Kolose 4:17 - Livulu lya Shukulu Kalunga

¹⁷ Co lekeni Acipase ngweni, “Kenga ngwove unamanesa vipangi vije vivakwanene mukupangela Mwene.”

Kolose 4:17 Iomraidhean Croise

2 Mizimbu 29:11

Vana vange, kesi muungumuke embwe. Shukulu Kalunga namyangula ngeci mumwenyekele insense nakutwamenena vanu nakumulemesa.”

VaLevi 10:3

Asinoni Mosesa wendekele kuli Alone ngwendi, “Omu mukemwo mwanendeka Shukulu Kalunga omo wendekele ngwendi, ‘Voshe vanjipangela vanapande kusingimika kujela kwange, njikamwesa vulemu vwa vumpau vwange kuli vanu vange voshe.’ ” Oloni Alone wolokele kuluu.

Kulava 18:5

Yove na vana vove lika mukapanga vipangi vya mu Mwela Wakujela na ku mutula, ngeci vukalu vwange kesi vukasholokele lalo vanu va Isalele.

Mateo 25:17

Mu ngila imo lalo ngamba uje watambwile vimbongo vyakupwa 2,000 waile nakukasekasana, co wawaneneo lalo vimbongo vyakupwa 2,000.

Vilinga vya Miluwa 1:17

Yundasa wapwile wa mu munga yetu, omwo vamwangwile kupwa wa ku vipangi vyetu.”

Vilinga vya Miluwa 14:23

Mu cikungulukilo na cikungulukilo vemikilemo vakulunu, co na malombelo nakulikela kulya vavakundikile kuli Mwene uje vakulaelele.

Vilinga vya Miluwa 20:28

Ngecivene, linyungeni, co lalo nyungeni vutanga vwoshe vuje vwanamyana Munzinzime Wakujela ngeci muvunyunge. Pweni tunyungi va cikungulukilo ca Njambi, cije calilingililile ikeye vavenya a n̄ombelo ya kutsa kwa Munendi.

Efeso 4:11

Ou ikeye uje “waanene vwana kuli vanu”. Wemikile vamo kupwa miluwa, vakwavo kupwa vaka-kwimanena, vakwavo kupwa vaka-kwambulula, vakwavo kupwa tunyungi na valongisi.

1 Timateo 4:14

Kesi wecele vwana vwa munzinzime vuje vuli muli yove, vuje vuvakwanene omo vaka-kwimanena vendekele nomo vakulunu vakambekele mavoko avo ali yove.

1 Timateo 4:16

Linyunge yove vavenya, co lalo ilula vilongesa vyove. Twalao nakulinga vyuma evi, omwo nga yove ulinga vyuma evi, ukalyamena yove vavenya na vaje vakakutolilila.

1 Timateo 4:6

Nga ulongesa vakweni vyuma evi, ukapwa ngamba wamuvwa wa Kilistu Yesu, ulinakulilisa yove vavenya vyuma vya munzinzime a lijwi lyakukulaela nakulongesa kwa vushunga kuje ulinakukavangeya.

1 Timateo 6:20

Ove Timateo, nyunga mwamuvwa vije vanakundika ku vunyungi vwove. Ongoloka visimutwiya vyangoco vya vu Njambi na vimata vya vulema vije vamo vanu vavitumbula mu ngila kesi ikeyo ngwavo “Mana.”

2 Timateo 1:6

Ngecivene, njilinakukwanukisa ngeci uwezeleleko lalo ku vwana vuje vwakwanene Njambi omo njakukambekele mavoko.

2 Timateo 2:2

Tambula vilongesa vije wazivile kuli yange omo njambulwile ku mesho a vakaleo vavangi, co vikundike ku vanu vavavwa, vaje vasa kulongesa vakwavo veka lalo.

Filimoni 1:2

na ku cikungulukilo cije cikakungulukila mu njuvo yove, na kuli ndokazi yetu Afiya, na kuli mukwetu lishwalale Alikipase.