Kolose 3:7 - Livulu lya Shukulu Kalunga

⁷ Co yeni lalo ku simbu imo mwayoyele mu mashungu a cifwa cangacije, omo mwonyo weni wakele mwisi ya nzili yawo.

Kolose 3:7 Iomraidhean Croise

Loma 7:5

Omwo twayoyele mu vusitu, mashungu a vuvi aje Lishiko lyashangumwine akele nakupanga mu mivila yetu, co vyoshe vitwapangele vyatwalele ku kutsa.

1 Kolinte 6:11

Vamo veni mwafwile ngacije. Oloni vanamijelesa ku vuvi, vanamikundika kuli Njambi, vanamipwisa vaka-vushunga ku mesho a Njambi ali Mwene Yesu Kilistu na ali Munzinzime wa Njambi yetu.

Efeso 2:2

A simbu ije mwakavangeyeye vingila vya vuvi vwa ano a kaye, mwononokele ku mwene wa vushwana vwa mu mukambwila, ku munzinzime ou ololo alinakutwamenena vanu vaje kuvesi nakwononoka Njambi.

Kolose 2:13

A simbu imo mwatsile ku munzinzime omwo a vuvi vweni, omwo mwapwile vaje kesi vaYunda vakujeneka Lishiko. Oloni ololo Njambi naminena ku mwonyo muli Kilistu. Njambi watusambesele vivi vyetu vyoshe,

Tito 3:3

Omwo yetu lalo twapwile tu vilema, vaka-kujeneka kwononoka, nakulinga mwamuvi. Twapwile tu vindungo va mashungu na senga yakuliseza-seza. Twombilile simbu yetu mu vyuma vya muuka na nuna, vakwetu vatuzindile, co netu twavazindile.