Kujombolola 1:3 - Livulu lya Shukulu Kalunga

³ Kuvwaelela kuli uje alinakulava eli livulu, co lalo kuvwaelela kuli vaje vatolilila ku majwi a muzimbu wa vuka-kwimanena nakwononoka vije vivanasoneka mu livulu eli! Omwo simbu ili muyehi omo vyoshe evi vikalingiwa.

Kujombolola 1:3 Iomraidhean Croise

Visimo 8:34

Navezika munu uje atolilila kuli yange, munu uje atumbama ku cikolo cange, a litangwa na litangwa, munu uje avandamena ku cikolo ca ku njuvo yange.

Njelemiya 51:61

Njalekele Selaya ngwange, “Omo uketa ku Mbambilone, unapande kukalavela vanu vyuma vyoshe vije vili omu mu livulu.

Mateo 24:15

“Ngecivene, mukamona Cimweso ca Vunyengwe cije cendekele Ndanyele cinemana mu mwela wakujela.” (Yove ulinakulava zivisisa muvinalumbunukila!)

Luka 11:28

Oloni Yesu wamukumbulwile ngwendi, “Oloni vanavezika vaje vaziva lijwi lya Njambi nakulyononoka!”

Loma 13:11

Yeni munapande kulinga ngacije, omwo mwazivuka ngweni simbu inete ngeci mwinduke mu tulo. Omwo simbu yakutwamena ili kuyehi kutuvakana muje muyakele omo twakulaelele akulivanga.

Loma 13:12

Vutsiki ololo vukya, litangwa ololo lituuka. Tulikeleni kulinga vyuma vije vyakundama ku lisusulungu, co twambateni vitwa vyakulwa navyo mu mutanya.

1 Petulu 4:7

Kukotoka kwa vyuma vyoshe kuli muyehi. Munapande kulinyunga nakukengelela, ngeci mwase kulombela.

2 Petulu 3:8

Oloni kesi mwivale cuma cimo vasamba vange vanjazema! Ku mesho a Mwene litangwa limo linapu ngwe myaka yakupwa 1,000, co myaka yakupwa 1,000 kuli ikeye inapu litangwa limo.

Kujombolola 22:10

Co wendekele kuli yange ngwendi, “Kesi upwise cisin̄iko majwi a vuka-kwimanena a mu livulu eli, omwo simbu ili muyehi omo vyuma vyoshe evi vikalingiwa.

Kujombolola 22:12

Yesu alinakwendeka ngwendi, “Tolilileni! Njilinakwija vwasi! Njilinakwija na cikandelela cakwana kuli munu na munu ngwe ku vilinga vyendi.

Kujombolola 22:20

Uje ana vukaleo vwendi ku vyoshe evi endeka ngwendi, “Mwa vushunga vene! Njilinakwija vwasi!” Mukemwo vene cipwemo. Ija, Mwene Yesu!

Kujombolola 3:11

Njilinakwija vwasi-vwasi. Nyunga mwamuvwa vije viwulinavyo, ngeci kesi kukale umo akunyeke cilongo cove cakuhyana.