Kujombolola 11:3 - Livulu lya Shukulu Kalunga

³ Co njikatuma vakaleo vange vavali, vakazala vikeleya, co vakambulula muzimbu wa Njambi a matangwa aje akupwa 1,260.”

Kujombolola 11:3 Iomraidhean Croise

Kushangumuka 37:34

Yakomba watavwile vuzalo vwendi omwo vusiwa, co wazalele cikeleya. Walilile munendi simbu yakama.

2 Samwele 3:31

Asinoni Ndaviti washikile Yowave na vanu vendi kutavula vuzalo vwavo, vazale vikeleya, ngeci valile Avinele. Co akuya ku vimbumbo Mwene Ndaviti wakavele vwango vwa mutsi,

1 Vimyene 21:27

Omo Elinja wamanesele kwendeka, co Ahave wazalele cikeleya mutanya na vutsiki. Walinyengele, co wavyanene kulya.

2 Vimyene 19:1

Omo Mwene Hezekiya wazivile muzimbu wavo, watavozwele vuzalo vwendi mukuviilila, co wazalele cikeleya, waile ku Njuvo ya Shukulu Kalunga.

1 Mizimbu 21:16

Co Ndaviti wandwile mesho endi wamwene kangelo nemana a vukambwila, najundula livoko lyendi lije lyakele na mukwale ngeci anyongese Yelusalema. Asinoni Ndaviti na vantwama va vanu, vaje voshe vazalele vikeleya, vatsikamene, vakengesele vihanga vyavo asi.

Nehemiya 9:1

A litangwa lyamumakumi avali na matangwa awana, mu ngonde ije vene vanu va Isalele valikungulwile nakuzila kulya mukumwesa vusiwa omwo vivi vyavo.

Yombi 16:15

Njalitongela cikeleya ca vusiwa, co njalishuwila livu ku mutwe wange.

Myaso 69:11

omo njazalele cikeleya kumwesa vusiwa vwange, vanu angavene vanjishendumwine.

Isaya 22:12

Shukulu Kalunga wa Akamwa ya Vyoshe Muka-nzili yoshe wamilekele ngeci mulile na kusikoka, nakuteula mitwe yeni nakuzala vikeleya.

Njelemiya 1:10

Ku litangwa lya lelo njilinakukutuma na nzili kukendeka ku mafuti oshe na ku vumwene vwoshe kutukula nakusiwula, kunyongesa nakuwisa, kutunga nakukuna.”

Mbimbi 2:10

Vakulunu va mu Yelusalema vanatumbama asi kuluu, vanalishuwila livu a mitwe yavo, co vanazala vikeleya. Vambanda vanakulamesa mitwe yavo asi.

Ezekiyele 4:6

Omo unamanesa kulalela ku cimoshwe, co tengulukila ku mutambela wa livoko lyove lya cilyo, nakwambata lalo cihiso ca Yunda a matangwa makumi awana, litangwa limo a mwaka umo na umo wakuvanyanyamesa.

Ndanyele 12:7

Co uje munalume wazalele vuzalo vwa linyu wolwele mavoko endi oshe mwilu nakulisinga mu lizina lya Njambi wa Myaka Yoshe. Co njamuzivile endeka ngwendi, “Kukaita myaka itatu na vingonde vitanu na imo. Omo tuyando twa vanu va Njambi tukahwa, co vyuma vyoshe evi vinalingiwa laja.”

Ndanyele 7:25

Akalwisa Njambi wa Akamwa ya Akamwa nakuyandesa vanu va Njambi. Ikeye akeseka kutengulula mashiko avo akulemesa, na viwano vyavo, co vanu va Njambi vakakala mwisi yendi myaka itatu na vingonde vitanu na imo.

Ndanyele 8:14

Co njazivile kangelo mukwavo wakumbulwile ngwendi, “Kuvanga kuneti matangwa akupwa 2,300 mutondo na cingwezi, co kuvakakombelela vin̄ombelo. Asinoni vakajelesa Njuvo ya Shukulu Kalunga.”

Njwele 1:13

Yeni vaka-kukombelela mukapanga ku mutula, zaleni vikeleya, linyengeni nakulila mbimbi-mitwe! Yeni mu Njuvo ya Shukulu Kalunga nakulila vutsiki vwoshe, omwo kukwesi vimbuto nambe vinyu vyakukombelela kuli Njambi yeni.

Yona 3:5

Co vanu vaka-Nenevayi vakulaelele lijwi lya Njambi, co vayongwele ngeci munu na munu napande kulikela kulya. Ngecivene, vanu voshe kushangumukila ku wakama nakweta ku wamundondo, vazalele vikeleya mukumwesa ngeci kuma vanatenguluka.

Yona 3:8

Vanu voshe vanapande kuzala vikeleya, co vimuna navo lalo vavafwike vikeleya. Munu woshe napande kulombela na kulongwa kuli Njambi, nakwecela vingila vyendi vyavivi na kupenga-penga kwendi.

Kulava 11:26

Oloni vantwama vavali, Elendande na Mendande, vasalele mu cilombo, na vakevo vakele akati ka vaje vantwama vakevo kuvaile ku Mbalaka, oloni Munzinzime wakele ali vakevo, vambulwile vuka-kwimanena, omwo na vakevo lalo vakele akati ka vaje vantwama vavalavele.

Mateo 11:21

“Ngongo yove Kolazine! Ngongo yove Mbetesainda! Omwo vizivukiso evi vanalingi kuli yeni, nga vavilingilile mu Tile na mu Sindone, nga vanu vamwo vazalele vikeleya nakulikwita lito kumwesa ngeci vanatenguluka ku vivi vyavo!

