHevelu 8:5

Vipangi vivalingile ngwe vaka-kukombelela vyapwile vene ngwe kutembunwina munzinze wa vije vili mwilu. Vije vinapu cifwa cimo vene ngwe mwalingile Mosesa. Omo washimbikile Mbalaka ya Cikumiiyo Njambi wamulekele ngwendi, “Kenga unapande kulinga vyoshe ngwe ku seteko vakumwesele ku munkinda.”

Kujombolola 11:19

Asinoni Njuvo ya Shukulu Kalunga ya mwilu yashokolokele, na Cikasa ca Cikumiiyo vacimwene muje. Asinoni kwakele kuvyakula kwa mihyato na mikalateto nakujaja kwakama kwa kaye na cililimo na nyonzi yakama ya mamanya.

Kujombolola 13:6

Co washangumukile kushaula Njambi na lizina lyendi na mutambela kuje kwakala na voshe vaje vakala mwilu.