Kujombolola 13:16 - Livulu lya Shukulu Kalunga

¹⁶ Uje cikashama wasindiiye vanu voshe, vavandondo na ava vakama, vaka-kufuka na tuutu, ndungo na vaka-kupatuka, kukala na cizivukiso cakwaka ku mavoko avo a cilyo na a maholo avo.

Kujombolola 13:16 Iomraidhean Croise

2 Mizimbu 15:13

Munu woshe, mukwenje nambe mukulunu, munalume nambe munakazi, uje akalikela kulemesa Shukulu Kalunga vakamutsiya.

Yombi 34:19

Ikeye kakemanena ku mutambela wa vaka-kushwana lika embwe, nambe kushangala vaka-kufuka ali vaka-kuutwa embwe, omwo voshe ikeye wavatangele.

Myaso 115:13

Shukulu Kalunga akavezikisa voshe vaje vamulemesa, vakama nambe vavandondo.

Myaso 49:2

Tolilileni yeni vanu vakama na ava vavandondo, vaka-kufuka na tuutu.

Kutuuka 13:9

Ngecivene, kunyunga eci ciwano cikapwa canukiso, ngwe cuma cakukutiiya ku livoko lyeni nambe a luholo lweni. Cikamyanukisa ngeci mukatwaleo mukwambulula Lishiko lya Shukulu Kalunga na vilongesa vyendi, omwo Shukulu Kalunga wamitundisile mu Ingito na livoko lyendi lya nzili.

Ezekiyele 9:4

“Ya wite mu nganda yoshe ya Yelusalema, nakwaka cizivukiso a luholo lwa munu na munu uje alinyenga, co ali na vusiwa, omwo a vyuma vya vunyengwe vije vilinakulingiwa mu nganda.”

Zakaliya 13:6

Oloni nga munu umo akamwihula ngwendi, ‘Indi vimbandu vyavika ovyo vili a nulo yove?’ Co akakumbulula ngwendi, ‘Njavivetwele ku njuvo ya musamba wange!’ ”

Vilinga vya Miluwa 26:22

Oloni na ku litangwa lya lelo Njambi nanjikwasa, ngecivene, njinemana kuno mukwana vukaleo vwange kuli yeni voshe, vakulunu na vanike. Vije vinjendeka vinapu vimo vije vendekele vaka-kwimanena na Mosesa ngeci vikalingiwa,

1 Kolinte 12:13

Mu ngila eyi vene, yetu voshe, nambe vaYunda na vaje kesi vaYunda, nambe vindungo nambe vanu vakupatuka, Munzinzime umo natumbwitika mu muvila umolika, co yetu voshe vatunwisile Munzinzime umolika.

Ngalatiya 3:28

Ngecivene, kukwesi kulyangunuka akati ka vaYunda na vaje kesi vaYunda, akati ka vindungo na vanu vakupatuka, akati ka vanalume na vanakazi, yeni voshe munapu mumo muli Kilistu Yesu.

Ngalatiya 6:17

Mukumanesela ngwange, kesi kukale umo anjane vukalu, omwo viveve vinjilinavyo a muvila wange vimwesa ngeci yange nji ndungo ya Yesu.

Efeso 6:8

Anukeni ngeci Mwene akafweta munu na munu, nambe ndungo nambe wakupatuka, kupwisa ku vipangi vyendi vyalinakulinga.

Kwituluka mu Mashiko 11:18

“Ngecivene, mukanyunga majwi ange awa mu vimbunge vyeni na mu mwonyo weni. Mukaakutiiya a mavoko eni, nakuwazala a maholo eni kupwa canukiso.

Kwituluka mu Mashiko 6:8

Akutiiyeni a mavoko eni kupwa canukiso, nakuwazala a maholo eni.

Kolose 3:11

Ngwe a cuma eci, kukwesi kaangu akati ka vaje kesi vaYunda na vaYunda, wakutuuka nambe wakujeneka kutuuka, cipwe vaka-kujeneka kulilongesa, vipapoke, vindungo, nambe vaka-kupatuka, oloni Kilistu ikeye vyoshe, Kilistu ali mu vyoshe.

2 Timateo 3:8

Ngwe Njane na Njambele valwisile Mosesa, ngecivene, na vanu ava lalo valinakulwisa vushunga, vanu vaje mana avo kuwesi nakupanga, co vanapu vaka-kwonwa mukukulaela.

Kujombolola 11:18

Vaka-kujeneka kukulaela vashulile na vukalu, omwo simbu ya vukalu vwove inete, simbu yakusompa vatsi. Simbu inete yakwana cikandelela kuli vangamba vove vaka-kwimanena, na kuli vanu vove voshe, voshe vaje vakukomoka, vakama na ava vavandondo. Simbu inete yakunyongesa vaje vanyongesa kaye!”

Kujombolola 15:2

Asinoni njamwene cije cafwile ngwe mema a kalunga a kalikengelo akulikumbasana na tuhya. Co njamwene lalo vaje vahyanene uje cikashama na kamponya kendi, na ali uje lizina lyendi linemanena nambala. Vemanene ku ngenge ya mema a kalunga a kalikengelo, vakwatele tulyalya tuje twavanene Njambi,

Kujombolola 19:18

Ijeni mulye situ ya vimyene na vantwama vakama vanzita na mashwalale na situ ya tuvalu na vaka-kulondao na situ ya vanu voshe na vindungo na vaka-kupatuka, vakama na ava vavandondo!”

Kujombolola 19:20

Co uje cikashama vamupwisile cinzinda, amo na muka-kwimanena wa makuli uje walingile vizivukiso ku mesho endi. (A vizivukiso vije vene akeo akwisilile vaje vakele na cizivukiso ca uje cikashama na vaje valemesele kamponya ka uje cikashama.) Uje cikashama na uje muka-kwimanena wa makuli vavombilile anga vaciyoya mu lishali lya tuhya twakushukuma na sulufa.

Kujombolola 19:5

Asinoni lijwi lyatundile ku litanda lyendekele ngwalyo, “Shangazaleni Njambi yetu, yeni vangamba vendi voshe vaje vamukomoka, vakama na ava vavandondo!”

Kujombolola 20:12

Coi njamwene vatsi, vakama na ava vavandondo, vemanene kulutwe lwa litanda. Vafukwile mavulu, co lalo vafukwile livulu likwavo, likelyo livulu lya mwonyo. Co vatsi vavasompele ngwe ku vilinga vyavo vije vivalingile, ngwe muvavisonekele mu mavulu.

Kujombolola 20:4

Asinoni njamwene matanda, co vaje vatumbameneo vavaanene nzili yakusompa. Co njamwene myonyo ya vaje vavatsiile omwo vambulwile vushunga vuje vwasholwele Yesu amo na lijwi lya Njambi. Kuvalemesele uje cikashama nambe kamponya kendi, nambe vakevo kuvatambwile cizivukiso ca uje cikashama a maholo avo nambe a mavoko avo. Vasangukilile ku mwonyo nakushwana ngwe vimyene amo na Kilistu myaka 1,000.

Kujombolola 6:15

Asinoni vimyene va ano asi, na vaka-kushwana na vakulunu va nzita, vaka-kufuka na vaka-nzili, na vanu voshe veka lalo, ndungo na muka-kupatuka, vavandele mu manzenzengoma na mwisi ya mamanya a minkinda.

Kujombolola 7:3

Co kangelo wendekele ngwendi, “Kesi uviise asi, nambe mema a kalunga, nambe miti, noo tunaka cizivukiso ca kasateso ka Njambi yetu a maholo a vangamba vendi.”