Kujombolola 12:1 - Livulu lya Shukulu Kalunga

¹ Asinoni cizivukiso cakama casholokele mwilu. Kwakele munakazi, cikoveyo cendi capwile litangwa, co ngonde yakele mwisi ya myanja yendi na cilongo ca vingongonosi likumi na vivali cakele a mutwe wendi.

Kujombolola 12:1 Iomraidhean Croise

2 Mizimbu 32:31

Nameme omo vamyata vaje vatundile ku Mbambilone vezile mukwihula a vije vyalingiwile mu lifuti, Njambi watavele ngeci eseke Hezekiya azivuke vyoshe vije vyakele mu mbunge yendi.

Myaso 104:2

yove walifwika ceke ngwe vuzalo. Yove wajangumwine melu ngwe mbalaka,

Myaso 84:11

Omwo Shukulu Kalunga Njambi wapwa litangwa na ntelo. Ikeye akana ngozi na kasingimiko, ikeye kesi kumina cuma cimo cacivwa, kuli vaje venda mu vushunga.

Myaso ya Solomoni 6:10

Iyajo ou wa mesho ngwe ceke ca mutondo? Ou wamuvwa ngwe ngonde? Wakuvyazima ngwe litangwa? Uje wakujajesa ngwe mashwalale venda na vipandelo?

Isaya 61:10

Yelusalema ijolela omwo vije vyanalingi Shukulu Kalunga. Shukulu Kalunga nafu ngwe shombolwa nazala vuzalo vwa vushombolwa. Njambi namwamena nakumuhyanesa.

Isaya 62:3

Ukapwa ngwe cilongo cacivwa ca Shukulu Kalunga.

Zakaliya 9:16

Omo litangwa lije likaija, Shukulu Kalunga akanyunga vanu vendi ngwe kanyungi amena vutanga vwendi ku vushonde. Vakavyazima mu lifuti lyendi ngwe mamanya a seo a cilongo.

Malakiya 4:2

Oloni kuli yeni munjononoka, nzili yakwamena kwange ikakala ali yeni ngwe litangwa, co ikanena vukangwisi ngwe misha ya litangwa. Co mukapwa vaka-kupatuka nakuvwaelela ngwe vana va vingombe vatuuka mu licakana.

Mateo 12:38

Asinoni vamo valongisi va majwi a Lishiko na vaFaliseo vendekele nendi ngwavo, “Mulongisi, tushaka tukumone ulinga cizivukiso.”

Mateo 24:30

Asinoni cizivukiso ca Muna Munu cikasholoka mwilu, co miyati yoshe ya ano asi vakalila mbimbi-mitwe omo vakamona Muna Munu alinakwija a mashelwa na nzili na vumpau vwakama.

Mako 13:25

co vingongonosi vikawila asi, co vinzili vya mwilu vikaninganga.

Luka 21:11

Kukakala mandunduma akama, na njala ya lyangengela, na mishongo yakulitambwisa kwoshe-ikwoshe, kukakala vyuma vyakujujwisa nakukomokesa vikatunda mwilu.

Luka 21:25

“Co vyuma vyakukomokesa vikalingiwa ku litangwa na ku ngonde na ku vingongonosi. Miyati yoshe ya asi vakajeneka cinyangavili, vakaziva lyova lya kuluma kwa mema a kalunga nakukuma kwa mankimba ao.

Yowano 3:29

Uje ali na shombolwa ikeye vavenya vulo, oloni musamba wa vavenya vulo, uje nemana nakumutolilila, avwaelela omo aziva lijwi lya vavenya vulo. Ngecivene, mukemwo mukunapu kuvwaelela kwange.

Vilinga vya Miluwa 2:19

Co njikalinga vikomokeso mwilu na vizivukiso ano asi. Kukakala kwitila maninga, tuhya, na vwisi vwakama,

Loma 13:14

Oloni zaleni vitwa vya Mwene Yesu Kilistu, kesi mwanuke lalo cifwa ceni ca vusitu nakukavangeya mashungu aco embwe.

Loma 3:22

Njambi alingisa vanu ngeci vapwe vaka-vushunga akukulaela kwavo kuli Yesu Kilistu. Njambi alinga eci kuli voshe vaje vakulaela kuli Kilistu, omwo kumwesi kaangu kai,

2 Kolinte 11:2

Njili na lifuwa ali yeni ngwe lije lyakala nalyo Njambi, omwo munapu ngwe mumbanda uje kanda alimone na munalume uje njinakulaesa kumushombwesa kuli munalume umolika, ikeye Kilistu.

Ngalatiya 3:27

Vamimbwitikile amo muli Kilistu, co ololo vanamizika na mwonyo wa Kilistu vavenya.

Ngalatiya 4:26

Oloni Yelusalema ya mwilu inapu yakupatuka, co ikeyo inapu cisemi cetu.

Ngalatiya 6:14

Ngwe ali yange, nameme ngoco, yange njikalyalesa lika a cilindakano ca Mwene yetu Yesu Kilistu, omwo a cilindakano cendi kaye kanatsi kuli yange, co yange lalo njinatsi ku kaye.

Efeso 5:32

Kuli cisin̄iko ca kulova ca vushunga mu visoneka evi cije cinjinazivuka ngwange cilumbununa vya Kilistu na cikungulukilo.

Kujombolola 1:20

Eci cikeco kulumbunuka kwa cisin̄iko ca vingongonosi vitanu na vivali vije unamono mu livoko lyange lya cilyo, na vitumbikilo vya vindeya vya ngolinde vitanu na vivali, vingongonosi vitanu na vivali vinapu tungelo va vije vikungulukilo vitanu na vivali, co vitumbikilo vya vindeya vitanu na vivali vinapu vije vikungulukilo vitanu na vivali.”

Kujombolola 11:19

Asinoni Njuvo ya Shukulu Kalunga ya mwilu yashokolokele, na Cikasa ca Cikumiiyo vacimwene muje. Asinoni kwakele kuvyakula kwa mihyato na mikalateto nakujaja kwakama kwa kaye na cililimo na nyonzi yakama ya mamanya.

Kujombolola 12:3

Co cizivukiso cakama cikwavo casholokele mwilu. Kwakele canza-ngombe wakama wakuvenga uje wakele na mitwe itanu na ivali na vimbinga likumi, co a mutwe umo na umo akele cilongo.

Kujombolola 15:1

Asinoni njamwene cimweso cikwavo mwilu, cakama cakukomokesa. Kwakele tungelo vatanu na vavali na tuyando tutanu na tuvali, tuketwo tuyando twakumanesela, omwo tuketwo tumwesa vukalu vwa Njambi vwakumanesela.

Kujombolola 21:14

Co civumbe ca nganda vacitungilile a luvula lwa mamanya likumi na avali, aje avasonekele mazina a miluwa va Muna Manga likumi na vavali.

Kujombolola 21:23

Muje mu nganda kumukakala lalo litangwa nambe ngonde, omwo vumpau vwa Njambi vukevwo vukatwilamo ceke, co Muna Manga ikeye ndeya yamwo.