Kujombolola 1:8 - Livulu lya Shukulu Kalunga

⁸ “Yange wakulivanga na muka-kukotokela,” mwanendeka Shukulu Kalunga Njambi Muka-nzili yoshe, uje aliko na uje wakeleko na uje akaija.

Kujombolola 1:8 Iomraidhean Croise

Kushangumuka 17:1

Omo Avilama wakele na myaka makumi atanu na awana na myaka itanu na iwana, Shukulu Kalunga washolokele kuli ikeye nakwendeka ngwendi, “Yange Njambi Muka-nzili yoshe, nga unjononoka nakulinga mwamuvwa simbu yoshe,

Kushangumuka 28:3

Njambi Muka-nzili yoshe akavezikise vulo vwove nakukwana vana vavangi, ngeci ukapwe cisemi ca miyati yaingi!

Kushangumuka 35:11

Co Njambi wendekele kuli ikeye ngwendi, “Yange Njambi Muka-nzili yoshe. Semunwina mukatume, muli yove mukatunda miyati yaingi, co ukapwa kukulwila ya vimyene.

Kushangumuka 43:14

Njilomba Njambi Muka-nzili yoshe ngeci owo munalume akamizivileko mema ku mbunge, akamyane ndolome yeni mukwavo amo na Mbenjemani. Nga njijeneka vana vange, co nange njinavindama vene.”

Kushangumuka 48:3

Yakomba wendekele kuli Yosefa ngwendi, “Njambi Muka-nzili yoshe walisholwele kuli yange ku Luze mu lifuti lya Kanana, nakunjivezikisa.

Kushangumuka 49:25

Ikeye Njambi ya vaishweni, ou alinakumikwasa, Njambi Muka-nzili yoshe, ou alinakumivezikisa na vivezikiso vya nyonzi ilinakutunda kwilu na mema akulova alinakutunda mwisi ya livu, na vivezikiso vya vimuna vavangi na vanike.

Kutuuka 3:14

Njambi wendekele kuli Mosesa ngwendi, “Yange Ou Njapwa Munjapwa. Omu mukemwo muukendeka navo ngwove, ‘Njapwa, ikeye nanjitumu kuli yeni.’ ”

Kutuuka 6:3

Yange njalisholwele kuli Avilahama, na kuli Isake, na kuli Yakomba, ngwe Njambi Muka-nzili yoshe, oloni lizina lyange lya Kalunga kuvalizivukile.

Isaya 41:4

Iyajo akalingisa vyuma evi? Iyajo akendesa vyuma tunde ku san̄ulu? Yange Shukulu Kalunga, njakeleko avushangumukilo, co lalo njikakalako a mamaneselelo.

Isaya 43:10

“Vanu va Isalele, yeni munapu mu vakaleo vange, njakwangwile kupwa ngamba yange, njishaka ngeci unjizivuke nakunjikulaela, nakuzivisisa ngeci yange lika njapwa nji Njambi. Kukwesi weka lalo njambi, kukwakele njambi weka lalo wai, co kakakalako lalo.

Isaya 44:6

Shukulu Kalunga, Muka-nzili yoshe uje washwana nakunyunga Isalele, alinakwendeka ngwendi, “Yange wakulivanga na mamaneselelo, yange ange lika nji Njambi, kukwesi njambi weka lalo wai, kuvanga yange lika.

Isaya 48:12

Shukulu Kalunga alinakwendeka ngwendi, “Njitolilileni, yeni vaIsalele, vanu vaje vanjinasana! Yange njapwa Njambi, wakulivanga na mamaneselelo, Njambi umolika!

Isaya 9:6

Omwo kuli yetu kunasemuka mbututu! Vanatwana mwana wa munalume! Co akapwa muka-kutushwana. Vakamutumbula ngwavo, “Muka-kunangula Wakukomokesa.” “Njambi Muka-nzili yoshe” “Tate wa ku Myaka Yoshe.” “Mwene wa Kwoloka.”

Kulava 24:4

uje asa kuziva vije vyalinakwendeka Njambi. Uje amona nakutungukwa cimona ca Njambi Muka-nzili yoshe. Uje awila asi ngwe natsi kavela-vela, oloni mesho endi natono amona vyoshe.

2 Kolinte 6:18

Njikapwa nji ishweni, co yeni mukapwa vana vange va vanalume na ava va vanakazi, mwanendeka Shukulu Kalunga Muka-nzili yoshe.”

