Kujombolola 12:12 - Livulu lya Shukulu Kalunga

¹² Co vwaeleleni yeni melu neni mwakalamo! Oloni tuyando kuli yeni ano asi na mu mema a kalunga! Omwo Liyavola nashuluka asi kuli yeni, co nashulu na vukalu, omwo nazivuka ngeci kunasala lika kasimbu kakandondo kuli ikeye.”

Kujombolola 12:12 Iomraidhean Croise

Isaya 44:23

Tambekeni nakujolela, yeni melu! Tambekeni, yeni mitambela ya mwisi ya kaye! Tambekeni nakujolela, yeni minkinda na miti yoshe ya mu shwata! Shukulu Kalunga namwesa vukama vwendi akwamena vanu vendi va Isalele.

Isaya 49:13

Imbeni, yeni melu, ngwe vanu, asi, tambeka nakujolela ngwe vanu! Minkinda ishangumuke kwimba ngwe vanu! Shukulu Kalunga akazembeleka vanu vendi, vanu vendi vaka-kuyanda, akavazivila mema ku mbunge.

Luka 15:10

Mu ngila eyi vene, njimileka ngwange, tungelo va Njambi vakavwaelela ali muka-vuvi umo uje atenguluka.”

Luka 2:14

“Vumpau kuli Njambi wa akamwa ya akamwa, kwoloka kukale ano asi kuli vanu vaje vamuvwasa!”

VaHevelu 10:37

Ngwe muje muvyendeka visoneka ngwavyo, “Kucili kasimbu kakandondo lika co uje alinakwija akaija, co kakeshwala embwe.

2 Petulu 3:8

Oloni kesi mwivale cuma cimo vasamba vange vanjazema! Ku mesho a Mwene litangwa limo linapu ngwe myaka yakupwa 1,000, co myaka yakupwa 1,000 kuli ikeye inapu litangwa limo.

Kujombolola 10:6

co walisingile mu lizina lya Njambi, uje wayoya ku myaka na myaka, uje watangele lilu na asi na mema a kalunga na vyuma vyoshe vilimo. Co kangelo wendekele ngwendi, “Vyuma evi kuvyapandele kwishwala embwe!

Kujombolola 11:10

Vanu vaka-asi vakajolela a kutsa kwa ava vanu vavali, vakalisamba nakutumisa mavwana kuli umo na mukwavo, omwo vaje vaka-kwimanena vavali vanenele tuyando twakama manene a vanu va ano asi.

Kujombolola 11:14

Kayando kamucivali kaneti, oloni kenga, kayando kamucitatu kalinakwija vwasi-vwasi!

Kujombolola 12:9

Co uje canza-ngombe wakama vamumbilile asi, uje linyoka wa ku san̄ulu vatumbula ngwavo Liyavola, uje wakwisile kaye koshe. Vamumbilile asi amo na tungelo twendi voshe.

Kujombolola 13:6

Co washangumukile kushaula Njambi na lizina lyendi na mutambela kuje kwakala na voshe vaje vakala mwilu.

Kujombolola 18:20

“Lilu vwaelela, omwo nau! Yeni vanu va Njambi vwaeleleni, neni miluwa na vaka-kwimanena! Omwo Njambi namuhisa a vije vyalingile kuli yeni!”

Kujombolola 8:13

Asinoni njakengele, co njazivile ngonga uje wakele nakupulula kwilu a mukambwila wendekele na lijwi lyakama ngwendi, “Kekange kayando! Kayando! Kayando kakama kuli vaje vakala ano asi, omwo vililimo vije vinasalako vya malupembo a vaje tungelo vatatu vikaluma!”

Kujombolola 9:12

Kayando kakulivanga kaneti, munima yevi tuyando tuvali lalo tucili nakwija.