Kujombolola 11:12 - Livulu lya Shukulu Kalunga

¹² Asinoni vaje vaka-kwimanena vavali vazivile lijwi lyakama lyakutunda mwilu lyendekele kuli vakevo ngwalyo, “Ijeni kuno kwilu!” Co valondele mwilu mu lishelwa oku vitozi vavo vanavakengelela.

Kujombolola 11:12 Iomraidhean Croise

2 Vimyene 2:1

Simbu yetele ngeci Shukulu Kalunga atwale Elinja mwilu mu kakundu-kundu. Elinja na Elisha vatundile ku Ngilingale,

2 Vimyene 2:11

Vakele nakusimutwiya oku valinakwenda, co vwasi-vwasi kwezile litemba lya tuhya lije livakokele tuvalu va tuhya, co Elinja vamutwalele mwilu na kakundu-kundu.

2 Vimyene 2:5

Co mbunga ya vaka-kwimanena vaje vakele mu Yeliko vaile kuli Elisha vamwihwile ngwavo, “Yove wazivuka ngeci ku litangwa lya lelo Shukulu Kalunga ambata shukulu yove nakumutwala ndi?” Elisha wakumbulwile ngwendi, “Eyo, njazivuka. Oloni olokeni kuluu.”

2 Vimyene 2:7

vaka-kwimanena makumi atanu vavakavele ku Ndonga ya Yondau. Elinja na Elisha vemanene ku ngenge ya ndonga, co vaje vaka-kwimanena makumi atanu vemanene alyala kamandondo.

Myaso 112:10

Vaka-vuvi vakacimona, co vakaviilila, vakalishumanga ku mayo nakunyonga, co kuvakatambula vyuma vije vashakele.

Myaso 15:1

Iyajo akakala mu Njuvo yove Shukulu Kalunga? Iyajo akalemesela a Siyone lilundu lyove lyakujela?

Myaso 24:3

Veyajo vakalamata ku lilundu lya Shukulu Kalunga? Veyajo vanapande kwimana mu Njuvo yendi yakujela?

Myaso 86:17

Njimwese vuvwa vwove Shukulu Kalunga, ngeci vaje vanjizinda vakazive shwamwa, omo vamona ngeci yove unanjikwasa nakunjizembeleka.

Kutuuka 14:25

Mavalo a makalu avo atomenene, ngeci vakevo vakele mu vukalu. Co vaka-Ingito vendekele ngwavo, “Tusezeni ava vanu Shukulu Kalunga alinakuvalwilako, co alinakulwisa yetu.”

Isaya 14:13

Wakele na cizango cakuya mwilu nakwaka litanda lyove akamwa ya vingongonosi vya akamwa. Wayongwele ngwove ukatumbama ngwe mwene a munkinda wa ku kunto kuje kuvakalikungulwila vinjambi.

Isaya 40:31

Oloni vaje vakulaela kuli Shukulu Kalunga mukuvakwasa, vakawana nzili yaiha. Vakapulula a mambava ngwe vingonga, vakashatuka oloni kuvakajuka, vakenda oloni kuvakazeye.”

Isaya 60:8

Mato avikajo awa alinakupekumuka ngwe mashelwa? Ngwe tutela vaje veluka ku mashwa avo?

Malakiya 3:18

Asinoni mukamona kwangunuka akati ka vaka-vushunga na vaka-vuvi, na akati ka vaje vaka-kupangela Njambi na vaje kuvesi kumupangela.”

Luka 16:23

Ikeye wakele mu tuyando twakama mu Mbulu ya Tuhya, co wakengele kwilu, wamwene Avilahama ali kulyala, na Lazalu ali ku mati yendi.

Vilinga vya Miluwa 1:9

Omo vamanesele kwendeka vyuma evi, vamutwalele mwilu oku vamukengelela, co lishelwa lyamufwikile kuvamumwene.

1 Tesalonika 4:17

asinoni yetu tucili nakuyoya a simbu ije vakatukungulwila amo navo mu mashelwa nakuliwana na Mwene a mukambwila. Co tukakala amo na Mwene simbu yoshe.

Kujombolola 12:5

Asinoni uje munakazi wakitile mwana wa munalume, uje akashika miyati yoshe ya vanu na mulamu wa cikuvo. Oloni mwana vamuteweselele kulyala nakumutwala kuli Njambi na ku litanda lyendi.

Kujombolola 3:21

Kuli vaje vahyana, njikavana moko yakutumbama kuyehi nange a litanda lyange, ngwe omo yange njahyanene, co ololo njinatumbama kuyehi na Tate a litanda lyendi.

Kujombolola 4:1

Munima yevi njakele na cimona cikwavo, co njamwene cikolo cakushokoloka mwilu. Co lijwi lya cililimo lyakulifwa ngwe lupembo, lijwi lije njazivile lyendekele kuli yange akulivanga, lyendekele ngwalyo, “Ija kuno kwilu, co njikakumwesa vyuma vikasholoka munima yevi.”