Kujombolola 13:2 - Livulu lya Shukulu Kalunga

² Co uje cikashama injamwene akumukenga wafwile ngwe ingwe na myanja yendi yalifwile ngwe ya mbeya na kanwa kendi ngwe kanwa ka ndumba. Co uje canza-ngombe waanene nzili yendi na litanda lyendi amo na vukama vwa moko yendi kuli uje cikashama.

Kujombolola 13:2 Iomraidhean Croise

2 Vimyene 2:24

Co Elisha watengulukile, wavakengele na vukalu, wavasingile mu lizina lya Shukulu Kalunga. Co mu shwata mwatundile vambeya vavali va lwavo, vezile nakusanyozola vanike va vanalume vakupwa makumi awana na vavali.

Myaso 22:21

Njamene ku vitozi vange ava, omo kunjesi na nzili yakulwa navo.

Visimo 17:12

Cili kulutwe kuliwana na ndumba ivananyeka vana vendi, kutuvakana kuliwana na cilema alinga vya vulema vwendi.

Visimo 28:15

Mwene uje ayandesa vaka-kuutwa napu ngwe ndumba alinakwaana, nambe ngwe mbeya wa vukalu.

Isaya 5:29

Mashwalale vavo vakaana ngwe vindumba vaje vanatsii kasitu, co vamukokela kulyala kuje naumo wai avatambulaye.

Njelemiya 13:23

Munu asa kutengulula cikonde cendi, nambe ingwe kutengulula mavala endi ndi? Nga ngoconi, amo mwasa kutenguluka, nakulilongesa kulinga vyuma vyavivwa.

Njelemiya 5:6

Vanu vanatengulukila Njambi visimbu vyavingi, omwo vuvi vwavo vwavungi manene. Ngecivene, vitozi vakavalwisa ngwe vindumba nambe ngwe tungunga va mu mambo, vaje vitozi vakavandamena mu vinganda vya Yunda ngwe viingwe nakusanyozola sanyu-sanyu munu woshe akatuuka anja.

Hoziya 11:10

“Vanu vange vakanjikava omo njikaana ngwe ndumba. Co vakazambula kwija kuli yange kutunda ku kangombe ka yambi.

Amose 3:12

Shukulu Kalunga alinakwendeka ngwendi, “Ngwe kanyungi acakununa mendi avali nambe litwi limo lya manga ku kanwa ka ndumba, mukemwo mwakamena Shukulu Kalunga vanu va Isalele vaje vali mu Samaliya, vaje vanatumbama a myela yaivwa, na a vitumbamo vyavivwa.

Amose 5:19

Likapwa ngwe munu atewa ndumba, co aliwana lalo na mbeya! Nambe ngwe munu aija ku njuvo yendi, co aaka livoko lyendi a civumbe, co aje vene ashumiwa ku linyoka!

Hambakuke 1:8

“Tuvalu twavo valinalumbisi kutuvakana shonge, co vakevo vatewesa manene na vukalu kutuvakana tungunga. Vaka-kulonda a tuvalu vakatundu ku mafuti a kulyala, co tuvalu twavo vakalingi musindo asi na vimbemba vyavo. Vaka-kulonda a tuvalu twavo vakalu nzita vwasi-vwasi nakucuncumukila a vitozi vavo ngwe vingonga.

2 Timateo 4:17

Oloni Mwene wakele amo nange nakunjitakamesa ngeci njasele kwambulula lijwi lyamutunu kuli vaje kesi vaYunda voshe ngeci vazive, co nange lalo vanjiputumwisile ku kutsa.

1 Petulu 5:8

Kesi mupende, pweni vaka-kukengelela! Citozi ceni Liyavola alinakwendangana nakwaana ngwe ndumba, ashakezeka umo ngeci amusanyozole.

Kujombolola 12:13

Omo uje canza-ngombe wamwene ngeci vanamumbila ano asi, co washangumukile kukava uje munakazi wakitile mwana wa munalume.

Kujombolola 12:15

Uje canza-ngombe washanjele mema akutunda mu kanwa kendi ngwe livazi lya ndonga kukava uje munakazi, ngeci livazi lya mema aje likakupule uje munakazi.

Kujombolola 12:9

Co uje canza-ngombe wakama vamumbilile asi, uje linyoka wa ku san̄ulu vatumbula ngwavo Liyavola, uje wakwisile kaye koshe. Vamumbilile asi amo na tungelo twendi voshe.

Kujombolola 13:12

Ikeye wapangesele moko yakama ya uje cikashama wakulivanga ku mesho endi. Wasindiiye asi na voshe vaje vakalao kulemesa uje cikashama wakulivanga, uje mbandu yendi yakangukile.

Kujombolola 13:4

Munu woshe walemesele uje canza-ngombe omwo wanene moko yendi kuli uje cikashama. Valemesele uje cikashama lalo vendekele ngwavo, “Iyajo walifwa na cikashama? Iyajo asa kumulwisa?”

Kujombolola 16:10

Asinoni kangelo wamucitanu wetilile lilonga lyendi a litanda lya uje cikashama. Co lisusulungu lyawililile akamwa ya vumwene vwa uje cikashama, co vanu valishumangele malimi avo omwo kuvavala kwavo,

Kujombolola 17:12

“Vije vimbinga likumi wamwene vinapu vimyene likumi vaje kanda vashangumuke kushwana, oloni vakavana moko yakushwana ngwe vimyene amo na uje cikashama ola imolika.

Kujombolola 19:20

Co uje cikashama vamupwisile cinzinda, amo na muka-kwimanena wa makuli uje walingile vizivukiso ku mesho endi. (A vizivukiso vije vene akeo akwisilile vaje vakele na cizivukiso ca uje cikashama na vaje valemesele kamponya ka uje cikashama.) Uje cikashama na uje muka-kwimanena wa makuli vavombilile anga vaciyoya mu lishali lya tuhya twakushukuma na sulufa.

Kujombolola 2:13

Njizivuka kuje kuwakala, kuje kwakala litanda lya Satana. Yove unapu muka-vushunga kuli yange, co kuwombilile kukulaela kwove kuli yange, nameme mu simbu omo Antipase, mukaleo wange wa kulongwa vamutsiilile kuje vene kwakala Satana.

Kujombolola 20:2

Co wakwatele canza-ngombe, linyoka wa ku san̄ulu, ikeye Liyavola nambe Satana, co wamukutile malyenge myaka 1,000.