Kolose 4:2 - Livulu lya Shukulu Kalunga

² Kakateyeni mu malombelo, co pweni vaka-kukengelela omo mulombela, nakukandelela kuli Njambi.

Kolose 4:2 Iomraidhean Croise

Yombi 15:4

Nga unakele mu ngila yove, nga naumo wai nesi kutewa Njambi, co naumo wai nesi kulombela kuli Njambi.

Myaso 109:4

Nambe yange njivazema, oloni vakevo vanjiyeluwisa, oloni yange njikavalombelela.

Mateo 26:41

Toneni nakulombela kutewa mukovela mu vyeseko. Mbunge ishaka vene, oloni muvila unazeye.”

Mako 13:33

Nyanyameni, kengeleleni, omwo kumuzivuka simbu omo ikaija.

Luka 18:1

Yesu wavatelelele cisimo eci cakuvalongesa ngeci simbu yoshe vanapande kulombela nakujeneka kuzeya.

Luka 21:36

Nyanyameni nakulombela simbu yoshe ngeci mukakale na nzili yakuhyana vyoshe vije vikalingiwa nakwimana ku mesho a Muna Munu.”

Vilinga vya Miluwa 1:14

Valikungulwilile amo na cizango cimo mukulombela, amo na vanakazi na Maliya vaina ya Yesu na vishongo vendi.

Loma 12:12

Cinyangavili ceni cimivwaelelese, pweni vaka-lukakateya mu tuyando tweni, co lombeleni simbu yoshe.

Efeso 6:18

Lingeni vyoshe evi mukulombela, lombeni Njambi ngeci amikwase. Lombeleni simbu yoshe ngwe omo Munzinzime amitwamenena. Omwo a cuma eci toneni kesi mujuke, lombeleni visimbu vyoshe ali vanu va Njambi.

Filipu 4:6

Kesi mushote mbunge a cuma cimo, oloni mu malombelo eni oshe lombeni a Njambi a vije munajeneka, simbu yoshe mulombeni na mbunge yakukandelela.

Kolose 1:9

Omwo a cuma eci, simbu yoshe tukamilombelela, tunde aje twazivile vya ali yeni. Tulomba Njambi ngeci amishulise na mana a cizango cendi, na mana oshe nakuzivisisa kwoshe kuje kwanamyana Munzinzime wendi.

Kolose 2:7

Mizi yeni ishalave manene muli ikeye, tungileni myonyo yeni ali ikeye, co pweni vaka-nzili manene mukukulaela kweni, ngwe muje muvamilongesele. Co shuleni nakukandelela.

Kolose 3:15

Kwoloka kwa Kilistu kushwane mu vimbunge vyeni, omwo Njambi wamisanene amolika mu muvila umolika. Co kandeleleniko.

Kolose 3:17

Co vyuma vyoshe mulinga nambe mwendeka, munapande kuvilinga mu lizina lya Mwene Yesu, omo mulinakukandelela Njambi Tate ali ikeye.

Kolose 4:12

Viindu vyeni kuli Epafalase, mukweni umo wakundama ku munga yeni uje napu ngamba ya Kilistu Yesu. Ikeye simbu yoshe akamyanuka mu malombelo endi, nakulomba Njambi ngeci amikolese nakwimana mbe, ngwe vaka-Yesu vanakolo mu vu Yesu, na na mukwononoka kwoshe ku cizango ca Njambi.

1 Petulu 4:7

Kukotoka kwa vyuma vyoshe kuli muyehi. Munapande kulinyunga nakukengelela, ngeci mwase kulombela.

1 Samwele 1:12

Co omo Hana wakele nakulombela kuli Shukulu Kalunga simbu yakama, Eli wamwene ku kanwa kendi.

1 Samwele 12:23

Ngwe ali yange ni, cikale kulyala nange kesi njivulumune kuli Shukulu Kalunga, njilikele kumilombelela. Oloni, njikamilongesa vije vyavivwa vyakushungama.