Kujombolola 11:8 - Livulu lya Shukulu Kalunga

⁸ co mivila yavo vakailangeka mu tapalo ya nganda yakama, kuje kuvashukikilile Mwene yavo. Cizivukiso ca lizina lya nganda ije lyapwa Sondoma nambe Ingito.

Kujombolola 11:8 Iomraidhean Croise

Kushangumuka 13:13

Vanu va ku Sondoma vapwile vaka-vuvi, valingile vyuma vyavivi manene ku mesho a Shukulu Kalunga.

Kushangumuka 19:24

Aje vene, Shukulu Kalunga wanyokesele tuhya twa lilungu lyakama a vinganda vya Sondoma na Ngomola.

Kutuuka 20:2

“Yange njapwa Kalunga Njambi yeni, uje wamitundisile mu Ingito, kuje kumwakele mu vinzinda.

Kutuuka 3:7

Asinoni Shukulu Kalunga wendekele ngwendi, “Mwa vushunga, njinamono tuyando twa vanu vange muvali nakuvapangesela mu Ingito. Njazivi valinakulila ngeci vavapatule ku vundungo vwa vaje valinakuvayandesa. Njamono a tuyando twavo twoshe.

Isaya 3:9

Vilinga vyavo vyavivi vikavelukila vakevo vavenya nakuvalwisa. Vakalingi vuvi citona-mesho ngwe muvalingile vaka-Sondoma. Vananyongo, co vanalikokela vukalu vakevo vavenya.

Njelemiya 23:14

Oloni njinamono vaka-kwimanena mu Yelusalema, vakevo ni vanai mweka valinga vupangala nakwendeka makuli, vakundwiya vanu kulinga vuvi, ngeci naumo wai alikela kulinga vuvi. Kuli yange, voshe vanapu vavavi ngwe vanu va ku Sondoma na Ngomola.

Njelemiya 26:23

Vanenele Uliya kuli Mwene Yehoyakime, co wamutsiile nakumbila muvila wendi mu vimbumbo vya vanu voshe.)

Ezekiyele 16:46

“Ndokazi yove wa mukulunu, wapwa Samaliya, wakala ku kunto na vana vendi. Co ndokazi yove wa mwanike, wapwa Sondoma, wakala mu mbwela na vana vendi.

Ezekiyele 16:49

Sondoma na vana vendi valyalesele, omwo vakele na vyakulya vyavingi, co vayoyele mu kwoloka namukuhwima, oloni kuvakwasele tuutu na vanu vaka-kujeneka.

Ezekiyele 23:19

Wanukile vukwizi vwendi omo wakele mu Ingito te mumbanda.

Ezekiyele 23:27

Njikavindika vuvi vwove na vupangala vwove vuje vuwashangumukile omo wakele mu Ingito. Kuukakenge lalo ku tumponya, nambe kuyongola cuma cimo ca mu Ingito.”

Ezekiyele 23:3

Omo vakele mu Ingito vapwile vambanda, kuvapwile lalo vambanda vaje kanda valimone na vanalume, co vapwile vikwizi.

Ezekiyele 23:8

Kasezele vukwizi vwendi, vuje vwashangumukile mu Ingito omo wapwile mumbanda uje kanda alimone na munalume. Kutunda a simbu ije omo wapwile mumbanda, vanalume valalele nendi nakumupwisa cikwizi.

Ezekiyele 37:11

Njambi wendekele kuli yange ngwendi, “Muna munu, vanu va Isalele vanafu ngwe vitsiya evi. Vakevo vendeka ngwavo vanapu vitsiya vyakuminina cau, cinyangavili cavo cinahu, co vananyongo.

Amose 4:11

“Njanyongesele vamo veni ngwe munjanyongesele Sondoma na Ngomola. Co vamo veni vaje vaputumukileo vapwile ngwe cimbundi cakwenya cije civanatundisa mu liko. Nameme ngoco kumwelukile kuli yange.” Mwanendeka Shukulu Kalunga.

Mateo 10:15

Mwa vushunga njimileka ngwange, a Litangwa Lyakusompa Njambi akamwesa vaka-Sondoma na vaka-Ngomola mema ku mbunge kutuvakana nganda ije!

Vilinga vya Miluwa 9:4

Co wawililile asi wazivile lijwi lyendekele kuli ikeye ngwalyo, “Saulu, Saulu! Vika ulinakunjiyandesela?”

