Kujombolola 13:8 - Livulu lya Shukulu Kalunga

⁸ Vanu voshe vakala ano asi vakamulemesa, kuvanga lika vaje mazina avo vawasonekele simbu kanda vatange kaye mu livulu lya mwonyo lya Muna Manga uje ivatsiile.

Kujombolola 13:8 Iomraidhean Croise

Kushangumuka 22:7

Isake wendekele kuli ishe ngwendi, “Tate!” Ishe wamukumbulwile ngwendi, “Ewa munange.” Isake wehwile ngwendi, “Njinamono lika manungu a tuhya na vitale, oloni muna manga wa n̄ombelo ya kwenyeka ali kulijo?”

Myaso 69:28

Zimangana mazina avo mu livulu lya vaka-kuyoya, kesi uvasoneke amolika na vaka-vushunga.

Kutuuka 32:32

Shukulu vasambese ku vuvi vwavo, oloni nga shove, co tundisa lizina lyange mu livulu lije wasoneka mazina a vanu vove.”

Isaya 4:3

Munu woshe uje nasalao mu Yelusalema, uje yanaangula Njambi ngeci ayoye vakamutumbula wakujela.

Ndanyele 12:1

Kangelo uje wazalele vuzalo vwa linyu wendekele ngwendi, “A simbu ije kangelo Mingeli, uje muka-kunyunga vanu vove akasholoka. Asinoni kukakala simbu ya tuyando, tuyando twakama manene tuje kutwakeleko tunde aje vatangelele kaye. Omo simbu ije iketa, vanu voshe va ku muyati wove vaje mazina avo vanawasoneka mu livulu lya Njambi vakovoka.

Mateo 25:34

Asinoni mwene akendeka kuli vaje vali ku livoko lyendi lya cilyo ngwendi, ‘Ijeni, yeni vaanavezikisa Tate! Shwaneni vumwene vuje vamivwaeselele tunde kukutanga kwa kaye.

Luka 10:20

Kesi mujolele omwo minzinzime yakujwala imyononoka embwe, oloni joleleni omwo mazina eni vanawasoneka mwilu.”

Yowano 1:29

Alikaki Yowano wamwene Yesu alinakwija kuli ikeye, co wendekele ngwendi, “Kengeni, Muna Manga wa Njambi, uje muka-kutundisa vuvi vwa vaka-kaye!

Efeso 1:4

Nambe te kaye kanda vakatange, Njambi watwangwile laja tupwe tu vendi muli Kilistu, ngeci tupweni vakujela nakujeneka mulonga ku mesho endi. Omwo cizemo cendi

Filipu 4:3

Co nove lalo, muka-kupanga amo nange wa kulongwa, njishaka ukwase ava vanakazi, omwo vakevo vanapanga amo nange manene mukushandola muzimbu wauvwa, amolika na Kelemente na voshe veka vaka-kupanga amo nange, vaje mazina avo ali mu livulu lya Njambi lya vaka-kuyoya.

Tito 1:2

vuje vunemana a cinyangavili ca mwonyo uje wa myaka yoshe. Njambi uje kesi kukwisa, watukulaesele mwonyo ou simbu kanda vatange kaye,

Kujombolola 12:15

Uje canza-ngombe washanjele mema akutunda mu kanwa kendi ngwe livazi lya ndonga kukava uje munakazi, ngeci livazi lya mema aje likakupule uje munakazi.

Kujombolola 13:12

Ikeye wapangesele moko yakama ya uje cikashama wakulivanga ku mesho endi. Wasindiiye asi na voshe vaje vakalao kulemesa uje cikashama wakulivanga, uje mbandu yendi yakangukile.

Kujombolola 17:8

Uje cikashama iwunamono wakele nakuyoya akulivanga, oloni ololo kesi nakuyoya, ololo atuuka mu mbulu kuyesi naa masima, co vakamunyongesa. Co vanu vaje vali ano asi, vaje mazina avo kuvawasonekele mu livulu lya mwonyo tunde akutanga kwa kaye, voshe vakalikomokela akumona uje cikashama, omwo wayoyele, co kesi nakuyoya, oloni akasholoka lalo.

Kujombolola 21:27

Oloni kukwesi cuma ca mazilo cikakovela muje mu nganda, nambe muka-kulinga vyavivi nambe muka-makuli. Mukakovela lika vaje vavanasoneka mazina avo mu livulu lya mwonyo lya Muna Manga.

Kujombolola 3:10

Omwo unanyungu lijwi lyange nakupwa muka-kusimpa, co lalo njikakunyunga a simbu ya tuyando tuje tulinakwija mu kaye koshe nakweseka vanu voshe va ano asi.

Kujombolola 3:20

Tolilila! Njinemana ku lipito nakutota, nga umo aziva lijwi lyange nakushokolola lipito, njikakovela mu njuvo yendi nakulya amo nendi, na ikeye lalo akalya amo nange.

Kujombolola 3:5

Kuli vaje vahyana, vakavazika vuzalo vuje vene vwakutoka, co kunjikatundisa mazina avo mu livulu lya mwonyo. Njikendeka citona-mesho ku mesho a Tate na ku mesho a tungelo twendi ngwange ava vanapu vange.

Kujombolola 5:12

co vembile na majwi akukangoka ngwavo, “Wafwila Muna Manga uje ivatsiile kutambula nzili na vufuko na mana na vukama na kasingimiko na vumpau na kushangazala!”

Kujombolola 5:13

Co njazivile vyakutanga vyoshe vili mwilu na asi na mwisi lya kaye na mu mema a kalunga na vyakuyoya vyoshe vya kaye, co vikevyo vyembile ngwavyo, “Kuli uje natumbama a litanda na kuli Muna Manga, kukale kushangazala na kasingimiko na vumpau na nzili, ku myaka yoshe!”

Kujombolola 6:1

Asinoni njamwene Muna Manga atavula kasateso kakulivanga ka tuje tusateso tutanu na tuvali, co njazivile umo wa vaje vikashama vawana vakuyoya endeka na lijwi lyakulifwa ngwe cililimo ngwendi, “Ija!”