Kujombolola 10:4 - Livulu lya Shukulu Kalunga

⁴ Vwasi-vwasi omo vikeyo vyendekele, aje vene njashakele kusoneka, oloni njazivile lijwi lyendeka kutunda mwilu ngwalyo, “Nyunga mu mbunge yove lika vije viinendeka evi vililimo vitanu na vivali, kesi uvisoneke!”

Kujombolola 10:4 Iomraidhean Croise

Isaya 29:11

Kulumbunuka kwa vimona vyoshe vya vuka-kwimanena kunapu kwakushweka kuli yeni, kunapu ngwe livulu lyakushoka na kasateso. Nga ulitwala ku munu umo uje azivuka kulava nakumwihula ngwove lavamo, co ikeye ngwendi, “kunjasa kulilava omwo vanalishoko na kasateso.”

Isaya 8:1

Shukulu Kalunga wendekele kuli yange ngwendi, “Nona citale cakama usonekeo malaka akama ngwove, ‘Mahele Shalale Hashe Mbaze.’

Isaya 8:16

Yeni vandongisi vange, munapande kunyanyama nakunyunga majwi aje ananjana Njambi.

Ndanyele 12:4

Co wendekele kuli yange ngwendi, “Ololo, Ndanyele zenga lipapelo nakwakao cisateso noo simbu ya kaye ikahwa. A simbu ije, vanu vavangi vakaya noku-noku mukweseka kuzivisisa vije vilinakulingiwa.”

Ndanyele 12:9

Co wanjikumbulwile ngwendi, “Ndanyele, ololo wasa kuya, omwo majwi awa unapande kuwanyunga nakuwashweka mu mbunge yove noo akukotoka.

Ndanyele 8:26

Cimona cakukombelela ca cingwezi na mutondo civanakulumbunwina cikapwa ca vushunga. Oloni unapande kucinyunga mu mbunge yove, omo kukaita myaka yaingi simbu kanda cipwe ca vushunga.”

Kwituluka mu Mashiko 29:29

“Vyuma vya vushweke vyapwa vya Shukulu Kalunga Njambi yetu, oloni najombolola Mashiko endi, ngeci yetu na vatekulwila vetu tuwononoke nakuwanyunga ku myaka yoshe.

Kujombolola 1:11

Lyendekele ngwalyo, “Soneka vyoshe vije umona, co tuma livulu ku vikungulukilo evi vili mu vinganda vitanu na vivali, Efeso na Simina na Pelengamu na Tiyatila na Salendisiya na Filandelufiya na Laondisiya.”

Kujombolola 1:19

Ngecivene, soneka vyuma vyoshe vije umona, vyoshe vyuma vije viliko ololo, na vyuma vije vikakalako kulutwe munima yevi.

Kujombolola 10:8

Asinoni lijwi lije njazivile lyakutunda mwilu lyendekele kuli yange lalo ngwalyo, “Ya ukanone lije livulu lyakuzenga lyakufukuka lije lili mu livoko lya uje kangelo nemana a mema a kalunga na a nunda.”

Kujombolola 22:10

Co wendekele kuli yange ngwendi, “Kesi upwise cisin̄iko majwi a vuka-kwimanena a mu livulu eli, omwo simbu ili muyehi omo vyuma vyoshe evi vikalingiwa.