Kujombolola 1:11

Lyendekele ngwalyo, “Soneka vyoshe vije umona, co tuma livulu ku vikungulukilo evi vili mu vinganda vitanu na vivali, Efeso na Simina na Pelengamu na Tiyatila na Salendisiya na Filandelufiya na Laondisiya.”

Kujombolola 1:17

Omo njamumwene, njawililile ku myanja yendi ngwe munu wa kutsa. Co wakambekele livoko lyendi lya cilyo ali yange, co wendekele ngwendi, “Kesi uzive lyova! Yange wakulivanga na wakukotokela.

Kujombolola 1:4

Viindu vyakutunda kuli Yowano vyakutuma ku vikungulukilo vije vitanu na vivali vya mu lifuti lya Asiya. Kutetela na kwoloka vyakutunda kuli Njambi ou aliko na uje wakeleko, co na uje akaija, vipwe vyeni, co vinatundu lalo kuli minzinzime ije itanu na ivali ili kulutwe lwa litanda lyendi,

Kujombolola 11:17

ngwavo, “Shukulu Kalunga Njambi Muka-nzili yoshe, uje aliko, uje wakeleko! Tukukandelela omwo unatambula nzili yove yakama, co unashangumuka kushwana!

Kujombolola 15:3

co vakele nakwimba mwaso wa Mosesa, ngamba ya Njambi, na mwaso wa Muna Manga ngwavo, “Njambi Muka-nzili yoshe, vilinga vyove vinapu vyakama vyakukomokesa! Mwene wa miyati ya vanu, vilinga vyove vyapwa vyavivwa na vushunga!

Kujombolola 16:14

Vakevo vanapu minzinzime yakujwala ije ikalingi vizivukiso. Eyi minzinzime itatu ikayi kuli vimyene va ano a kaye oshe nakuvakungulwila amo lika ku nzita a Litangwa lyakama lya Njambi Muka-nzili yoshe.

Kujombolola 16:7

Asinoni njazivile lijwi lyatundile ku mutula lyendekele ngwalyo, “Shukulu Kalunga Njambi Muka-nzili yoshe! Kusompa kwove kunapu kwa vushunga na vuvwa!”

Kujombolola 19:15

Co moko ya mukwale yatuukile mu kanwa kendi, ikeyo yakafungulula nayo miyati. Ikeye akavashwana na mulamu wa cikuvo, co akakamuna vinyu mu cikamwino ca vinyu ca vukalu vwa Njambi Muka-nzili yoshe.

Kujombolola 19:6

Asinoni njazivile lijwi lyakama ngwe lya mbunga, lyakufwa ngwe kukuma kwa cipupa ca mema, lyakufwa ngwe mikalateto ya mihyato. Co njazivile vendeka ngwavo, “Shangazaleni Njambi! Omwo Shukulu Kalunga Njambi yetu Muka-nzili yoshe, ikeye wapwa Mwene!

Kujombolola 2:8

“Kuli kangelo wa ku cikungulukilo ca mu Simina soneka ngwove, “Eli likelyo lijwi lyatundu kuli uje wakulivanga nakukotokela, uje watsile, co lalo wayoyele.

Kujombolola 21:22

Co kunjamwene Njuvo ya Shukulu Kalunga mu nganda, omwo Shukulu Kalunga Njambi Muka-nzili yoshe na Muna Manga vapwa Njuvo yamwo.

Kujombolola 21:6

Co wendekele ngwendi, “Vyalingiwa laja! Yange wakulivanga na muka-kukotekela, vushangumukilo na mamaneselelo. Njikana mema a vwana mu lisima lya kavwelu-vwelu lya mwonyo kuli woshe uje ali na lihwila.

Kujombolola 22:13

Yange wakulivanga na muka-kukotokela, vushangumukilo na mamaneselelo.”

Kujombolola 4:8

Umo na umo wa vaje vikashama vawana vakuyoya wakele na mambava atanu na limo, co oshe akele na mesho, mukati na anja. Vakevo kuvalikelele kwimba vutsiki na mutanya ngwavo, “Wakujela, wakujela, wakujela, ikeye Shukulu Kalunga Njambi Muka-nzili yoshe, uje wakeleko, uje aliko, na uje akaija.”