VaHevelu 13:12

Mu cifwa cije vene lalo Yesu watsililile anja ya cikolo ca nganda, mukusambesa vuvi vwa vanu na maninga endi.

VaHevelu 6:6

Co nga vaje vombilile kukulaela kwavo! Kucitava kuvelwisa ngeci vatenguluke lalo, omwo vakevo valinakushukika Muna Njambi lalo nakumushawisa ku mesho a mbunga.

2 Petulu 2:6

Njambi wahisile vinganda vya Sondoma na Ngomola, wavinyongesele na tuhya, co wavipwisile cimweso ali vije vikalingiwa kuli vaka-vuvi.

Yunda 1:7

Anukeni Sondoma na Ngomola, na vinganda vije vyateleko, vije vanu vamwo valingile ngwe muje muvalingile vaje tungelo mukulikundika ku vilinga vya vupangala na mu mashungu amavi, vayanda na n̄avava ya cihiso ca tuhya ca myaka yoshe kupwa kunangula kwa mutanya mwelu kuli voshe.

Kujombolola 11:13

Co a simbu ije vene kwakele mandunduma akama, mutambela wamulikumi wa nganda wasiwukile, co vanu vakupwa 7,000 vatsile, vaje vasaleleo vazivile manene lyova, co vashangazalele vukama vwa Njambi wa mwilu.

Kujombolola 11:9

Vanu va ku miyati yoshe na ku vindaka vyoshe na ku mafuti oshe, vakelula vivimbi vyavo a matangwa atatu na litambelo, co kuvakavatava kuvatsinda.

Kujombolola 14:20

Co vuje vushuka vavukamwinine mu cikamwino anja ya nganda, co maninga atundile mu cikamwino asindumukile ngwe livazi, co aje maninga asindumukilile kulyala kupwa makilomita 300 mu vulaja, co mu vwihi vwakulova apwile mamita avali.

Kujombolola 14:8

Kangelo wamucivali wakavele uje wakulivanga, wendekele ngwendi, “Nau! Mbambilone yakama nau! Uje walingisile vanu voshe kunwa vinyu vya lishungu lya vupangala vwendi.”

Kujombolola 16:19

Nganda yakama yatavozokele mu vimbazuvwila vitatu, co vinganda vya mu mafuti oshe vyanyongele. Co Njambi wanukile Mbambilone yakama, co wainwisile vinyu vya mu nganja yendi, vinyu vya vukalu vwendi.

Kujombolola 17:1

Asinoni umo wa vaje tungelo vatanu na vavali vaje vakele na malonga atanu na avali wezile kuli yange, co wendekele ngwendi, “Ija kuno njakukuleke vati vakasompa uje cikwizi wakutsimana, nganda ije yakama ivanatungila kuyehi na vindonga vyavingi.

Kujombolola 17:18

“Uje munakazi iwamwene ikeyo nganda yakama ije ilinakushwana vimyene va ano asi.”

Kujombolola 17:5

A luholo lwendi vasonekeleo lizina lije lili na vulumbunuke vwa cisin̄iko, ngwavo, “Mbambilone Wakama, cisemi ca vikwizi voshe na vunyengwe vwa ano a kaye.”

Kujombolola 18:10

Vakashondoloka nakwimana kulyala, omwo vakaziva lyova lya tuyando twendi, co vakendeka ngwavo, “Kengeni! Naana! Kayeketu! Kayeketu! Mbambilone nganda yakama! Mu ola imolika lajoko vanakunyanyamesa!”

Kujombolola 18:18

co valilile omo vamwene vwisi vwa milangi ije yamwenyekele, co vendekele ngwavo, “Kukwesi lalo nganda yakama yakutuvakana eyi!”

Kujombolola 18:2

Watambekele na lijwi lyakama ngwendi, “Inau! Mbambilone Yakama inau! Ololo inapu nganda yakukala minzinzime yakujwala na kamenga ka minzinzime yakujwala na ya miyati yoshe ya tuzila vavushakulwizi na mazilo oshe.

Kujombolola 18:21

Asinoni kangelo umo wa nzili wanonele limanya lyakama ngwe limanya lyakulolela vunga walyumbilile mu mema a kalunga, co wendekele ngwendi, “Omu mukemwo muvakombila asi nganda yakama Mbambilone, co kuvakaimono lalo.

Kujombolola 18:24

Mbambilone vainyanyamesele omwo maninga a vaka-kwimanena naa a vanu va Njambi aje avawanene mu nganda, eyo maninga a vaje voshe vavatsiile ano asi.”