Kujombolola 13:14 - Livulu lya Shukulu Kalunga

¹⁴ Co wakwisile vanu voshe va ano asi mukulinga vizivukiso na vikomokeso vije vamutavesele kulinga ku mesho a uje cikashama wakulivanga. Uje cikashama wamucivali walekele vanu voshe va ano asi kumunga cifwa ca kamponya kusingimika cikashama uje vavulumwine na moko ya mukwale oloni wayoyele lalo.

Kujombolola 13:14 Iomraidhean Croise

2 Vimyene 20:7

Asinoni Isaya walekele tutumwa twa mwene kwaka likende lya mukuyu a lizimbo, ngeci enduke.

2 Vimyene 22:20

co cihiso eci njinashakele kunena a Yelusalema kucikaija kuvanga munima ya kutsa kwove. Njikakutava ngeci ukatse mu kwoloka.” Co vaje vanu velwisile awa majwi kuli Mwene Yosiya.

2 Mizimbu 18:21

Munzinzime wakumbulwile ngwawo, ‘Njikaya nakusindiiya vaka-kwimanena voshe va Ahave kwendeka makuli.’ Co Shukulu Kalunga wendekele ngwendi, ‘Ya ukamukwise. Ukasa vene!’ ”

Yombi 12:16

Njambi wapwa Muka-nzili, co simbu yoshe muka-kuhyana, munu uje ivanakwisa na munu uje akwisa mukwavo, voshe vanapu vanu va Njambi.

Kutuuka 7:11

Asinoni mwene wasanene vanu vendi vaka-mana na vaka-manseno, na vimbanda va mu Ingito, valingile muje vene na manseno avo.

Isaya 44:20

Mana angacije vunene anapu ngwe kulya manungu. Viyongola vya munu ou vinapu vya vulema, vinamusevwisa, ngeci kukwesi seo lalo yai. Kanangukile ngeci ngwendi aka kamponya kanakwata mu livoko lyendi kukapwile njambi embwe.

Ezekiyele 14:9

“Nga muka-kwimanena akumbulula vya makuli, yange Kalunga njinamulingisa ngeci akumbulule vya makuli. Co njikamutundisa ku vanu va Isalele.

Ezekiyele 16:17

Wambatele siliva na ngolinde ya senga ije injakwanene, co wayipangesele kuyipwisa tumponya twa vanalume nakulinga navo vupangala.

Ezekiyele 8:10

Ngecivene, njakovelelemo nakumona. Vivumbe vyapwile vyakufwika na masona a manyoka na tusitu veka vakujeneka kujela, na vyuma vyeka vije vakele nakulemesa vaIsalele.

Ndanyele 11:36

“Mwene wa Silya akalinga cizango cendi. Ikeye akalishasha ngwendi napu wakama kutuvakana njambi woshe-iwoshe, co lalo ngwendi ikeye napu wakama kutuvakana Njambi wa Akamwa ya Akamwa. Akalinga eci noo simbu iketa ije Njambi akamunyanyamesa. Njambi akalinga vije vyanayongola.

2 Tesalonika 2:4

Ikeye akalwisa vyuma vyoshe vije vilitumbula ngwavyo vinjambi na cuma coshe-icoshe civakalemesa, akalyaka akamwa yavyo vyoshe. Co lalo akakovela nakutumbama mu Njuvo ya Shukulu Kalunga nakulitumbula ikeye vavenya ngwendi Njambi.

Kujombolola 12:9

Co uje canza-ngombe wakama vamumbilile asi, uje linyoka wa ku san̄ulu vatumbula ngwavo Liyavola, uje wakwisile kaye koshe. Vamumbilile asi amo na tungelo twendi voshe.

Kujombolola 13:1

Asinoni njamwene cikashama atuuka mu mema a kalunga. Wakele na vimbinga likumi na mitwe itanu na ivali, ku mbinga imo na imo kwakele cilongo, co a mutwe umo na umo akele lizina lyakushaula Njambi.

