Kujombolola 13:15 - Livulu lya Shukulu Kalunga

¹⁵ Cikashama wamucivali vamutavesele kuhwimina mwonyo mu cifwa ca kamponya wa cikashama wakulivanga, ngeci kaje kamponya kase kwendeka nakutsiya vaje voshe kuvashaka kukalemesa.

Kujombolola 13:15 Iomraidhean Croise

Kushangumuka 2:7

Asinoni Shukulu Kalunga Njambi watapwile livu asi, co likelyo wamungile munu, wahwimininine muku wa mwonyo mu majulu endi, co munu wakele na mwonyo.

Myaso 115:5

Vali na tunwa, oloni kuvasa kwendeka, vali na mesho, oloni kuvasa kumona.

Njelemiya 10:14

Vanu voshe vaje vaka-kufula tumponya twa ngolinde vanapu vilema, voshe vakaziva shwamwa, omwo tumponya tuje tuvakafulu tunapu twa makuli, co kuvesi na mwonyo.

Njelemiya 10:5

Tumponya twa cifwa cangacije twafwa ngwe tumponya twa makwisiso twa mu lihya lya matanda, kutwasa kwendeka nambe kwenda kuvanga kutwambata. Kesi mutuzivile lyova embwe, kutwasa kumivulumuna, co lalo kutwesi na seo kuli yeni.”

Njelemiya 51:17

Munu woshe wapwa cilema nakujeneka mana omo amona vyuma evi, vaje vakalingi tumponya vaziva shwamwa omwo tumponya twavo twapwa twa makuli, co kutwesi na mwonyo.

Ndanyele 7:20

Co njashakele lalo kuzivuka vije vimbinga likumi vije vyakele ku mutwe wendi, na ije mbinga yakele na mesho na kanwa, ije yakele nakwendeka majwi akulishasha. Cifwa cayo capwile cakukomokesa kutuvakana vimbinga vikwavo.

Ndanyele 7:25

Akalwisa Njambi wa Akamwa ya Akamwa nakuyandesa vanu va Njambi. Ikeye akeseka kutengulula mashiko avo akulemesa, na viwano vyavo, co vanu va Njambi vakakala mwisi yendi myaka itatu na vingonde vitanu na imo.

Hambakuke 2:19

Munavindama! Yeni mukendeka ku citi nambe ku limanya ngweni, “Induka!” Kuma kamponya kasa kumisholwela cuma cimo ndi? Nameme vanu vanakafwiki siliva na ngolinde, oloni kukesi na mwonyo.

Yakomba 2:26

Ngecivene, nga muvila kuwesi na munzinzime, co unatsi, nakukulaela lalo nga kukwesi na vilinga, co kunatsi.

Kujombolola 13:1

Asinoni njamwene cikashama atuuka mu mema a kalunga. Wakele na vimbinga likumi na mitwe itanu na ivali, ku mbinga imo na imo kwakele cilongo, co a mutwe umo na umo akele lizina lyakushaula Njambi.

Kujombolola 13:12

Ikeye wapangesele moko yakama ya uje cikashama wakulivanga ku mesho endi. Wasindiiye asi na voshe vaje vakalao kulemesa uje cikashama wakulivanga, uje mbandu yendi yakangukile.

Kujombolola 13:14

Co wakwisile vanu voshe va ano asi mukulinga vizivukiso na vikomokeso vije vamutavesele kulinga ku mesho a uje cikashama wakulivanga. Uje cikashama wamucivali walekele vanu voshe va ano asi kumunga cifwa ca kamponya kusingimika cikashama uje vavulumwine na moko ya mukwale oloni wayoyele lalo.

Kujombolola 14:11

Co vwisi vwa tuhya twa n̄avava yavo yakama vukalonda mwilu ku myaka na myaka. Co kukukakala simbu yakuhwima mutanya nambe vutsiki kuli voshe vaje valemesa uje cikashama na kamponya kendi na kuli woshe uje ali na cizivukiso ca lizina lyendi.”

Kujombolola 14:9

Co kangelo wamucitatu wakavele uje wamucivali, wendekele na lijwi lyakama ngwendi, “Woshe uje alemesa cikashama na kamponya kendi nakutambula cizivukiso nakucaka ku luholo lwendi nambe ku livoko lyendi,

Kujombolola 16:2

Ngecivene, kangelo wakulivanga waile wetilile lilonga lyendi asi. Co vimbandu vyakukomokesa vyakuvavala manene vyasholokele ali vaje vakele na cizivukiso ca uje cikashama na ali vaje valemesele kamponya kendi.

Kujombolola 16:5

Njazivile kangelo uje muka-kushika mema wendekele ngwendi, “Kusompa kuunalingi kunapu kwa vushunga, Yove Wakujela, yove uliko, co yove wakeleko!

Kujombolola 17:14

Vakalinga nzita na Muna Manga, oloni Muna Manga amolika na vaje vendi vanasana, vakwangula, vaka-kumukava va kulongwa, akavafungulula, omwo ikeye napu Shukulu ya vashukulu na Mwene ya vimyene.”

Kujombolola 17:17

Omwo Njambi naaka mu vimbunge vyavo cizango cakulinga vutumbe vwendi, mukukala na mbunge imolika ngeci vaane uje cikashama nzili yakushwana noo majwi a Njambi anasholoka kupwa a vushunga.

Kujombolola 17:6

Co njamwene ngeci uje munakazi wapendele na maninga a vanu va Njambi na maninga a vaje vavatsiile omwo vapwile va kulongwa kuli Yesu. Omo njamumwene njalikomokelele manene.

Kujombolola 18:20

“Lilu vwaelela, omwo nau! Yeni vanu va Njambi vwaeleleni, neni miluwa na vaka-kwimanena! Omwo Njambi namuhisa a vije vyalingile kuli yeni!”

Kujombolola 18:24

Mbambilone vainyanyamesele omwo maninga a vaka-kwimanena naa a vanu va Njambi aje avawanene mu nganda, eyo maninga a vaje voshe vavatsiile ano asi.”

Kujombolola 19:20

Co uje cikashama vamupwisile cinzinda, amo na muka-kwimanena wa makuli uje walingile vizivukiso ku mesho endi. (A vizivukiso vije vene akeo akwisilile vaje vakele na cizivukiso ca uje cikashama na vaje valemesele kamponya ka uje cikashama.) Uje cikashama na uje muka-kwimanena wa makuli vavombilile anga vaciyoya mu lishali lya tuhya twakushukuma na sulufa.

Kujombolola 20:4

Asinoni njamwene matanda, co vaje vatumbameneo vavaanene nzili yakusompa. Co njamwene myonyo ya vaje vavatsiile omwo vambulwile vushunga vuje vwasholwele Yesu amo na lijwi lya Njambi. Kuvalemesele uje cikashama nambe kamponya kendi, nambe vakevo kuvatambwile cizivukiso ca uje cikashama a maholo avo nambe a mavoko avo. Vasangukilile ku mwonyo nakushwana ngwe vimyene amo na Kilistu myaka 1,000.