Kujombolola 11:15 - Livulu lya Shukulu Kalunga

¹⁵ Asinoni kangelo wamucitanu na vavali wembile lupembo lwendi, co kwakele majwi akama mwilu endekele ngwawo, “Nzili yakushwana kaye ololo inakundama kuli Mwene yetu na Wakuvwavesa wendi, co akashwana myaka yoshe!”

Kujombolola 11:15 Iomraidhean Croise

Myaso 110:4

Shukulu Kalunga wakulaesele, co kakatengulula viyongola vyendi lalo, “Yove ukapwa muka-kukombelela ku myaka yoshe, ngwe vuka-kukombelela vwa Melekizendeki.”

Myaso 146:10

Shukulu Kalunga ikeye mwene wa ku myaka yoshe! Yove Siyone Njambi yove akashwana simbu yoshe. Shangazaleni Shukulu Kalunga!

Myaso 2:2

Vimyene va ano asi vanaangunuka, vaka-kushwana vanalikungulwila amo, nakutumba matumbe amavi akulwisa Shukulu Kalunga, na wakuvwavesa wendi, co vendeka ngwavo,

Myaso 72:11

Vimyene voshe vakatsikama ku mesho endi, co miyati yoshe vakamupangela!

Myaso 82:8

Lingao cimo yove Njambi, sompa miyati ya kaye yoshe, omwo miyati yoshe yapwa yove.

Myaso 86:9

Miyati yoshe iwatangele vakaija nakutsikama kuli yove, co vakashangazala vukama vwove.

Kutuuka 15:18

Yove Shukulu Kalunga, ukashwana ku myaka yoshe.”

Isaya 27:13

Omo litangwa likaija, vakaimba lupembo lwakusana vaIsalele vaje vakele mu vunzinda ku Asilya na ku Ingito. Vakaija nakulemesa Shukulu Kalunga mu Yelusalema, a lilundu lyendi lyakujela.

Isaya 44:23

Tambekeni nakujolela, yeni melu! Tambekeni, yeni mitambela ya mwisi ya kaye! Tambekeni nakujolela, yeni minkinda na miti yoshe ya mu shwata! Shukulu Kalunga namwesa vukama vwendi akwamena vanu vendi va Isalele.

Isaya 55:5

Ololo mukasana miyati yeka, ije kumwazivukile akulivanga, oloni vakaija lumbisi nakulipandakana neni! Yange Kalunga, Njambi yeni, Njambi wakujela wa Isalele, njikalinga ngeci vyoshe evi vinapande kulingiwa, njikamishangazala nakumyana vumpau.”

Isaya 9:7

Nzili yendi ikakola mbe, co vumwene vwendi vukapwa vwa kwoloka simbu yoshe. Ikeye akainga ali Mwene Ndaviti. Akakolesa nzili yendi a mashiko a vushunga, kutunda ololo nakweta ku shongo. Shukulu Kalunga Muka-nzili yoshe akamona ngeci vyuma vyoshe evi vinapande kulingiwa.

Njelemiya 16:19

Yove Shukulu Kalunga, u muka-kunjinyunga nakunjana nzili, u muka-kunjikwasa a visimbu vya tuyando. Miyati vakaija kuli yove kutunda ku shongo ya kaye nakwendeka ngwavo, “Vakukulwila vetu vakele lika na vinjambi va makuli, tumponya twakujeneka seo.

Ezekiyele 37:25

Vakakala mu lifuti lije linjanene kuli ngamba yange Yakomba, mu lifuti lije muvakele vakukulwila vavo. Vakakala muje myaka yoshe, ngecivene, vana vavo na vatekulwila vavo voshe vakakala muje myaka yoshe. Ngamba yange Ndaviti ikeye akavashwana myaka yoshe.

Ezekiyele 47:5

Wasetekele mamita akwavo 500, co uje muna ndonga wapwile wa kulova manene, kunjasele kwova. Yapwile yakulova manene kuyijavuka kuvanga kulapa.

