Kolose 4:12 - Livulu lya Shukulu Kalunga

¹² Viindu vyeni kuli Epafalase, mukweni umo wakundama ku munga yeni uje napu ngamba ya Kilistu Yesu. Ikeye simbu yoshe akamyanuka mu malombelo endi, nakulomba Njambi ngeci amikolese nakwimana mbe, ngwe vaka-Yesu vanakolo mu vu Yesu, na na mukwononoka kwoshe ku cizango ca Njambi.

Kolose 4:12 Iomraidhean Croise

Mateo 5:48

Ngecivene, munapande kupwa vakujela ngwe Ishweni ali mwilu wapwa wakujela.

Luka 1:1

Kuli mukwetu Teofilo. Vanu vavangi vanasoneka vukaleo vwa vyuma vije vyalingiwile akati ketu.

Luka 22:44

Co omwo a tuyando twakama walombelele manene, co litukuta lyendi lyafwile ngwe maninga andwekelele asi.

Yowano 12:26

Woshe uje ashaka kunjipangela napande kunjikava, co kuje kunjikakala, kukekwo lalo kwakala ngamba yange. Co Tate akasingimika woshe uje anjipangela.

Loma 15:14

Vakwetu, njamono ngwange mwa vushunga yeni munashulu na vuvwa, munazivisisa manene, co mwasa kulilongesa umo na mukwavo.

Loma 15:30

Njimilambelela vakwetu, ali Mwene yetu Yesu Kilistu na a cizemo ca Munzinzime ngwange, likumbasaneni amo nange mukunjilombelela manene kuli Njambi.

1 Kolinte 14:20

Vasamba vange, kesi mupwe ngwe mu vanike mu viyongola vyeni, pweni ngwe vanike mu vyuma vya vuvi, oloni pweni mu vakulunu mu viyongola vyeni.

1 Kolinte 2:6

Oloni njambulula muzimbu wa mana kuli vaje vanakolo mu munzinzime. Oloni kesi mana aje anakundama muno mu kaye nambe ku vaka-kushwana va kaye kano, vaka-kushwana vaje nzili yavo ilinakuvatunda.

2 Kolinte 13:11

Akumanesa, vakwetu, saleniho! Kakateyeni kulumbunuka, tolilileni kukulambela kwange, kaleni na mbunge imo, kaleni mu kwoloka. Co Njambi muka-cizemo na kwoloka akakala amo neni.

Ngalatiya 1:10

Kuma eci cimwesa ngwe njilinakushaka vanu ngeci vanjishangale ndi Njambi? Indi njishaka kuvwaelelesa vanu ku vimbunge? Nga yange njilinakushaka kuvwaelelesa vanu, kunjapandele kupwa ngamba ya Kilistu.

Ngalatiya 4:19

Vana vange va cizemo! Njiilukilamo lalo, ngwe munakazi ali na mushongo wakukita mwana, njilinakuziva cifwa cimo ca mushongo omwo yeni noo cisemwa ca Kilistu vanacipanga muli yeni.

Kolose 1:22

Oloni ololo, a kutsa kwa Munendi, Njambi namipwisa mu vasamba vendi, ngeci aminene ku mesho endi kupwa vanu vakujela nakulambasa nakujeneka mulonga.

Kolose 1:28

Ngecivene, tulinakwambulula Kilistu kuli vanu voshe. Na mana oshe tulinakuvanangula nakuvalongesa ngeci tunene umo na umo ku mesho a Njambi ngwe vanu vanakolo muli Kilistu.

Kolose 1:29

Akupanga evi njiwundangana nakulwa nakupangesa nzili yoshe ije yalinakunjana Kilistu, co ilinakupanga muli yange.

Kolose 1:7

Mwalilongesele vya kutetela kwa Njambi kuli Epafalase, ngamba mukwetu itwazema, uje napu muka-kupanga wa kulongwa wa Kilistu ku mutambela wetu.

Kolose 1:9

Omwo a cuma eci, simbu yoshe tukamilombelela, tunde aje twazivile vya ali yeni. Tulomba Njambi ngeci amishulise na mana a cizango cendi, na mana oshe nakuzivisisa kwoshe kuje kwanamyana Munzinzime wendi.

Kolose 4:9

Ikeye njinatumu na Onesimasi, ndolome yetu itwazema wa kulongwa, uje wakundama ku munga yeni. Vakevo vakamileka vyuma vyoshe vyalingiwa kuno.

1 Tesalonika 5:23

Njambi uje muka-kutwana kwoloka amipwise vaka-kujela mu vyoshe, co anyunge vunu vweni vwoshe, munzinzime, na mwonyo na muvila, kujeneka milonga yoshe akwija kwa Mwene yetu Yesu Kilistu.

Filimoni 1:23

Epafalase, uje ali nange mu kamenga omwo a lizina lya Kilistu Yesu, natumu viindu kuli yeni,

VaHevelu 5:14

Oloni vyakulya vyakukola vyapwa vya vakulunu, vaje vanalilongesa nakwilula nakwangununa mukati ka vyuma vyavivwa nevi vyavivi.

VaHevelu 5:7

Yesu Mukuyoya kwendi ano asi walombele nakwihula na kutambeka na lijwi lyakama na misozi kuli Njambi, uje wasele kumwamena ku kutsa. Omwo ikeye wapwile muka-kulikeesa na muka-kulyana, Njambi wamuzivile.

Yakomba 1:1

Mukanda wakutunda kuli yange Yakomba, ngamba ya Njambi na Mwene Yesu Kilistu. Viindu kuli vanu voshe va Njambi vaje vanashandokela mu kaye mwoshe.

Yakomba 1:4

Co lukakateya lweni lumyetese na ku shongo kujeneka kwonwa, ngeci mupwe vakujela vamutunu, nakujeneka cuma cimo.

Yakomba 5:16

Ngecivene, litaveleni vivi vyeni kuli umo na mukwavo, co lilombeleleni umo na mukwavo, ngeci vamikangwise. Lilombelo lya munu muka-vushunga lili na nzili manene mukupanga.

2 Petulu 1:1

Mukanda wakutunda kuli yange Simoni Petulu, ngamba na muluwa wa Yesu Kilistu. Njilinakusoneka kuli vaje, a vushunga vwa Njambi yetu na Muyoyesi wetu Yesu Kilistu vanavana kukulaela kwa seo yakama manene ngwe yetu vene.

Yunda 1:24

Co ololo kuli uje asa kuminyunga kutewa mutanuka, nakuminena nakujolela ku vumpau vwendi kujeneka mulonga,