Kujombolola 12:10 - Livulu lya Shukulu Kalunga

¹⁰ Asinoni njazivile lijwi lyakama lyendekele mwilu ngwalyo, “Ololo kwamena kwa Njambi kunaija! Ololo Njambi namwesa nzili yendi akupwa Mwene! Ololo Wakuvwavesa wendi namwesa moko yendi! Omwo uje wemanene ku mesho a Njambi yetu nakwana milonga vutsiki na mutanya kuli vaka-kukulaela vanamumbila asi kutunda mwilu.

Kujombolola 12:10 Iomraidhean Croise

1 Mizimbu 29:11

Yove wapwa uwakama, wa nzili, na vumpau, na vuvwa, na vumwene vwove vwapwa vwakama. Vyuma vyoshe vya mwilu nevi vya asi vyapwa vyove, co yove wapwa mwene, yove wapwa muka-kushwana vyoshe.

Yombi 1:11

Oloni nga utundisa vyuma vyoshe evi vyalinavyo, co akakushaula citona-mesho!”

Yombi 1:9

Co Satana wakumbulwile ngwendi, “Kuma Yombi anga akakulemesa nga navimo vyai awanao?

Yombi 2:5

Oloni ololo aceseke kukwata ku muvila wendi, co akakushaula citona-mesho!”

Myaso 22:28

Omwo vumwene vwapwa vwa Shukulu Kalunga, ikeye akashwana miyati yoshe.

Myaso 45:6

Litanda lyove lya vumwene yove Njambi, likakalako ku myaka yoshe! Mulamu wa vumwene vwove ukewo mulamu wa vushunga.

Ndanyele 2:44

A simbu ya vaka-kushwana vaje, Njambi wa mwilu akaka vumwene vuje kuvukahu. Naumo wai akavafungulula, co vukanyongesa vumwene vwoshe, oloni vukevwo vukakala myaka yoshe.

Mateo 26:64

Yesu wamukumbulwile ngwendi, “Muunendeka mukemwo vene. Oloni njimileka muvavoshe ngwange, tunde a simbu ino mukamona Muna Munu natumbama ku livoko lya cilyo lya Muka-nzili yoshe, alinakwija a mashelwa!”

Mateo 28:18

Co Yesu washwenyele kuyehi navo wendekele navo ngwendi, “Moko yoshe ya mwilu neyi ya ano asi vananjanayo.

Mateo 6:10

Vumwene vwove vwije, cizango cove vacilinge ano asi, ngwe omwo vakacilingi mwilu.

Luka 11:2

Yesu wendekele kuli vakevo ngwendi, “Omo mulombela endekeni ngweni, ‘Tatetu, valemese lizina lyove, vumwene vwove vwije.

Luka 22:31

“Simoni, Simoni! Satana nalombo ngeci amyeseke yeni voshe, kwangununa vavavwa ku vavavi ngwe muka-kulima mwakaangununa tiliku ku lijungu.

1 Kolinte 5:4

mu lizina lya Mwene yetu Kilistu munalume uje nalingi cuma eci cacivi. Omo mukunguluka, co nange njili amo neni mu munzinzime, mu nzili ya Mwene yetu Yesu ili amo netu,

2 Kolinte 12:9

Co ikeye wanjikumbulwile ngwendi, “Kutetela kwange kunapumo ku vyoshe, omwo nzili yange yapwa yakukomokesa omo unazeye.” Ngecivene, njilinakuvwaelela manene a vyuma vyakuzeya vyoshe-ivyoshe nakujolela akunyunga kwa Kilistu na nzili eyi ili ali yange.

Tito 2:3

Na kuli vakulunu va vanakazi ngoco lalo vanapande kupwa vaka-kulisingimika ngwe muvakalingi vanakazi vaje vayoya yoyesi yakujela. Kuvapandele kupwa vaka-lufwe nambe vapwe vindungo va vinyu. Vanapande kulongesa vyavivwa

1 Petulu 5:8

Kesi mupende, pweni vaka-kukengelela! Citozi ceni Liyavola alinakwendangana nakwaana ngwe ndumba, ashakezeka umo ngeci amusanyozole.

Kujombolola 11:15

Asinoni kangelo wamucitanu na vavali wembile lupembo lwendi, co kwakele majwi akama mwilu endekele ngwawo, “Nzili yakushwana kaye ololo inakundama kuli Mwene yetu na Wakuvwavesa wendi, co akashwana myaka yoshe!”

Kujombolola 2:26

Kuli vaje vahyana, vaje valinga vije vinjishaka noo akukotoka, njikavana moko a miyati,

Kujombolola 7:10

Vatambekele na majwi akama ngwavo, “Kwamena kwatunda kuli Njambi yetu, uje natumbama a litanda, na kuli Muna Manga!”