Kujombolola 13:15

Cikashama wamucivali vamutavesele kuhwimina mwonyo mu cifwa ca kamponya wa cikashama wakulivanga, ngeci kaje kamponya kase kwendeka nakutsiya vaje voshe kuvashaka kukalemesa.

Kujombolola 13:8

Vanu voshe vakala ano asi vakamulemesa, kuvanga lika vaje mazina avo vawasonekele simbu kanda vatange kaye mu livulu lya mwonyo lya Muna Manga uje ivatsiile.

Kujombolola 14:11

Co vwisi vwa tuhya twa n̄avava yavo yakama vukalonda mwilu ku myaka na myaka. Co kukukakala simbu yakuhwima mutanya nambe vutsiki kuli voshe vaje valemesa uje cikashama na kamponya kendi na kuli woshe uje ali na cizivukiso ca lizina lyendi.”

Kujombolola 14:9

Co kangelo wamucitatu wakavele uje wamucivali, wendekele na lijwi lyakama ngwendi, “Woshe uje alemesa cikashama na kamponya kendi nakutambula cizivukiso nakucaka ku luholo lwendi nambe ku livoko lyendi,

Kujombolola 15:2

Asinoni njamwene cije cafwile ngwe mema a kalunga a kalikengelo akulikumbasana na tuhya. Co njamwene lalo vaje vahyanene uje cikashama na kamponya kendi, na ali uje lizina lyendi linemanena nambala. Vemanene ku ngenge ya mema a kalunga a kalikengelo, vakwatele tulyalya tuje twavanene Njambi,

Kujombolola 16:13

Asinoni njamwene minzinzime itatu yakujwala ije yafwile ngwe mambotwe. Yatuukile kutunda mu kanwa ka canza-ngombe, na mu kanwa ka cikashama na mu kanwa ka muka-kwimanena wa makuli.

Kujombolola 16:2

Ngecivene, kangelo wakulivanga waile wetilile lilonga lyendi asi. Co vimbandu vyakukomokesa vyakuvavala manene vyasholokele ali vaje vakele na cizivukiso ca uje cikashama na ali vaje valemesele kamponya kendi.

Kujombolola 18:23

Naumo wai lalo akamona ceke ca ndeya muli yove, nalumo lwai lalo vakaziva lijwi lya shombolwa na vavenya vulo muli yove. Vaka-kulanda vove vapwile vaka-nzili manene mu kaye mwoshe, co wakwisile vanu voshe va mu kaye na manseno ove a makuli!

Kujombolola 19:20

Co uje cikashama vamupwisile cinzinda, amo na muka-kwimanena wa makuli uje walingile vizivukiso ku mesho endi. (A vizivukiso vije vene akeo akwisilile vaje vakele na cizivukiso ca uje cikashama na vaje valemesele kamponya ka uje cikashama.) Uje cikashama na uje muka-kwimanena wa makuli vavombilile anga vaciyoya mu lishali lya tuhya twakushukuma na sulufa.

Kujombolola 2:10

Kesi ulishoshomwene a n̄avava ije ukamona. Tolilila! Liyavola akamyaka mu ceseko mukwaka vamo veni mu kamenga, co tuyando tweni tukapwa twa matangwa likumi. Ngecivene, pwa muka-kulongwa kuli yange noo kutsa, co njikakwana cilongo ca mwonyo.

Kujombolola 20:10

Asinoni Liyavola, uje wavakwisile, vamumbilile mu lishali lya tuhya na sulufa, muje muvombilile laja uje cikashama na muka-kwimanena wa makuli, co vakayanda manene mutanya na vutsiki myaka na myaka.

Kujombolola 3:10

Omwo unanyungu lijwi lyange nakupwa muka-kusimpa, co lalo njikakunyunga a simbu ya tuyando tuje tulinakwija mu kaye koshe nakweseka vanu voshe va ano asi.