Kujombolola 14:7 - Livulu lya Shukulu Kalunga

⁷ Co wendekele na lijwi lyakama ngwendi, “Komokeni Njambi, co shangazaleni vukama vwendi! Omwo simbu inete ngeci asompe vanu voshe. Lemeseni uje watangele lilu na asi na mema a kalunga na masima a mema a tuvwelu-vwelu!”

Kujombolola 14:7 Iomraidhean Croise

Kushangumuka 22:12

Co kangelo ka Shukulu Kalunga wendekele ngwendi, “Kesi uvulumune mwanike nameme kulinga cuma cimo kuli ikeye. Ololo njinazivuka ngeci yove ulinakukomoka Njambi, omwo yove unatavele kunjana munove umolika.”

Nehemiya 9:6

Asinoni vanu va Isalele valombelele lilombelo eli, “Yove Shukulu Kalunga, yove lika u Shukulu Kalunga, yove watangele melu na vingongonosi vya mwilu. Yove watangele nunda na mema a kalunga na vyuma vyoshe vilimo. Yove waanene mwonyo ku vyoshe. Vyoshe vili mwilu vikutsikamena nakukulemesa.

Myaso 115:15

Shukulu Kalunga uje watangele lilu na asi amivezikise.

Myaso 124:8

Vukwasi vwetu vutunda kuli Shukulu Kalunga, uje watangele lilu na asi.

Myaso 33:6

Akushika kwendi Shukulu Kalunga watangele lilu, co na lijwi lyendi kwasholokele litangwa, na ngonde, na vingongonosi.

Myaso 36:1

Vuvi vukalingisa vaka-vuvi ngeci vakavangeye viyongola vyavivi vili mu vimbunge vyavo, vakavyana Njambi, co kuvesi kumukomoka.

Myaso 89:7

Yove wapwa wakujujwisa mu munga ya vaka-kujela, co vukama vwove vwapwa vwakukomokesa kuli voshe vaje vali mwilu.

Myaso 95:5

Mema a kalunga apwa endi, omwo ikeye waatangele, watangele lalo nunda.

Kutuuka 20:11

Omwo a matangwa atanu na limo, yange Kalunga njatangele lilu, na asi, na mema a kalunga, na vyoshe vije vilimo, oloni a litangwa lyamucitanu na avali likelyo njahwimine. Mukemwo vene yange Kalunga njavezikisile Litangwa Lyakuhwima nakulijelesa.

Isaya 40:3

Lijwi lya umo muka-kutambeka ngwendi, “Vwaeseleni Shukulu Kalunga tapalo mu mambo! Vwaeseni tapalo yakushungama ya Njambi yetu!

Isaya 40:6

Lijwi lya umo muka-kutambeka ngwendi, “Ambulula lijwi!” Njehwile ngwange, “Lijwi mukajo njinapande kwambulula?” “Ambulula ngwove vanu voshe vanafu ngwe mwila, myonyo yetu ya kasimbu kakandondo lika, ngwe vishani vya mu shwata.

Isaya 40:9

Yelusalema, lamata a munkinda waulaja, ambulula vin̄anda vyavivwa! Siyone, tambeka na lijwi lyakama, ambulula vin̄anda vyavivwa! Ambulula, kesi uzive lyova. Leka membo a Yunda ngwove, Njambi yeni ali kuno!

Isaya 42:12

Vaje vakala ku mafuti a kulyala vaane cishangala na vumpau kuli Shukulu Kalunga!

Isaya 44:23

Tambekeni nakujolela, yeni melu! Tambekeni, yeni mitambela ya mwisi ya kaye! Tambekeni nakujolela, yeni minkinda na miti yoshe ya mu shwata! Shukulu Kalunga namwesa vukama vwendi akwamena vanu vendi va Isalele.

Isaya 58:1

Shukulu Kalunga alinakwendeka ngwendi, “Tambekeni manene ngwe mumunasela! Lekeni vanu vange va Isalele a vuvi vwavo!

Njelemiya 10:10

Oloni yove Shukulu Kalunga, wapwa Njambi wa vushunga, yove Njambi wakuyoya na mwene wa ku myaka yoshe. Omo uluvala, co kaye kajaja, miyati ya vanu kuvasa kusimpa ku vukalu vwove.

Ezekiyele 7:2

“Muna munu, evi vikevyo yange Kalunga wa Akamwa ya Vyoshe, njilinakwendeka ku lifuti lya Isalele, eci cikeco kukotoka kwa lifuti lyoshe!

Ezekiyele 7:6

Kunahu. Oku kukekwo kukotoka. Unanyongo.

Ndanyele 8:19

wendekele ngwendi, “Njikumwesa muvukafwa vukalu vwa Njambi. Cimona eci cimwesa simbu yakukotoka.

Hoziya 8:1

Shukulu Kalunga alinakwendeka ngwendi, “Imbeni mwondo wa nzita! Vitozi valinakucuncumukila mu lifuti lyange ngwe vingonga! Vanu vange vanapokola cikumiiyo cije njalikumiiye navo, co vanatengulukila vilongesa vyange nakuvilwisa.