Mateo 18:16

Oloni nga kakutolilila, lanyako munu weka umo nameme vavali amolika nove, ngeci ‘majwi akapwe vukaleo mutunwa twa vanu vavali nameme vatatu,’ ngwe muvinendeka visoneka.

Luka 10:13

“Ngongo yove Kolazine! Ngongo yove Mbetesainda! Omwo vizivukiso evi vanalingi kuli yeni, nga vavilingilile mu Tile na mu Sindone, nga vanu vamwo vatumbamene laja asi nakuzala vikeleya nakulikwita lito kumwesa ngeci vanatenguluka ku vivi vyavo!

Luka 24:48

Yeni munapu mu vakaleo va vyuma evi.

Yowano 15:27

Co neni lalo mukapwa vakaleo vange, omwo munakala amo nange tunde akulivanga.

Yowano 3:27

Yowano wavakumbulwile ngwendi, “Naumo wai atambula cuma kuvanga vanamwanaco kuli Njambi.

Vilinga vya Miluwa 1:8

Oloni omo Munzinzime Wakujela akaija ali yeni, mukashula na nzili, co mukapwa vakaleo vange mu Yelusalema na mu Yundeya na mu Samaliya mwoshe, na ku mamaneselelo a asi.”

Vilinga vya Miluwa 13:31

co a matangwa amangi washolokele kuli vaje wendele navo kutunda ku Ngalileya nakweta ku Yelusalema. Vakevo ololo vanapu vakaleo vendi kuli vanu va Isalele.

Vilinga vya Miluwa 2:32

Njambi nasangula ou Yesu ku vatsi, ngeci yetu voshe tunapu vakaleo va vyuma evi.

Vilinga vya Miluwa 3:15

Co mwatsiile uje ikeye vavenya mwonyo, oloni Njambi wamusangwile ku vatsi, co yetu tunapu tu vakaleo va cuma eci.

1 Kolinte 12:28

Mu cikungulukilo, Njambi naaka vyoshe mu mwela umo, mu mwela wakulivanga miluwa, mu mwela wamucivali vaka-kwimanena, co mu mwela wamucitatu valongisi, asinoni vaje vaka-kulinga vizivukiso, kwatako vaje vavanaana nzili yakukangwisa nambe kukwasa vakwavo nambe kuvatwamenena nambe kwendeka vindaka vyaviha.

2 Kolinte 13:1

Eyi ololo ikeyo simbu yamucitatu njilinakwija kuli yeni nakumisikamesa. “Mulonga woshe unapande kukala na vakaleo vwa vavali nambe kutuvakana.” Ngwe muje muvyendeka visoneka.

Efeso 4:11

Ou ikeye uje “waanene vwana kuli vanu”. Wemikile vamo kupwa miluwa, vakwavo kupwa vaka-kwimanena, vakwavo kupwa vaka-kwambulula, vakwavo kupwa tunyungi na valongisi.

Kwituluka mu Mashiko 17:6

Nameme ngoco, mukamutsiye nga kuli vakaleo vavali nambe vatatu. Co ikeye kuvapandele kumutsiya nga kuli mukaleo umolika embwe.

Kwituluka mu Mashiko 19:15

“Kucitava ngeci munu vamwane mulonga a vukaleo vwa munu umolika embwe, kunapande kukale vukaleo vwa vanu vavali nambe vatatu, ngeci uje munu vamwane mulonga.

Kujombolola 1:5

na kuli Yesu Kilistu, mukaleo wa vushunga, mushoke wakulivanga kusanguka ku kutsa, co uje lalo muka-kushwana vimyene va ano a kaye. Watuzema, co a n̄ombelo ya kutsa kwendi natupatula ku vivi vyetu,

Kujombolola 11:2

Oloni kesi ukaseteke vimbanja vyayo vya anja, omwo vanavyana kuli vaka-kujeneka kukulaela vaje vakalyatangela Nganda Yakujela a vingonde makumi awana na vingonde vivali.

Kujombolola 11:6

Vali na moko yakuvindika mashelwa ngeci nyonzi kesi inyoke simbu vacili nakwambulula lijwi lya Njambi. Vali lalo na moko a mema a tuvwelu-vwelu, kuwatengulula ngeci apwe maninga, vali lalo na moko yakuviisa kaye na miyati yoshe ya tuyando mwoshe-imwoshe muje muvashaka kulinga.

Kujombolola 12:6

Co uje munakazi watewelele mu mambo, kuje Njambi wamuvwaeselele mwela, kuje vakamulelelele a matangwa akupwa 1,260.

Kujombolola 13:5

Co uje cikashama vamutavesele kwendeka vyuma vyakushaula Njambi, co vamwanene moko ya vingonde makumi awana na vingonde vivali.

Kujombolola 19:10

Co njawililile ku myanja yendi ngeci njimulemese, oloni wendekele kuli yange ngwendi, “Kesi ulinge ngeci! Yange njinapu ngamba ngwe yove na vakweni lalo voshe vaje vakakateya ku vushunga vuje vwasholwele Yesu. Lemesa Njambi!” Omwo vushunga vuje vwasholwele Yesu vukapangesa vaka-kwimanena.

Kujombolola 20:4

Asinoni njamwene matanda, co vaje vatumbameneo vavaanene nzili yakusompa. Co njamwene myonyo ya vaje vavatsiile omwo vambulwile vushunga vuje vwasholwele Yesu amo na lijwi lya Njambi. Kuvalemesele uje cikashama nambe kamponya kendi, nambe vakevo kuvatambwile cizivukiso ca uje cikashama a maholo avo nambe a mavoko avo. Vasangukilile ku mwonyo nakushwana ngwe vimyene amo na Kilistu myaka 1,000.