Kujombolola 12:5 - Livulu lya Shukulu Kalunga

⁵ Asinoni uje munakazi wakitile mwana wa munalume, uje akashika miyati yoshe ya vanu na mulamu wa cikuvo. Oloni mwana vamuteweselele kulyala nakumutwala kuli Njambi na ku litanda lyendi.

Kujombolola 12:5 Iomraidhean Croise

Isaya 66:7

“Nganda yange yakujela inalifu ngwe munakazi uje akita mbututu vwasi-vwasi kujeneka kuziva mushongo.

Isaya 7:14

Ngecivene, Shukulu Kalunga ikeye vavenya akamyana cimweso, kengeni mumbanda uje kanda alimone na munalume akakala na limo, co akakita mwana wa munalume, vakamuluka lizina lyendi ‘Manuwele.’

Njelemiya 31:22

Visimbu vingaijo mukendangana oku noku, yeni vanu vaka-kujeneka kukulaela? Njinatanga cuma caciha cakufwa mweka lalo, cakufwa mweka ngwe munakazi anyunga munalume wendi.”

Mika 5:3

Ngecivene, Shukulu Kalunga akana vanu vendi mu mavoko a vitozi vavo noo munakazi uje nakiti munendi wa munalume. Asinoni vavushoko vwendi vaje vasalele mu vunzinda vakeluka nakulipandakana na vaIsalele.

Mateo 1:25

Oloni kakele amo nendi noo wakitile munendi wa munalume, co wamulukile lizina lya Yesu.

Mako 16:19

Ngecivene, omo Mwene Yesu wamanesele kwendeka navo, co vamutwalele mwilu, co watumbamene ku livoko lya cilyo lya Njambi.

2 Kolinte 12:2

Njazivuka munalume umo wa Muka-Yesu uje ivatwalele mwilu te kuneti laja myaka likumi na iwana (kunjasa kuzivuka nga eci mwa vushunga calingiwile, nambe wamwene cimona, kuvanga Njambi lika azivuka.)

2 Kolinte 12:4

co kuje wakazivile vyuma vije naumo wai asa kuvilumbununa mu majwi, vyuma vije, munu kasa kuvyendeka na kanwa.

Kujombolola 11:12

Asinoni vaje vaka-kwimanena vavali vazivile lijwi lyakama lyakutunda mwilu lyendekele kuli vakevo ngwalyo, “Ijeni kuno kwilu!” Co valondele mwilu mu lishelwa oku vitozi vavo vanavakengelela.

Kujombolola 12:13

Omo uje canza-ngombe wamwene ngeci vanamumbila ano asi, co washangumukile kukava uje munakazi wakitile mwana wa munalume.

Kujombolola 12:2

Wakele kuhyehi nakukita, co walilile omwo mushongo na kayando kakukita.

Kujombolola 19:15

Co moko ya mukwale yatuukile mu kanwa kendi, ikeyo yakafungulula nayo miyati. Ikeye akavashwana na mulamu wa cikuvo, co akakamuna vinyu mu cikamwino ca vinyu ca vukalu vwa Njambi Muka-nzili yoshe.