Kujombolola 14:10 - Livulu lya Shukulu Kalunga

¹⁰ ikeye lalo akanwa ku vinyu vya Njambi, vinyu vya vukalu vwendi, vije kesi vyakukumbasana mu nganja ya vukalu vwendi! Voshe vaje valinga eci vakakala mu n̄avava yakama mu tuhya na sulufa ku mesho a tungelo vakujela na ku mesho a Muna Manga.

Kujombolola 14:10 Iomraidhean Croise

Kushangumuka 19:24

Aje vene, Shukulu Kalunga wanyokesele tuhya twa lilungu lyakama a vinganda vya Sondoma na Ngomola.

Yombi 18:15

Co ololo munu woshe nasa kukala mu mbalaka yendi, co vaketilao Sulufa.

Yombi 21:20

Mesho a vaka-vuvi amone cihiso cavo vakevo vavenya, co vanwe ku vukalu vwa Njambi Muka-nzili yoshe.

Myaso 11:6

Ikeye akatumu tuhya twa lilungu mukwenyeka vaka-vuvi, nakuvahisa na lihunzi lya kwenyeka.

Myaso 37:34

Aka cinyangavili cove muli Shukulu Kalunga ononoka mashiko endi, akakusingimika nakukwana lifuti, co ukamona vaka-vuvi vavashekamo.

Myaso 52:6

Vanu vaka-vushunga vakacimona, co vakaziva lyova, asinoni vakakujola, nakwendeka ngwavo,

Myaso 60:3

Unayandesesa manene vanu vove, unatunwisa vwala vwakutupelyangesa.

Myaso 73:10

Nameme vanu va Njambi vatengulukila kuli vakevo, nakukulaela mu vyoshe vivendeka,

Myaso 75:8

Mu livoko lya Shukulu Kalunga muli nganja inashulu na vinyu vya vukalu vwendi, akavitila asi, co vaka-vuvi voshe vakavinwa nakuvimanesa.

Myaso 91:8

Yove ukakenga nakumona vaka-vuvi omo vavahisa.

Isaya 29:9

Komokeni nakukasama! Lipwiseni vupuputwa kumona! Pendeni oloni kesi na vinyu! Pelyangeleni oloni kesi na vwala vwakulula!

Isaya 30:33

Simbu yalaja vavwaeselele cimweja mutambela wa tuhya twakama tuje vakenyeka natwo mwene wa Asilya. Mwela wa tuhya unapu wa kulova, nakujanjavala, valundikako mutumbo wa vitale waulaja. Shukulu Kalunga akashokwelao muku wa tuhya ngwe ndonga ya milangi kwenyeka uje mutumbo.

Isaya 34:9

Vindonga vya Endome vikemuka lipombosiwa, co livu likemuka lilungu. Co lifuti lyoshe likenya ngwe lipombosiwa.

Isaya 51:17

Yelusalema, induka! Katuka wimane! Unanu mu nganja ya vukalu vwa Shukulu Kalunga wainwile nakuyimanesa, co wapelyangelele.

Njelemiya 25:27

Asinoni Shukulu Kalunga wendekele kuli yange ngwendi, “Leka vanu ngwove yange Kalunga Muka-nzili yoshe, Njambi ya Isalele, njivashika vanwe vapende nakushanja, vawe kesi venduke, omwo a nzita ije njituma kuli vakevo yakuvalwisa.

Njelemiya 49:12

“Nameme vaje kuvapandele kuvanyanyamesa, oloni kuvanga vanwe mu nganja ya kusompa, kuma mwayongola ngweni mukaya ngoco kuminyanyamesa ndi? Embwe, kuvanga munwe mu nganja ije vene!

Njelemiya 51:57

Njikapendesa vaka-kushwana vamwo, na vanalume va mana, na vantwama, na mashwalale. Vakalala, co kuvakenduka lalo. Yange mwene, njinendekamo, yange Kalunga Muka-nzili yoshe.

Mbimbi 4:21

Yeni vanu va Endome na Uze, joleleni, vwaeleleni mwoshe mumunashakela. Neni lalo tuyando tweni tulinakwija, neni lalo mukapelyangela mushelengwa na shwamwa.

Ezekiyele 20:48

Co munu woshe akamona ngeci, yange Kalunga, njinashwameka tuhya a shwata, co naumo wai akasa kutuzima.’ ”

Ezekiyele 38:22

Njikahisa Ngonge na mushongo wakulitambwisa na kutsa. Co njikanyokesa nyonzi ya mingole na nyonzi ya mamanya, amolika na tuhya na sulufa, co aketikila ali ikeye na a mashwalale vendi, na a miyati yaingi vaje vali ku mutambela wendi.

Hambakuke 2:16

Neni lalo mukaziva shwamwa nakujeneka kasingimiko. Neni vene mukanwa nakupelyangela. Shukulu Kalunga akaminwisa mu nganja yeni ya cihiso, co kasingimiko keni kakapwa shwamwa.

Mateo 20:22

Oloni Yesu wavakumbulwile ngwendi, “Kumuzivuka eci cuma cimunalombo. Kuma mwasa kunwa ku nganja ya kayando ije injikanwa ndi?” Vamukumbulwile ngwavo, “Twasa.”

