Kujombolola 12:3 - Livulu lya Shukulu Kalunga

³ Co cizivukiso cakama cikwavo casholokele mwilu. Kwakele canza-ngombe wakama wakuvenga uje wakele na mitwe itanu na ivali na vimbinga likumi, co a mutwe umo na umo akele cilongo.

Kujombolola 12:3 Iomraidhean Croise

Isaya 27:1

A litangwa lije Shukulu Kalunga na moko yendi ya mukwale ya nzili yakama manene akanyanyamesa Levyatane linyoka wa lumbisi, wakulizenga-zenga, co akatsiya cikashama uje wakala mu mema a kalunga.

Isaya 51:9

Induka, Shukulu Kalunga nakutukwasa! Pangesa nzili yove nakutwamena, ipangese ngwe muwaipangesele ku visimbu vya ku san̄ulu. Yove wapunzwile cikashama Lahave wa mu mema a kalunga vipuka-vipuka.

Isaya 9:15

Vakulunu na vanalume va kasingimiko vanapu mutwe, co vaka-kwimanena va vilongesa vya makuli vanapu mukila!

Ndanyele 2:41

Co lalo wamwene ngeci mendi na manasha vyapwile mutambela umo wa vuma mutambela ukwavo wa vutale. Eci cinalumbunuka ngeci vukevwo vukapwa vumwene vwakulyangunuka. Eci cinalumbunuka ngeci mu vumwene ovu mukakala nzili ngwe ya vutale, omwo vuje vutale vwalikumbasanene na vuma.

Ndanyele 2:42

Co manasha aje apwile mutambela umo wa vutale mutambela ukwavo wa vuma cinalumbunuka ngeci mutambela umo wa vumwene ukapwa wa nzili, co mutambela ukwavo ukapwa wakuzeya.

Ndanyele 7:20

Co njashakele lalo kuzivuka vije vimbinga likumi vije vyakele ku mutwe wendi, na ije mbinga yakele na mesho na kanwa, ije yakele nakwendeka majwi akulishasha. Cifwa cayo capwile cakukomokesa kutuvakana vimbinga vikwavo.

Ndanyele 7:24

Vije vimbinga likumi vinemanena vimyene likumi vaje vakashwana mu vumwene vuje. Asinoni mwene mukwavo akasholoka, ikeye akalyangunuka na vimyene vakulivanga, co ikeye akafungululao vimyene vatatu.

Kujombolola 12:1

Asinoni cizivukiso cakama casholokele mwilu. Kwakele munakazi, cikoveyo cendi capwile litangwa, co ngonde yakele mwisi ya myanja yendi na cilongo ca vingongonosi likumi na vivali cakele a mutwe wendi.

Kujombolola 12:13

Omo uje canza-ngombe wamwene ngeci vanamumbila ano asi, co washangumukile kukava uje munakazi wakitile mwana wa munalume.

Kujombolola 12:17

Co uje canza-ngombe waluvalele manene na uje munakazi, co welukile mukukalwisa naanga ya uje munakazi vaje vasaleleo, vaje voshe vononoka mashiko a Njambi na kulongwa ku vushunga vuje vwajombolwele Yesu.

Kujombolola 12:4

Wakokele mutambela wamucitatu wa vingongonosi na mukila wendi kuvitundisa ku mashelwa nakuvyumbila ano asi. Canza-ngombe wemanene kulutwe lwa uje munakazi washakele kukita, ngeci alye uje mwanike omo asemuka.

Kujombolola 12:7

Asinoni nzita yashangumukile mwilu. Mingeli na tungelo twendi valwile nzita na uje canza-ngombe, co canza-ngombe na tungelo twendi valwile,

Kujombolola 12:9

Co uje canza-ngombe wakama vamumbilile asi, uje linyoka wa ku san̄ulu vatumbula ngwavo Liyavola, uje wakwisile kaye koshe. Vamumbilile asi amo na tungelo twendi voshe.

Kujombolola 13:1

Asinoni njamwene cikashama atuuka mu mema a kalunga. Wakele na vimbinga likumi na mitwe itanu na ivali, ku mbinga imo na imo kwakele cilongo, co a mutwe umo na umo akele lizina lyakushaula Njambi.

Kujombolola 13:2

Co uje cikashama injamwene akumukenga wafwile ngwe ingwe na myanja yendi yalifwile ngwe ya mbeya na kanwa kendi ngwe kanwa ka ndumba. Co uje canza-ngombe waanene nzili yendi na litanda lyendi amo na vukama vwa moko yendi kuli uje cikashama.

Kujombolola 13:4

Munu woshe walemesele uje canza-ngombe omwo wanene moko yendi kuli uje cikashama. Valemesele uje cikashama lalo vendekele ngwavo, “Iyajo walifwa na cikashama? Iyajo asa kumulwisa?”

Kujombolola 15:1

Asinoni njamwene cimweso cikwavo mwilu, cakama cakukomokesa. Kwakele tungelo vatanu na vavali na tuyando tutanu na tuvali, tuketwo tuyando twakumanesela, omwo tuketwo tumwesa vukalu vwa Njambi vwakumanesela.

Kujombolola 16:13

Asinoni njamwene minzinzime itatu yakujwala ije yafwile ngwe mambotwe. Yatuukile kutunda mu kanwa ka canza-ngombe, na mu kanwa ka cikashama na mu kanwa ka muka-kwimanena wa makuli.

Kujombolola 17:12

“Vije vimbinga likumi wamwene vinapu vimyene likumi vaje kanda vashangumuke kushwana, oloni vakavana moko yakushwana ngwe vimyene amo na uje cikashama ola imolika.

Kujombolola 17:16

Vimbinga vije likumi viwamwene na cikashama, vakazinda uje cikwizi, vakevo vakambata vyuma vyoshe vije vyali navyo, co vakamuseza mushelengwa, vakalya situ yendi nakumunyongesa na tuhya.

Kujombolola 17:7

Oloni kangelo wendekele kuli yange ngwendi, “Omwo vika unalikomokela? Njikakuleka cisin̄iko ca munakazi ou na ca cikashama uje namwambata, cikashama uje ali na mitwe itanu na ivali na vimbinga likumi.

Kujombolola 19:12

Mesho endi afwile ngwe milangi ya tuhya, co wazalele vilongo vyavingi ku mutwe wendi. Vamusonekele lizina lije naumo wai walizivukile kuvanga ikeye vavenya lika.

Kujombolola 20:2

Co wakwatele canza-ngombe, linyoka wa ku san̄ulu, ikeye Liyavola nambe Satana, co wamukutile malyenge myaka 1,000.