Kolose 3:3 - Livulu lya Shukulu Kalunga

³ Omwo yeni mwatsile, co myonyo yeni vanaishweke amo na Kilistu muli Njambi.

Kolose 3:3 Iomraidhean Croise

Mateo 11:25

A simbu ije vene Yesu wendekele ngwendi, “Njikukandelela yove Tate, Mwene wa lilu na ano asi! Omwo vyuma evi wavishwekele kuli vaka-mana na kuli vaka-kulilongesa, co unavisholola kuli vaka-kujeneka mana.

Yowano 14:19

Oloni mu kasimbu kakandondo lika, co vaka-kaye kuvakanjimono, oloni yeni mukanjimona, omwo njilinakuyoya, neni lalo mukayoya.

Yowano 3:16

Omwo Njambi wazemene vaka-kaye manene ngeci waanene Munendi umolika, ngeci woshe akulaela kuli ikeye kesi anyonge, oloni akale na mwonyo wa myaka yoshe.

Yowano 4:14

oloni woshe anwa ku mema anjikamwana kakazivi lalo lihwila embwe. Mema aje anjikamwana akapwa lisima lya kavwelu-vwelu muli ikeye lije likamwana mema a mwonyo nakumwana mwonyo wa myaka yoshe.”

Yowano 5:21

Ngwe omo Ishe akasangula vatsi nakuvana mwonyo, ngecivene, mu ngila eyi lalo Mwana akana mwonyo kuli vaje ashaka.

Yowano 5:24

“Mwa vushunga njimileka ngwange, woshe aziva majwi ange, co akulaela kuli uje wanjitumine, ali na mwonyo wa myaka yoshe. Kuvakamusompo embwe, oloni natundu ku kutsa nakovela ku mwonyo.

Yowano 5:40

Oloni kumushaka kwija kuli yange ngeci mukale na mwonyo.

Loma 5:10

Omwo twapwile tu vitozi va Njambi, oloni natupwisa vasamba vendi a kutsa kwa Munendi. Ololo omo tunapu vasamba va Njambi, tukovoka a mwonyo wa Kilistu!

Loma 5:21

Ngecivene, ngwe omo vuvi vwashwanene a kutsa, ngeci lalo kutetela kwa Njambi kulinakushwana a vushunga, nakututwamenena ku mwonyo wa myaka yoshe ali Yesu Kilistu Mwene yetu.

Loma 6:11

Mu ngila eyi vene munapande kuliyongola yeni vavenya ngweni munatsi, kwesekesa na vuvi, oloni mulinakuyoya muli Njambi ali Kilistu Yesu.

Loma 6:2

Embwe kesi ngoco! Tunatsi ku vuvi, co vatijo twasa kuyoyelamo?

Loma 8:2

Omwo lishiko lya Munzinzime, lije litunenela mwonyo muli Kilistu Yesu, linanjipatula ku lishiko lya vuvi na kutsa.

1 Kolinte 15:45

Omwo visoneka vyendeka ngwavyo, “Munu wakulivanga Andama, vamutangele munu wakuyoya”, oloni Andama wakukotokela ikeye mukakwana mwonyo wa Munzinzime.

1 Kolinte 2:14

Woshe uje kesi na Munzinzime kasa kutambula mavwana aje atunda kuli Munzinzime wa Njambi. Munu wangacije kasa kuwazivisisa, anapu angoco kuli ikeye, omwo seo yawo vanaiseteka na munzinzime.

2 Kolinte 5:14

Omwo cizemo ca Kilistu cinatushwana, co ololo tunananguka ngeci munalume umo watsililile vanu voshe, eci cinalumbunuka ngeci vanu voshe vanatambula ku kutsa kwendi.

2 Kolinte 5:7

Omwo mwonyo wetu uli akukulaela lika, kesi wakumona na mesho embwe.

Ngalatiya 2:20

Vananjishukika amo na Kilistu, ngecivene, kesi yange lalo njiyoya embwe, oloni Kilistu ikeye ayoya muli yange. Co mwonyo ou njilinakuyoya nawo ololo, njilinakuyoya akukulaela kuli Muna Njambi, uje wanjizemene, co walyanene ikeye vavenya omwo yange.

Efeso 3:9

nakumwesa vanu voshe muje vutumbe vwa cisin̄iko ca Njambi vukalingiwa. Njambi uje Ishamatanga wa vyuma vyoshe, washwekele cisin̄iko cendi ku myaka yoshe ya kunima,

Filipu 4:7

Co kwoloka kwa Njambi, kuje munu naumo wai asa kuzivisisa, cikanyunga vimbunge vyeni na viyongola vyeni mwamuvwa muli Kilistu Yesu.

Kolose 1:5

Omwo lijwi lya vushunga, likelyo Vin̄anda Vyavivwa, lyezile kuli yeni akulivanga, mwazivile a cinyangavili cije lyanene. Ngecivene, kukulaela kweni na cizemo ceni vili a vije munakengelela, vije vanamitulikila mwilu.

Kolose 2:20

Yeni munatsi amo na Kilistu, co vanamipatula kutunda ku minzinzime ije ilinakushwana ano a kaye. Ngecivene, omwo vikajo mulinakuyoya ngwe mwakundama ku kaye kano? Omwo vikajo mucili nakwononoka ku mashiko a cifwa cangacije ngwavo,

Kolose 2:3

Ikeye wapwa sapi yakusholola vufuko vwa Njambi vwakushweka vwa mana na kuzivisisa.

Kolose 3:4

Co mwonyo weni mwa vushunga unapu Kilistu, co omo ikeye akasholola, asinoni neni lalo mukasholoka amo nendi mu vumpau!

VaHevelu 7:25

Co asa kwamena vaje vaija kuli ikeye, omwo ayoya ku myaka yoshe mukuvaakwila.

1 Petulu 3:4

Oloni vuvwa vweni vunapande kupwa vwa vushunga vwa mukati, vuvwa vuje kuvwesi kuvola vwa lyovwa-ovwa na kwoloka kwa munzinzime, eci cikeco ca seo yakama manene ku mesho a Njambi.

1 Petulu 4:2

Ngecivene, kutunda ano kutwala kulutwe, munapande kuyoya yoyesi yeni ya ano asi ku nzili ya vutumbe vwa cizango ca Njambi, kesi ku mashungu a vunu embwe.

1 Yowano 3:2

Vasamba vange vanjazema, yetu ololo tunapu vana va Njambi, oloni kucasholokele mwamuvwa ngeci yetu tukemuka vati. Oloni tunazivuka ngwetu omo Kilistu akasholoka, tukalifwa nendi, omwo tukamumona ngwe muje vene mwaafwa.

Kujombolola 2:17

“Nga uli na matwi, tolilila vije vyalinakwendeka Munzinzime ku vikungulukilo! “Kuli vaje vahyana, njikavana maana yakushweka. Co lalo njikana umo na umo wavo limanya lyakutoka aje vanasoneka lizina lyaliha lije naumo wai alizivuka kuvanga uje vavenya alitambula.