Kujombolola 11:18 - Livulu lya Shukulu Kalunga

¹⁸ Vaka-kujeneka kukulaela vashulile na vukalu, omwo simbu ya vukalu vwove inete, simbu yakusompa vatsi. Simbu inete yakwana cikandelela kuli vangamba vove vaka-kwimanena, na kuli vanu vove voshe, voshe vaje vakukomoka, vakama na ava vavandondo. Simbu inete yakunyongesa vaje vanyongesa kaye!”

Kujombolola 11:18 Iomraidhean Croise

Myaso 103:11

Ngwe omo muwapwa melu aje akala kulyala na asi, mukemwo mucafwa cizemo cendi cije kucesi kutenguluka kuli vaje vamukomoka.

Myaso 110:5

Shukulu Kalunga ali ku livoko lyove lya cilyo, akafungulula vimyene a litangwa lya vukalu vwendi nakuvatsena tsenu-tsenu.

Myaso 147:11

oloni avwaelela lika muli vaje vamukomoka, na muli vaje voshe vakulaela mu cizemo cendi cije kucesi kutenguluka.

Myaso 2:5

Akendeka navo na vukalu nakuvajujwisa na vukalu vwendi vwakama ngwendi,

Myaso 85:9

Mwa vushunga kwamena kwendi kuli muyehi na vaje vamukomoka, ngeci vumpau vwendi vukale mu lifuti lyetu.

Muka-kwambulula 12:13

A vyoshe evi kuli cuma cimolika cakwendeka, cikeco eci, singimika Njambi, co ononoka mashiko endi, omwo evi vyoshe vikevyo vivatangelele munu.

Muka-kwambulula 8:12

Muka-vuvi nasa kulinga milonga 100 oloni anga aciyoya. Eyo, njizivuka vivalinakwendeka ngwavo, “Nga ukomoka Njambi, co vyuma vyoshe vikapwa vyavivwa kuli yove,

Ndanyele 11:44

Asinoni muzimbu uje ukatunda mu ngangela na ku kunto ukamuzivisa lyova, co akalwa manene na nzili yoshe, co akatsiya vanu vavangi.

Ndanyele 7:26

Asinoni mbanja ya mwilu ikatumbama nakusompa, co vakatundisa nzili yendi nakumunyongesa njwa.

Ndanyele 8:25

Omo akunyanyama kwendi, akavezika mu vilinga vyendi vya makuli. Ikeye akalyalesa nakunyongesa vanu vavangi omo vayongola ngwavo valimwamuvwa. Akavyana nameme Mwene ya vimyene voshe, oloni vakamunyongesa kujeneka kupangesa nzili ya munu.

Mateo 5:12

Vwaeleleni nakujolela manene, omwo vanamitulikila cikandelela ceni cakama mwilu. Omwo omu mukemwo muvayandeselele vaka-kwimanena vaje valivangele kulutwe lweni.

Luka 1:50

ikeye akamwesa mema ku mbunge kuli voshe vamusingimika, kutunda ku cisemwa cimo kutwala ku cisemwa cikwavo.

VaHevelu 9:27

Munu woshe napande kutsa lumo, co asinoni vakamusompa kuli Njambi.

Kujombolola 10:7

Oloni omo uje kangelo wamucitanu na vavali akaimba lupembo lwendi, asinoni Njambi akasholola cisin̄iko ca vutumbe vwendi, ngwe muje mwambulwile kuli vangamba vendi vaka-kwimanena.”

Kujombolola 11:2

Oloni kesi ukaseteke vimbanja vyayo vya anja, omwo vanavyana kuli vaka-kujeneka kukulaela vaje vakalyatangela Nganda Yakujela a vingonde makumi awana na vingonde vivali.

Kujombolola 13:10

Woshe uje vatwala ku vunzinda, mwa vushunga vene akaya ku vunzinda, woshe uje vakatsiya na moko ya mukwale, mwa vushunga vene akatsa na moko ya mukwale. Aa akeo vene anapande lukakateya nakukulaela kuli vanu va Njambi.”

Kujombolola 13:16

Uje cikashama wasindiiye vanu voshe, vavandondo na ava vakama, vaka-kufuka na tuutu, ndungo na vaka-kupatuka, kukala na cizivukiso cakwaka ku mavoko avo a cilyo na a maholo avo.

Kujombolola 14:10

ikeye lalo akanwa ku vinyu vya Njambi, vinyu vya vukalu vwendi, vije kesi vyakukumbasana mu nganja ya vukalu vwendi! Voshe vaje valinga eci vakakala mu n̄avava yakama mu tuhya na sulufa ku mesho a tungelo vakujela na ku mesho a Muna Manga.

Kujombolola 15:1

Asinoni njamwene cimweso cikwavo mwilu, cakama cakukomokesa. Kwakele tungelo vatanu na vavali na tuyando tutanu na tuvali, tuketwo tuyando twakumanesela, omwo tuketwo tumwesa vukalu vwa Njambi vwakumanesela.

Kujombolola 15:7

Co umo wa vaje vikashama vakuyoya vawana wanene vaje tungelo vatanu na vavali malonga a ngolinde atanu na avali aje ashulile na vukalu vwa Njambi, uje wayoya ku myaka na myaka.

Kujombolola 18:6

Muyandeseni ngwe mwamiyandesele, mwilwisileni visimbu vivali ku vije vyalingile. Shuliseni nganja yendi na vyakunwa vyakulula ngwe vije vyamivwaeselele yeni.

Kujombolola 19:15

Co moko ya mukwale yatuukile mu kanwa kendi, ikeyo yakafungulula nayo miyati. Ikeye akavashwana na mulamu wa cikuvo, co akakamuna vinyu mu cikamwino ca vinyu ca vukalu vwa Njambi Muka-nzili yoshe.

Kujombolola 19:18

Ijeni mulye situ ya vimyene na vantwama vakama vanzita na mashwalale na situ ya tuvalu na vaka-kulondao na situ ya vanu voshe na vindungo na vaka-kupatuka, vakama na ava vavandondo!”

Kujombolola 19:5

Asinoni lijwi lyatundile ku litanda lyendekele ngwalyo, “Shangazaleni Njambi yetu, yeni vangamba vendi voshe vaje vamukomoka, vakama na ava vavandondo!”

Kujombolola 20:12

Coi njamwene vatsi, vakama na ava vavandondo, vemanene kulutwe lwa litanda. Vafukwile mavulu, co lalo vafukwile livulu likwavo, likelyo livulu lya mwonyo. Co vatsi vavasompele ngwe ku vilinga vyavo vije vivalingile, ngwe muvavisonekele mu mavulu.

Kujombolola 20:15

Co woshe uje kuvasonekele lizina lyendi mu livulu lya mwonyo vamumbilile mu lishali lya tuhya.

Kujombolola 22:12

Yesu alinakwendeka ngwendi, “Tolilileni! Njilinakwija vwasi! Njilinakwija na cikandelela cakwana kuli munu na munu ngwe ku vilinga vyendi.