Kujombolola 1:17 - Livulu lya Shukulu Kalunga

¹⁷ Omo njamumwene, njawililile ku myanja yendi ngwe munu wa kutsa. Co wakambekele livoko lyendi lya cilyo ali yange, co wendekele ngwendi, “Kesi uzive lyova! Yange wakulivanga na wakukotokela.

Kujombolola 1:17 Iomraidhean Croise

Kushangumuka 15:1

Munima yevi, Shukulu Kalunga wendekele kuli Avilama mu cimona ngwendi, “Kesi uzive lyova Avilama. Yange nji ntelo yove yakukuzikinina ku vushonde, co cikandelela cove cikapwa cakama manene.”

Myaso 139:5

Yove wanjizengeleka ku mitambela yoshe, co lalo ukanjinyungu na nzili yove.

Kutuuka 14:13

Mosesa wavakumbulwile ngwendi, “Kesi muzive lyova! Simpeni lika, mukamona evi vyakalinga Shukulu Kalunga mukumyamena ku litangwa lya lelo, ava vaka-Ingito kumukasa kuvamona lalo.

Kutuuka 20:20

Co Mosesa wavakumbulwile ngwendi, “Kesi muzive lyova, Njambi naija lika nakumilingisa ngeci mutwaleleo kumukomoka kesi mukalinge vuvi.”

Kutuuka 3:6

Co wendekele lalo ngwendi, “Yange Njambi ya vakukulwila vove, Njambi ya Avilahama na Isake na Yakomba.” Co Mosesa wafwikile ku mesho endi omwo wakele na lyova lya kukenga kuli Njambi.

Isaya 41:10

Kesi muzive lyova, yange njili neni amo! Kesi mujaje, yange Njambi yeni! Njikamitakamesa nakumikwasa, njikaminyunga nakumyamena.

Isaya 41:4

Iyajo akalingisa vyuma evi? Iyajo akendesa vyuma tunde ku san̄ulu? Yange Shukulu Kalunga, njakeleko avushangumukilo, co lalo njikakalako a mamaneselelo.

Isaya 44:6

Shukulu Kalunga, Muka-nzili yoshe uje washwana nakunyunga Isalele, alinakwendeka ngwendi, “Yange wakulivanga na mamaneselelo, yange ange lika nji Njambi, kukwesi njambi weka lalo wai, kuvanga yange lika.

Isaya 48:12

Shukulu Kalunga alinakwendeka ngwendi, “Njitolilileni, yeni vaIsalele, vanu vaje vanjinasana! Yange njapwa Njambi, wakulivanga na mamaneselelo, Njambi umolika!

Mbimbi 3:57

Wanjikumbulwile nakunjileka ngeci kesi njizive lyova.

Ezekiyele 1:28

co cije ceke cakele na mivembe ya cifwa ca nkongolo. Eci cikeco ceke cakuvyazima cije cisholola vumpau vwa Shukulu Kalunga.

Ndanyele 10:12

Asinoni wendekele ngwendi, “Ndanyele, kesi uzive lyova. Njambi nazivi malombelo ove kutunda a litangwa lyakulivanga lije wayongwele kulikeesa ngeci wase kuzivisisa. Yange njinaija mukukumbulula ku lilombelo lyove.

Ndanyele 10:15

Omo wakele nakwendeka majwi awa kuli yange, co njakengele asi kunjasele kwendeka.

Hambakuke 3:16

Njazivi vyoshe evi, co njijaja, mbunge yange itumbuka omwo lyova. Muvila wange ushinuka, co mendi ange ajaja mu mavuli. Njikasimpa nakuvandamena simbu ngeci yete, omo Njambi akanyanyamesa vaje vakatulwisa.

Mateo 14:27

Oloni Yesu wendekele navo ngwendi, “Simpeni! Yange, kesi muzive lyova!”

Mateo 28:4

Co vaje mashwalale vaka-kunyungako vazivile lyova nakujaja, co vatsile nzanza-vuta.

Mateo 28:5

Oloni uje kangelo wendekele kuli vaje vanakazi ngwendi, “Kesi muzive lyova. Omwo njinazivuka ngwange mushakezeka Yesu, uje ivashukikile a cilindakano.

Yowano 13:23

Umo wa vandongisi vendi, uje yazemene Yesu, watumbamene ku nyonga ya Yesu.

Yowano 21:20

Petulu watengulukile wakengele munima yendi wamwene ndongisi mukwavo, uje yazemene Yesu, uje wajendamenene ali Yesu a simbu yakulya, co wamwihwile ngwendi, “Mwene, iyajo akakwenda vungungu?”

Kujombolola 1:11

Lyendekele ngwalyo, “Soneka vyoshe vije umona, co tuma livulu ku vikungulukilo evi vili mu vinganda vitanu na vivali, Efeso na Simina na Pelengamu na Tiyatila na Salendisiya na Filandelufiya na Laondisiya.”

Kujombolola 1:4

Viindu vyakutunda kuli Yowano vyakutuma ku vikungulukilo vije vitanu na vivali vya mu lifuti lya Asiya. Kutetela na kwoloka vyakutunda kuli Njambi ou aliko na uje wakeleko, co na uje akaija, vipwe vyeni, co vinatundu lalo kuli minzinzime ije itanu na ivali ili kulutwe lwa litanda lyendi,

Kujombolola 1:8

“Yange wakulivanga na muka-kukotokela,” mwanendeka Shukulu Kalunga Njambi Muka-nzili yoshe, uje aliko na uje wakeleko na uje akaija.

Kujombolola 2:8

“Kuli kangelo wa ku cikungulukilo ca mu Simina soneka ngwove, “Eli likelyo lijwi lyatundu kuli uje wakulivanga nakukotokela, uje watsile, co lalo wayoyele.

Kujombolola 22:13

Yange wakulivanga na muka-kukotokela, vushangumukilo na mamaneselelo.”