Kujombolola 1:15 - Livulu lya Shukulu Kalunga

¹⁵ mendi endi avyazimine ngwe vutale vwa vunengu vucitunda mu lutengo lwakama vuje vwakukwita mufwitilo, na cilumo ca lijwi lyendi califwile ngwe mema a nzili aa cipupa.

Kujombolola 1:15 Iomraidhean Croise

Myaso 93:4

Shukulu Kalunga ikeye muka-kushwana mwilu, ikeye wakama kutuvakana mwakakumu mema a kalunga, Shukulu Kalunga ali na nzili yakama kutuvakana mankimba a mema a kalunga.

Isaya 17:13

Nameme miyati ya vanu valinakushwenya kulutwe ngwe livazi lyakujujwisa, oloni Njambi akashika ngeci veluke, vapekumukila kulyala ngwe likungu lya kumukulo wa munkinda, ngwe cishati cipekumuka na kankumba.

Ezekiyele 1:24

Njazivile muyoyo wa mambava avo omo vapululwile, wafwile ngwe kucuma kwa mema a kalunga, ngwe muyoyo wa mbunga ya mashwalale yakama, ngwe lijwi lya Njambi Muka-nzili yoshe. Omo valikelele kupulula, co vetekele mambava avo,

Ezekiyele 1:7

Mendi avo apwile akushungama zuu, oloni akele na mapondo akulifwa ngwe a ngombe wa nkomba, vavyazimine ngwe vunengu vwakukwita mufwitilo.

Ezekiyele 40:3

Wanjishwenyeseleko kuyehi manene, co njamwene munu uje wavyazimine ngwe vunengu. Wakwatele mukole wakusetekesa wa linyu, na citi cakusetekesa, co wemanene kuyehi na cikolo.

Ezekiyele 43:2

co kuje njamwene vumpau vwa Njambi ya Isalele vwatundililile mu ngangela. Co lijwi lya Njambi lyalumine ngwe cilumo ca mema a kalunga, co asi avyakumine na vumpau vwendi.

Ndanyele 10:6

Muvila wendi wavyazimine ngwe limanya lya seo. Cihanga cendi cavyazimine ngwe muhyato, co mesho endi alengenyene ngwe tuhya tushukuma. Mavoko endi na mendi endi vyavyazimine ngwe vunengu, co lijwi lyendi lyafwile ngwe muyoyo wa mbunga ya vanu vavangi.

Kujombolola 10:1

Asinoni njamwene lalo kangelo mukwavo wa nzili washulukile kutunda mwilu. Wazalele lishelwa na nkongolo yazengelekele mutwe wendi, co cihanga cendi cafwile ngwe litangwa na myanja yendi yafwile ngwe vimanda vya tuhya.

Kujombolola 14:2

Co njazivile lijwi lyatundile mwilu lyakufwa ngwe kukuma kwa mema a cipupa, ngwe mikalateto ya muhyato wakama. Lyafwile ngwe mwaso uvalinakwimba vaka-kwimba a tulyalya twavo.

Kujombolola 19:6

Asinoni njazivile lijwi lyakama ngwe lya mbunga, lyakufwa ngwe kukuma kwa cipupa ca mema, lyakufwa ngwe mikalateto ya mihyato. Co njazivile vendeka ngwavo, “Shangazaleni Njambi! Omwo Shukulu Kalunga Njambi yetu Muka-nzili yoshe, ikeye wapwa Mwene!

Kujombolola 2:18

“Kuli kangelo wa ku cikungulukilo ca mu Tiyatila soneka ngwove, “Eli likelyo lijwi lyatundu kuli Muna Njambi, uje ali na mesho akuvyazima ngwe mulangi wa tuhya, uje ali na mendi akutwa ceke ngwe vunengu vwakukwita mufwitilo.