Ndanyele 7:14

Co vamwanene moko na kasingimiko na nzili ya vumwene, ngecivene, vanu va ku mafuti oshe na miyati yoshe ya vanu na vanu vaka-kwendeka mu vindaka vyeka vamupangele. Moko yendi ikakala ku myaka yoshe, co vumwene vwendi kuvukahu embwe.

Ndanyele 7:18

Oloni vanu va Njambi wa Akamwa ya Akamwa vakatambula vumwene nakuvunyunga ku myaka yoshe.”

Ndanyele 7:22

Asinoni uje wakala ku myaka yoshe wezile, wambulwile kusompa kwakushangazala vanu va Njambi wa Akamwa ya Akamwa. Simbu inete ngeci vanu va Njambi vatambule nzili yakushwana.

Ndanyele 7:27

Nzili na vukama vwa vumwene vwoshe vwa ano asi vakavwana kuli vanu va Njambi wa Akamwa ya Akamwa. Co nzili ya vumwene vwavo kuyikahu, vaka-kushwana voshe va ano asi vakamwononoka nakumupangela.”

Hoziya 2:23

Njikatungisa vanu vange mu lifuti nakuvavezikisa. Co njikamwesa cizemo kuli vaje vavatumbwile ngwavo, “Vakujeneka Kuzema,” nakwendeka kuli vaje vavatumbwile ngwavo “Kesi Vanu Vange,” ngwange, “Mu vanu vange,” co vakanjikumbulula ngwavo, “Yove u Njambi yetu.”

Ovandiya 1:21

Vanalume vaka-kuhyana va mu Yelusalema, vakashwana Endome. Shukulu Kalunga vavenya akapwa Mwene.”

Mika 4:7

Njikatengulula vaje vilema kupwa vanu vakukulaela. Oloni njikashangumuka mwamuha na vaje vanasalao, co vakapwa muyati wakama. Co njikavashika a Munkinda wa Siyone tunde aje na ku myaka yoshe.”

Zakaliya 14:9

Asinoni Shukulu Kalunga akapwa mwene wa ano asi oshe, co munu woshe akalemesa kupwa Njambi nakumuzivuka a lizina lyendi.

Zakaliya 2:11

A simbu ije miyati ya vanu vavangi vakaija kuli Shukulu Kalunga, co vakapwa vanu vendi. Co akakala akati keni, co mukazivuka ngeci kuma ikeye nanjitumu kuli yeni.

Malakiya 1:11

Kutunda ku shongo ya kaye nakweta ku shongo ya kaye vanu vakanjisingimika. Co kwoshe-ikwoshe vakenyeka insense nakunjikombelela vin̄ombelo vyavivwa. Omwo lizina lyange likapwa lyakama akati ka miyati ya vanu!

Mateo 24:31

Co lupembo lwakama lukaimba, co akatuma tungelo twendi ku vimbango viwana vya ano asi, co vakakungulula vanu vendi vaje vaangwile kutunda ku shongo imo ya kaye nakweta ku shongo ikwavo ya kaye.

Mateo 6:13

Kesi ututwamenene ku vyeseko, oloni twamene ku vuvi! Omwo vumwene vunapu vwove, na nzili na vumpau, ku myaka yoshe. Ewa.’

Luka 1:33

co akashwana vatekulwila va Yakomba ku myaka yoshe, na vumwene vwendi kuvukahu!”

Luka 15:10

Mu ngila eyi vene, njimileka ngwange, tungelo va Njambi vakavwaelela ali muka-vuvi umo uje atenguluka.”

Luka 15:6

nakumutwala kwimbo. Co asana vasamba vendi na vandambo vendi amo avaleka ngwendi, ‘Njinavwaelela akuwana manga yange uje wazimbalele. Tujoleleni!’

Vilinga vya Miluwa 4:26

Vimyene va ano asi valivwaeselele cimweja vakevo vavenya, na vaka-kushwana valikungulwile amo nakutumba matumbe amavi akulwisa Shukulu Kalunga na Wakuvwavesa.’

