Kolose 3:5 - Livulu lya Shukulu Kalunga

⁵ Ngecivene, munapande kutsiya mashungu a ano asi aje alinakupanga muli yeni, ngwe vupangala na mazilo na mashungu amavi na cizemo cacivi na cipululu (omwo eci cipululu cikeco cifwa cakulemesa tumponya).

Kolose 3:5 Iomraidhean Croise

Kutuuka 37:22

Ngecivene, mavundungulu na minango, na citumbikilo ca vindeya vyapwile cuma cimolika cakupameyeya na ngolinde yakujela.

Mateo 15:19

Omwo mu mbunge ya munu mukemwo mukatundu viyongola vyavivi, vije vimutwamenena kukutsiya, na ku vupangala, na ku vwizi, na ku kuvangela, na ku makuli, na ku kufweya.

Loma 1:26

Omwo a cuma eci, Njambi navecelela ngeci valinge vyuma vya shwamwa ngwe ku mashungu avo. Nambe vanakazi vanatengulula kulinga vilika na vanalume mu ngila ya cisemwa, oloni valinakuvilinga mu vingila vije kuvyapandelemo.

Loma 1:29

Vanashulu na vyuma vyoshe vya kupenga-penga na vuvi na cipululu na cizindo, vanashulu na cipululu nakutsiya na lwozi na makuli na linyanyamena. Vafweya

Loma 6:13

Nambe vilyo vyeni kesi muvyecele ku vuvi mukuvipangesa mu vyuma vya kupenga-penga. Oloni likundikeni kuli Njambi, ngwe vanu vaje vavanatundisa ku kutsa nakuvatwala ku mwonyo, co kundikeni vilyo vyeni vyoshe kuli Njambi ngeci vavipangese mu vyuma vya vushunga.

Loma 6:6

Co twazivuka ngwetu vunu vwetu vwalaja vavushukikile amo na Kilistu a cilindakano, ngeci muvila wa vuvi vaunyongese, ngeci kesi tupwe lalo tu vindungo va vuvi.

Loma 7:23

Oloni njimona lishiko lyeka lilinakupanga mu muvila wange, lishiko lije lilinakulwisa lishiko lije linjinatava mu mbunge yange. Linanjipwisa cinzinda ca lishiko lya vuvi lije lilinakupanga mu muvila wange.

Loma 7:5

Omwo twayoyele mu vusitu, mashungu a vuvi aje Lishiko lyashangumwine akele nakupanga mu mivila yetu, co vyoshe vitwapangele vyatwalele ku kutsa.

Loma 8:13

Omwo nga muyoyela mu vusitu, co mukatsa vene, oloni nga ali Munzinzime mutsiya vilinga vyeni vyavivi, co mukayoya.

1 Kolinte 5:1

Ololo kunatsimana ngeci akati keni ali vupangala vwakukomokesa vuje nambe vaka-kujeneka kukulaela kuvasa kuvulinga. Omwo vananjileka ngwavo munalume umo alinakulinga vuvi na munakazi wa ishe!

1 Kolinte 6:11

Vamo veni mwafwile ngacije. Oloni vanamijelesa ku vuvi, vanamikundika kuli Njambi, vanamipwisa vaka-vushunga ku mesho a Njambi ali Mwene Yesu Kilistu na ali Munzinzime wa Njambi yetu.

1 Kolinte 6:13

Weka endeka ngwendi, “Vyakulya vyapwa vya lifu, co lifu lyapwa lya vyakulya.” Eyo, oloni Njambi akanyongesa vyoshe vivali. Muvila wa munu kuvapandele kuupangesa ku vupangala, oloni wapwa wakupangela Mwene, co Mwene aana vije vishakiwa ku muvila.

1 Kolinte 6:18

Teweni vupangala. Vuvi vwoshe vwalinga munu kuvuviisa muvila wendi, oloni woshe alinga vupangala alinakuvulumuna muvila wendi.

2 Kolinte 12:21

Njili na lyova ngeci ku simbu ikwavo omo njiija, Njambi yange akanjikeesa ku mesho eni, co njikalila ali vavangi vaje vanalingi vuvi a simbu ya kunima, co kuvatenguluka kutunda ku vupangala na ku vyuma vije vivanalingi.

Ngalatiya 5:24

Co voshe vaje vanakundama kuli Kilistu Yesu vanatsii cisemwa cavo ca vunu na mashungu aco oshe.

Efeso 4:19

Vakevo voshe vanakundwila na shwamwa yai, vanalyecelela nakulyumbila mu vuvi nakulinga vyoshe vya mazilo kujeneka kulikela.

Kolose 2:11

Akukala muli ikeye, yeni vamituwile, kesi nakutuuka kwakulinga kuli vanu embwe, oloni nakutuuka kwakulinga vavenya Kilistu, kukemwo kupatuka kwakutunda ku nzili ya vuvi vwa muvila ou.

1 Tesalonika 4:3

Njambi ashaka ngeci mupwe vakujela nakupatuka ku vupangala.

1 Tesalonika 4:5

kesi na mashungu amavi, ngwe vaka-kujeneka kukulaela vaje kuvazivuka Njambi.

1 Timateo 6:10

Omwo cizemo ca vimbongo cinapu nsina ya miyati yoshe ya vuvi. Vamo vanakele na mashungu a nzili ngeci vakele navyo, mukulinga ngacije vanatundu kukukulaela kwavo, co vanapokola vimbunge vyavo na vusiwa vwavungi.

VaHevelu 12:16

Nyanyameni ngeci naumo wai apwe muka-vupangala nambe muka-mbunge yaivi ngwe Isau, uje walandesele vukulunu vwendi kuli shongo yendi na tuvyakulya twatundondo lika.

VaHevelu 13:4

Vulo vunapande kukala na kasingimiko kuli voshe, vanalume na vanakazi vanapande kupwa vaka-kulikulaela umo na mukwavo. Omwo Njambi akasompa vaka-kulinga vupangala na vukwizi.

VaHevelu 13:5

Kesi mukakateye mu cizemo ca vimbongo, pweni vaka-kujauka na vyuma vije mulinavyo. Omwo Njambi nendeka ngwendi, “Kunjikamiseze nalumo lwai nambe kumivyana.”

Yakomba 4:1

Kulilwisa kwoshe na vimata vyoshe akati keni vilinakutunda kuli? Vilinakutunda ku mashungu eni aje simbu yoshe alinakulwa mu mivila yeni.

1 Petulu 2:11

Vasamba vange, njilinakumilambelela, ngwe vangenzi na vaka-kwendangana mu kaye kano! Kesi mutave ku mashungu a ku muvila, aje simbu yoshe alinakulwa nzita na myonyo yeni.

Kujombolola 21:8

Oloni vaka-lyova na vaka-kujeneka kukulaela na vaka-kulinga vya vunyengwe na vaka-kutsiya na vaka-vupangala na valozi na vaka-kulemesa tumponya na vaka-makuli mwela wavo ukapwa mu lishali lyakwenya na tuhya na sulufa, kukekwo kutsa kwamucivali.”

Kujombolola 22:15

Oloni anja ya nganda ali tutali na valozi na vaka-vupangala na vaka-kutsiya na vaka-kulemesa tumponya na vaka-makuli mu majwi na mu vilinga.