Mateo 25:41

“Asinoni akendeka lalo kuli vaje vali ku livoko lyendi lyacimwoshwe ngwendi, ‘Tundeni kuli yange, yeni vaka-cisingo! Yeni mu tuhya tuje tuvavwaeselele Satana na tungelo twendi!

Mateo 26:39

Co washwenyeleko kulutwe kamandondo, wavulumanene, co walombelele ngwendi, “Tate, nga citava, nganja eyi ya kayando itunde kuli yange! Kesi ngwe mwaya cizango cange embwe, oloni cizango cove cilingiwe.”

Mako 8:38

Nga munu akanjizivila shwamwa na vilongesa vyange akati ka cisemwa eci ca vupangala na vuvi, asinoni Muna Munu lalo nendi akamuzivila shwamwa omo akaija mu vumpau vwa Ishe amo na tungelo vakujela.”

Mako 9:44

Muje mainyo amwo aje alinakuvalya kuwesi kutsa, na tuhya tuje tuvenyeka kutwesi kuzima.

Vilinga vya Miluwa 10:22

Co vakumbulwile ngwavo, “Ntwama wa mashwalale Konelyase ikeye natutumu kuno. Ikeye munalume wamuvwa muka-kulemesa Njambi, co lalo vaYunda voshe vamusingimika. Kangelo ka Njambi wamulekele kukulanya uye ku njuvo yendi ngeci akazive vije viwukendeka.”

Kwituluka mu Mashiko 29:23

Mahya akominina, akakakama na lilungu, na mwongwa, cuma nacimo cai cikamenamo, nameme mwila. Co lifuti lyeni likafwa ngwe vinganda vya Sondoma, na Ngomola, na Andema, na Zemboime, vinganda vije vyanyongesele Shukulu Kalunga omo waluvalele manene.

2 Tesalonika 1:7

co ikeye akamihwimisa yeni mulinakuyanda, co na kuli yetu lalo. Akalinga eci omo Mwene Yesu akasholoka kutunda mwilu na tungelo twendi va nzili,

Yunda 1:7

Anukeni Sondoma na Ngomola, na vinganda vije vyateleko, vije vanu vamwo valingile ngwe muje muvalingile vaje tungelo mukulikundika ku vilinga vya vupangala na mu mashungu amavi, vayanda na n̄avava ya cihiso ca tuhya ca myaka yoshe kupwa kunangula kwa mutanya mwelu kuli voshe.

Kujombolola 15:7

Co umo wa vaje vikashama vakuyoya vawana wanene vaje tungelo vatanu na vavali malonga a ngolinde atanu na avali aje ashulile na vukalu vwa Njambi, uje wayoya ku myaka na myaka.

Kujombolola 16:19

Nganda yakama yatavozokele mu vimbazuvwila vitatu, co vinganda vya mu mafuti oshe vyanyongele. Co Njambi wanukile Mbambilone yakama, co wainwisile vinyu vya mu nganja yendi, vinyu vya vukalu vwendi.

Kujombolola 18:3

Omwo mafuti oshe vananu vinyu vyakulula vya mashungu endi amavi. Vimyene va ano asi vanalingi nendi vupangala, co vaka-kulanda va ano asi vanafuku na vufuko vwa mashungu endi.”

Kujombolola 18:6

Muyandeseni ngwe mwamiyandesele, mwilwisileni visimbu vivali ku vije vyalingile. Shuliseni nganja yendi na vyakunwa vyakulula ngwe vije vyamivwaeselele yeni.

Kujombolola 19:15

Co moko ya mukwale yatuukile mu kanwa kendi, ikeyo yakafungulula nayo miyati. Ikeye akavashwana na mulamu wa cikuvo, co akakamuna vinyu mu cikamwino ca vinyu ca vukalu vwa Njambi Muka-nzili yoshe.

Kujombolola 19:20

Co uje cikashama vamupwisile cinzinda, amo na muka-kwimanena wa makuli uje walingile vizivukiso ku mesho endi. (A vizivukiso vije vene akeo akwisilile vaje vakele na cizivukiso ca uje cikashama na vaje valemesele kamponya ka uje cikashama.) Uje cikashama na uje muka-kwimanena wa makuli vavombilile anga vaciyoya mu lishali lya tuhya twakushukuma na sulufa.

Kujombolola 20:10

Asinoni Liyavola, uje wavakwisile, vamumbilile mu lishali lya tuhya na sulufa, muje muvombilile laja uje cikashama na muka-kwimanena wa makuli, co vakayanda manene mutanya na vutsiki myaka na myaka.

Kujombolola 20:14

Asinoni kutsa na lifuti lya vatsi vavyumbilile mu lishali lya tuhya. (Eli lishali lya tuhya likelyo kutsa kwamucivali.)

Kujombolola 21:8

Oloni vaka-lyova na vaka-kujeneka kukulaela na vaka-kulinga vya vunyengwe na vaka-kutsiya na vaka-vupangala na valozi na vaka-kulemesa tumponya na vaka-makuli mwela wavo ukapwa mu lishali lyakwenya na tuhya na sulufa, kukekwo kutsa kwamucivali.”