VaHevelu 1:8

Oloni nameme ngoco ali Mwana, Njambi wendekele ngwendi, “Litanda lyove, Yove Njambi, likakala ku myaka yoshe! Washwana vanu vove na vushunga.

Kujombolola 10:7

Oloni omo uje kangelo wamucitanu na vavali akaimba lupembo lwendi, asinoni Njambi akasholola cisin̄iko ca vutumbe vwendi, ngwe muje mwambulwile kuli vangamba vendi vaka-kwimanena.”

Kujombolola 12:10

Asinoni njazivile lijwi lyakama lyendekele mwilu ngwalyo, “Ololo kwamena kwa Njambi kunaija! Ololo Njambi namwesa nzili yendi akupwa Mwene! Ololo Wakuvwavesa wendi namwesa moko yendi! Omwo uje wemanene ku mesho a Njambi yetu nakwana milonga vutsiki na mutanya kuli vaka-kukulaela vanamumbila asi kutunda mwilu.

Kujombolola 15:4

Iyajo kasa kukukomoka yove Shukulu Kalunga? Iyajo avyana kushangazala vukama vwove? Yove lika wapwa wakujela! Miyati yoshe ya vanu vakaija nakukulemesa, omwo vilinga vyove vya vushunga vinasholoka kuli vanu voshe.”

Kujombolola 16:17

Asinoni kangelo wamucitanu na vavali wetilile lilonga lyendi mu lihunzi. Co lijwi lyakama lyatundile ku litanda lya mu Njuvo ya Shukulu Kalunga lyendekele ngwalyo, “Kunau!”

Kujombolola 17:14

Vakalinga nzita na Muna Manga, oloni Muna Manga amolika na vaje vendi vanasana, vakwangula, vaka-kumukava va kulongwa, akavafungulula, omwo ikeye napu Shukulu ya vashukulu na Mwene ya vimyene.”

Kujombolola 19:1

Munima yevi njazivile cilumo cakufwa ngwe lijwi lya mbunga yakama ya vanu vali mwilu, lyendekele ngwalyo, “Shangazaleni Njambi! Kwamena na vumpau na nzili vyakundama kuli Njambi yetu!

Kujombolola 19:6

Asinoni njazivile lijwi lyakama ngwe lya mbunga, lyakufwa ngwe kukuma kwa cipupa ca mema, lyakufwa ngwe mikalateto ya mihyato. Co njazivile vendeka ngwavo, “Shangazaleni Njambi! Omwo Shukulu Kalunga Njambi yetu Muka-nzili yoshe, ikeye wapwa Mwene!

Kujombolola 20:4

Asinoni njamwene matanda, co vaje vatumbameneo vavaanene nzili yakusompa. Co njamwene myonyo ya vaje vavatsiile omwo vambulwile vushunga vuje vwasholwele Yesu amo na lijwi lya Njambi. Kuvalemesele uje cikashama nambe kamponya kendi, nambe vakevo kuvatambwile cizivukiso ca uje cikashama a maholo avo nambe a mavoko avo. Vasangukilile ku mwonyo nakushwana ngwe vimyene amo na Kilistu myaka 1,000.

Kujombolola 8:12

Asinoni kangelo wamuciwana wembile lupembo lwendi. Co litambelo lyamucitatu lya litangwa valipupile na litambelo lyamucitatu lya ngonde na litambelo lyamucitatu lya vingongonosi, ngeci ceke cavyo cizimbalese litambelo lyamucitatu lyakuvyazima kwaco, co kukwakele ceke a simbu ya litambelo lyamucitatu lya mutanya na litambelo lyamucitatu lya vutsiki.

Kujombolola 9:1

Asinoni kangelo wamucitanu wembile lupembo lwendi lalo. Co njamwene ngongonosi ije yawililile asi kutunda kwilu, co vayanene sapi ya mbulu ije kuyesi naa masima.

Kujombolola 9:13

Asinoni kangelo wamucitanu na umo wembile lupembo lwendi. Co njazivile lijwi lyakutunda ku vimbango viwana vya mutula wa ngolinde unemana ku mesho a Njambi.