Kujombolola 12:11 - Livulu lya Shukulu Kalunga

¹¹ Vamuhyanene a maninga a Muna Manga na a vushunga vuje vambulwile, omwo vakele na cizango cakwecela myonyo yavo noo kutsa.

Kujombolola 12:11 Iomraidhean Croise

Luka 14:26

“Woshe uje aija kuli yange kasa kupwa ndongisi yange kuvanga anjizeme yange kutuvakana mwazema ishe na vaina, munakazi wendi na vana vendi, vandolome vendi na vandokazi vendi, nakuzema yange kutuvakana mwalizema ikeye vavenya lalo.

Yowano 16:33

Njamileka vyuma evi ngeci mukale mu kwoloka akukala muli yange. Vaka-kaye vakamiyandesa. Oloni simpeni! Njinafungulula vaka-kaye!”

Vilinga vya Miluwa 20:24

Oloni njinayongola ngwange mwonyo wange kuwesi na seo kuli yange, njishaka lika kumanesa vipangi vyange nakumanesa vipangi vije vyanjanene Mwene Yesu ngeci njivilinge, vikevyo kwambulula Vin̄anda Vyavivwa vya kutetela kwa Njambi.

Vilinga vya Miluwa 21:13

Oloni wakumbulwile ngwendi, “Vikajo mulinakulinga? Kulila nakupokola mbunge yange? Njinalivwaesela cimweja kesi lika kunjikuta mu Yelusalema embwe, oloni nameme kutsila vene muje omwo a lizina lya Mwene Yesu.”

Loma 16:20

Asinoni Njambi, nsina yetu ya kwoloka, ololo akatsena Satana mwisi ya myanja yeni. Kutetela kwa Mwene yetu Yesu kukale amo neni.

1 Kolinte 15:57

Oloni kukandelela kuli Njambi uje alinakutwana kuhyana ali Mwene yetu Yesu Kilistu!

1 Yowano 4:4

Oloni yeni vana vange vavandondo, munakundama kuli Njambi, co munahyana vaka-kwimanena va makuli, omwo Munzinzime uje ali muli yeni ali manene na nzili kutuvakana munzinzime uje uli muli vaje vanakundama ku kaye.

1 Yowano 5:5

Iyajo asa kuhyana vya a kaye? Kuvanga uje lika nakulaela ngwendi Yesu ikeye Muna Njambi.

Kujombolola 1:2

co Yowano nambulula vyoshe vije vyamwene. Ovu vukevwo vukaleo vwendi kupwisa ku muzimbu watundile kuli Njambi na vushunga vuje vwajombolwele ali Yesu Kilistu.

Kujombolola 1:9

Yange Yowano, ndolome yeni, co akupwa ndongisi ya Yesu njili amo neni na lukakateya mu n̄avava ije ilinakwija kuli vaje vanakundama ku Vumwene vwendi. Vanjakele a lin̄anda lya Patimose omwo njambulwile lijwi lya Njambi lya vushunga vuje vwasholwele Yesu.

Kujombolola 11:7

Omo vanamanesa kwambulula lijwi lyavo, cikashama uje akatuuka muje mu mbulu ije kuyesi naa masima akalwa nzita navo. Akavahyana nakuvatsiya,

Kujombolola 12:17

Co uje canza-ngombe waluvalele manene na uje munakazi, co welukile mukukalwisa naanga ya uje munakazi vaje vasaleleo, vaje voshe vononoka mashiko a Njambi na kulongwa ku vushunga vuje vwajombolwele Yesu.

Kujombolola 19:10

Co njawililile ku myanja yendi ngeci njimulemese, oloni wendekele kuli yange ngwendi, “Kesi ulinge ngeci! Yange njinapu ngamba ngwe yove na vakweni lalo voshe vaje vakakateya ku vushunga vuje vwasholwele Yesu. Lemesa Njambi!” Omwo vushunga vuje vwasholwele Yesu vukapangesa vaka-kwimanena.

Kujombolola 2:13

Njizivuka kuje kuwakala, kuje kwakala litanda lya Satana. Yove unapu muka-vushunga kuli yange, co kuwombilile kukulaela kwove kuli yange, nameme mu simbu omo Antipase, mukaleo wange wa kulongwa vamutsiilile kuje vene kwakala Satana.

Kujombolola 2:17

“Nga uli na matwi, tolilila vije vyalinakwendeka Munzinzime ku vikungulukilo! “Kuli vaje vahyana, njikavana maana yakushweka. Co lalo njikana umo na umo wavo limanya lyakutoka aje vanasoneka lizina lyaliha lije naumo wai alizivuka kuvanga uje vavenya alitambula.

Kujombolola 2:26

Kuli vaje vahyana, vaje valinga vije vinjishaka noo akukotoka, njikavana moko a miyati,

Kujombolola 2:7

“Nga uli na matwi, tolilila vije vyalinakwendeka Munzinzime ku vikungulukilo! “Kuli vaje vahyana, njikavana moko yakulya ku vushuka vwa muti wa mwonyo uje uli mu Lihya lya Njambi.

Kujombolola 20:4

Asinoni njamwene matanda, co vaje vatumbameneo vavaanene nzili yakusompa. Co njamwene myonyo ya vaje vavatsiile omwo vambulwile vushunga vuje vwasholwele Yesu amo na lijwi lya Njambi. Kuvalemesele uje cikashama nambe kamponya kendi, nambe vakevo kuvatambwile cizivukiso ca uje cikashama a maholo avo nambe a mavoko avo. Vasangukilile ku mwonyo nakushwana ngwe vimyene amo na Kilistu myaka 1,000.

Kujombolola 3:12

Uje ahyana njikamupwisa manda mu Njuvo ya Shukulu Kalunga Njambi yange, co nalumo lwai lalo akatundamo. Co njikasoneka ali ikeye lizina lya Njambi yange, na lizina lya nganda ya Njambi yange, ikeyo Yelusalema yaiha, ije ikashuluka kutunda mwilu kuli Njambi yange. Co lalo njikasoneka ali ikeye lizina lyange lyaliha.

Kujombolola 3:21

Kuli vaje vahyana, njikavana moko yakutumbama kuyehi nange a litanda lyange, ngwe omo yange njahyanene, co ololo njinatumbama kuyehi na Tate a litanda lyendi.

Kujombolola 3:5

Kuli vaje vahyana, vakavazika vuzalo vuje vene vwakutoka, co kunjikatundisa mazina avo mu livulu lya mwonyo. Njikendeka citona-mesho ku mesho a Tate na ku mesho a tungelo twendi ngwange ava vanapu vange.

Kujombolola 6:9

Asinoni Muna Manga wavatwile kasateso kamucitanu. Co njamwene mwisi ya mutula myonyo ya vaje vavatsiile omwo vambulwile lijwi lya Njambi, co vapwile vaka-kulongwa mu vukaleo vwavo.