Malakiya 2:2

Munapande kunjisingimika a vije mulinga. Nga kumutolilila ku vije vinjendeka, co njikamisinga. Co njikasinga vyuma vije vyakumikwasa vivakamyana. Mwa vushunga njinavisingi laja, omwo kumwesi kumbako mbunge ku mashiko ange.

Mateo 25:13

Co Yesu wamanesele kwendeka ngwendi, “Nyanyameni omwo kumuzivuka litangwa nambe simbu.

Luka 17:18

Omo vika ou lika kesi kaYunda neluka nakukandelela kuli Njambi?”

Vilinga vya Miluwa 14:15

“Omwo vikajo mulinakulinga cuma eci? Netu tunapu tu vanu ngeci mweni! Tulikuno mukwambulula Vin̄anda Vyavivwa, mukumitengulula ku vyuma vyangoco ngeci mwije kuli Njambi wakuyoya, uje watangele lilu na asi na mema a kalunga na vyoshe vilimo.

Yoshwa 7:19

Asinoni Yoshwa wendekele kuli ikeye ngwendi, “Munange, endeka vushunga ku mesho a Shukulu Kalunga Njambi ya Isalele, co litavele. Njileke evi viwunalingi. Kesi unjishwekelevyo.”

1 Petulu 4:7

Kukotoka kwa vyuma vyoshe kuli muyehi. Munapande kulinyunga nakukengelela, ngeci mwase kulombela.

Kujombolola 11:13

Co a simbu ije vene kwakele mandunduma akama, mutambela wamulikumi wa nganda wasiwukile, co vanu vakupwa 7,000 vatsile, vaje vasaleleo vazivile manene lyova, co vashangazalele vukama vwa Njambi wa mwilu.

Kujombolola 11:18

Vaka-kujeneka kukulaela vashulile na vukalu, omwo simbu ya vukalu vwove inete, simbu yakusompa vatsi. Simbu inete yakwana cikandelela kuli vangamba vove vaka-kwimanena, na kuli vanu vove voshe, voshe vaje vakukomoka, vakama na ava vavandondo. Simbu inete yakunyongesa vaje vanyongesa kaye!”

Kujombolola 15:4

Iyajo kasa kukukomoka yove Shukulu Kalunga? Iyajo avyana kushangazala vukama vwove? Yove lika wapwa wakujela! Miyati yoshe ya vanu vakaija nakukulemesa, omwo vilinga vyove vya vushunga vinasholoka kuli vanu voshe.”

Kujombolola 16:9

Vanu venyele na ntwima yakama, co vasingile lizina lya Njambi, uje ali na moko a tuyando otu. Oloni kuvatengulukile ku vivi vyavo nakushangazala vukama vwendi.

Kujombolola 18:10

Vakashondoloka nakwimana kulyala, omwo vakaziva lyova lya tuyando twendi, co vakendeka ngwavo, “Kengeni! Naana! Kayeketu! Kayeketu! Mbambilone nganda yakama! Mu ola imolika lajoko vanakunyanyamesa!”

Kujombolola 18:17

Co mu ola imolika lajoko nazimbalesa vufuko vwoshe ovu!” Na voshe vantwama va mato na vaka-kwendamo na vaka-kujavula na voshe vaje vakele nakulandulwila a mema a kalunga, vemanene kulyala,

Kujombolola 18:19

Valishuwilile livu a mitwe yavo, valilile nakusikoka, co vendekele ngwavo, “Kengeni! Naana! Kayeketu! Kayeketu! Nganda eyi yakama! Yapwile nganda ije yafukisile vaka-mato akama voshe vaje vakele nakwendela a mema a kalunga! Co ola imolika lajoko nazimbalesa vyendi vyoshe!”

Kujombolola 19:5

Asinoni lijwi lyatundile ku litanda lyendekele ngwalyo, “Shangazaleni Njambi yetu, yeni vangamba vendi voshe vaje vamukomoka, vakama na ava vavandondo!”

Kujombolola 4:11

“Mwene yetu na Njambi yetu! Yove wafwila kutambula vumpau na kasingimiko na nzili. Omwo yove watangele vyuma vyoshe, co ku cizango cove vavyanene kuyoya na mwonyo.”

Kujombolola 4:9

Vaje vikashama vawana vakuyoya vaimba myaso ya vumpau na kasingimiko nakukandelela kuli uje natumbama a litanda, uje wayoya ku myaka yoshe, omo vaimba,

Kujombolola 8:10

Asinoni kangelo wamucitatu wembile lupembo lwendi. Co ngongonosi yakama, yakele nakwenya ngwe mutetango, yawile kutunda kwilu nakuwila a litambelo lyamucitatu lya vindonga na a masima a tuvwelu-vwelu.

1 Samwele 6:5

Co munapande kushonga tumponya twa mazimbo na vimuku vikevyo vilinakuviisa lifuti lyeni, co munapande kwana kasingimiko kuli Njambi ya Isalele. Amo akalikela kumihisa, na vinjambi veni, na lifuti lyeni.