Kujombolola 11:10 - Livulu lya Shukulu Kalunga

¹⁰ Vanu vaka-asi vakajolela a kutsa kwa ava vanu vavali, vakalisamba nakutumisa mavwana kuli umo na mukwavo, omwo vaje vaka-kwimanena vavali vanenele tuyando twakama manene a vanu va ano asi.

Kujombolola 11:10 Iomraidhean Croise

1 Vimyene 18:17

Omo Ahave wamwene Elinja, co wendekele kuli ikeye ngwendi, “Kuma yove ou, muka-kuyandesa manene mu Isalele!”

1 Vimyene 21:20

Omo Ahave wamwene Elinja, wendekele ngwendi, “Wanjiwana oni citozi cange?” Elinja wakumbulwile ngwendi, “Eyo, njakuwana. Yove wakakateya kulinga vije vya vunyengwe ku mesho a Shukulu Kalunga.

1 Vimyene 22:18

Ahave wendekele kuli Njosefati ngwendi, “Kunjakulekele ngwange munu ou kesi kwambulula vuka-kwimanena vwavuvwa kuli yange, oloni vwavuvi lika!”

1 Vimyene 22:8

Ahave wamukumbulwile ngwendi, “Kwali, Mikaya muna Imela. Oloni yange njamuzinda omwo ikeye simbu yoshe kesi kwambulwila vuka-kwimanena vwavuvwa ali yange, oloni vwavuvi lika.” Njosefati wamukumbulwile ngwendi, “Mwene kapandele kwendeka ngacije embwe!”

Myaso 13:4

Kesi utave vitozi vange vendeke ngwavo, “Tunamufungulula” Kesi utave ngeci vavwaelele omwo njili mu tuyando.

Myaso 35:19

Kesi utave vitozi vange vanjijole omwo kashwilo kai, kesi utave vaje vananjizindi ngoco valinyateye na mesho.

Myaso 89:42

Unaana kuhyana kuli vitozi vendi, co voshe valinakuvwaelela.

Visimo 24:17

Kesi uvwaelele omo citozi cove ali mu vukalu, co lalo kesi ujolele omo citozi cove atanuka.

Njelemiya 38:4

Asinoni vamyata vaile kuli mwene nakwendeka ngwavo, “Njelemiya vanapande kumutsiya, omwo akwendeka kwendi ngeci alinakujujwisa mashwalale va mu nganda, co alinakulinga cuma cimolika kuli munu na munu uje nasala mu nganda. Njelemiya kesi nakukwasa vanu, oloni ashaka lika kuvavavalesa ku vimbunge.”

Njelemiya 50:11

Shukulu Kalunga alinakwendeka ngwendi, “Vanu va Mbambilone, yeni mwapukwile vanu vange. Yeni munavwaelela nakujolela, mulinakwendangana ngwe ngombe wa lwavo alinakujungula vimbuto, nambe ngwe kavalu alinakwoya,

Ovandiya 1:12

Yeni kumwapandele kulyalesa, a tuyando twa vandolome veni vali mu Yunda. Kumwapandele kuvwaelela, a litangwa lyakuvanyongesa. Kumwapandele kuvajola a tuyando twavo.

Mika 7:8

Vitozi vetu, kesi muvwaelele omwo tuyando twetu! Twasa kuwa, oloni tukenduka lalo, twasa kutumbama mu lisusulungu, oloni Shukulu Kalunga atwana ceke.

Mateo 10:22

Co vanu voshe vakamizinda omwo lizina lyange. Oloni uje akakateya nakweta ku shongo akovoka.

Yowano 16:20

Mwa vushunga njimileka ngwange, mukalila nakusikoka manene, oloni vaka-kaye vakajolela, mukakala na vusiwa, oloni vusiwa vweni vukatenguluka kupwa kujolela.

Yowano 7:7

Vaka-kaye kuvasa kumizinda, oloni vazinda yange, omwo njilinakuvaleka ngwange vingila vyavo vinapu vyavivi.

Vilinga vya Miluwa 5:33

Omo vaje vaka-Munga vazivile vyuma evi, valuvalele manene vashakele ngeci vatsiye miluwa.

1 Kolinte 13:6

cizemo kucesi kujolela vuvi, oloni cijolela vushunga.

Kujombolola 12:13

Omo uje canza-ngombe wamwene ngeci vanamumbila ano asi, co washangumukile kukava uje munakazi wakitile mwana wa munalume.

Kujombolola 13:14

Co wakwisile vanu voshe va ano asi mukulinga vizivukiso na vikomokeso vije vamutavesele kulinga ku mesho a uje cikashama wakulivanga. Uje cikashama wamucivali walekele vanu voshe va ano asi kumunga cifwa ca kamponya kusingimika cikashama uje vavulumwine na moko ya mukwale oloni wayoyele lalo.

Kujombolola 13:8

Vanu voshe vakala ano asi vakamulemesa, kuvanga lika vaje mazina avo vawasonekele simbu kanda vatange kaye mu livulu lya mwonyo lya Muna Manga uje ivatsiile.

Kujombolola 16:10

Asinoni kangelo wamucitanu wetilile lilonga lyendi a litanda lya uje cikashama. Co lisusulungu lyawililile akamwa ya vumwene vwa uje cikashama, co vanu valishumangele malimi avo omwo kuvavala kwavo,

Kujombolola 3:10

Omwo unanyungu lijwi lyange nakupwa muka-kusimpa, co lalo njikakunyunga a simbu ya tuyando tuje tulinakwija mu kaye koshe nakweseka vanu voshe va ano asi.