Kolose 3:25 - Livulu lya Shukulu Kalunga

²⁵ Co voshe vaka-kulinga vyavivi vakavafweta ku vyuma vyavivi vije valinakulinga, omwo Njambi akasompa munu na munu mu cifwa cimolika.

Kolose 3:25 Iomraidhean Croise

2 Samwele 14:14

Yetu voshe tukatsa, tunapu ngwe mema akwitikila asi, aje kuvasa kuwakungiya lalo. Njambi ikeye kesi kwilwisila munu mwonyo wendi, oloni mwene asa kuwana ngila yakwilwisa munu ku vunzinda.

2 Mizimbu 19:7

Singimikeni Shukulu Kalunga, sompeni mwamuvwa, omwo Shukulu Kalunga Njambi yetu kesi kutava makuli, nambe civembulu, nambe kutambula lizika-kanwa.”

Yombi 34:19

Ikeye kakemanena ku mutambela wa vaka-kushwana lika embwe, nambe kushangala vaka-kufuka ali vaka-kuutwa embwe, omwo voshe ikeye wavatangele.

Yombi 37:24

Ngecivene, vanu vakamukomoka, ikeye kesi kumbako mbunge, kuli vaje valiyongola vakevo vavenya kupwa vaka-mana.”

VaLevi 19:15

“Kesi mukasompele vulemu omo muvatula milonga. Kesi mukatetele kautu omwo vuutu vwendi, nambe kutewa muka-kufuka omwo kufuka kwendi embwe. Oloni mukasompe vakweni mu vushunga.

Mateo 16:27

Omwo Muna Munu akaija mu vumpau vwa Ishe amo na tungelo twendi, co asinoni akana kuli munu na munu fweto yendi kupwisa ngwe ku vipangi vyendi.

Luka 20:21

Co vaje vaka-kunenga vehwile Yesu ngwavo, “Mulongisi, twazivuka ngwetu yove ukendeka vushunga, co ukalongesa vushunga vwa cizango ca Njambi ali munu kujeneka kulipesa a viyongola vya vanu. Omwo kuwesi kukenga ali munu nambe wapwa wa vulemu nambe kesi wa vulemu.

Vilinga vya Miluwa 10:34

Co Petulu washangumukile kwendeka ngwendi, “Mwa vushunga vene njinamono ngwange Njambi kesi na kahangu.

Loma 2:11

Omwo Njambi akahisi munu woshe na seteko imo.

2 Kolinte 5:10

Omwo yetu voshe tunapande kukasholoka ku cisompeselo ca litanda lya Kilistu, ngeci umo na umo akatambule vije vyanapangele, vyavivwa nambe vyavivi, kupwisa ngwe mukuyoya kwa mwonyo wendi wa mu muvila.

Efeso 6:8

Anukeni ngeci Mwene akafweta munu na munu, nambe ndungo nambe wakupatuka, kupwisa ku vipangi vyendi vyalinakulinga.

Efeso 6:9

Eni vashukulu vavo, lingeni lalo cifwa cimo kuli vindungo veni, co kesi muvashungwiye. Anukeni ngweni yeni na vindungo veni muvavoshe mwakundama kuli Shukulu umolika ali mwilu, uje asompa munu na munu mu cifwa cimolika.

Kwituluka mu Mashiko 1:17

Akusompa kweni, kesi mukakale na kahangu oloni munapande kusompa munu na munu mu cifwa cimolika, apwe iya nambe iya. Co kesi mukakale na lyova ali munu umo embwe, omwo kusompa kwakundama kuli Njambi. Nga mulonga umo unapu waukalu, co uneneni kuli yange, ngeci njikausompe.

Kwituluka mu Mashiko 10:17

Omwo Shukulu Kalunga Njambi yeni ikeye wapwa Njambi ya vinjambi voshe, na Shukulu ya vishukulu voshe, Njambi wakama wakujujwisa. Ikeye Muka-nzili yakukomokesa, kesi na kahangu, co kesi kutambula lizika-kanwa embwe.

Kolose 4:1

Eni vashukulu, lingeni mwamuvwa na vushunga kuli vindungo veni. Anukeni ngweni neni muli na Shukulu.

1 Tesalonika 4:6

Mu cifwa eci vene, naumo wai weni napande kulinga mwamuvi kuli vakwavo vaka-Yesu nambe kuvanyanyamena. Twamilekele laja cuma eci, co twaminangwile na nzili ngwetu Mwene akanyanyamesa vaje voshe valinakulinga ngacije.

2 Tesalonika 1:6

Njambi akalinga vije vyavivwa, co akanena tuyando ali vaje valinakumiyandesa,

Filimoni 1:18

Nga wakulingile mwamuvi, nambe kukumuna cuma cimo kuli yove, co cilavele ku likongo lyange.

VaHevelu 2:2

Vin̄anda vije tungelo valekele vakukulwila vetu vyasholokele vya vushunga, co munu woshe kavikavangeyeye nambe kuvyononoka watambwile cihiso cije camupandele.

1 Petulu 1:17

Mulinakumusana ngweni Tate, omo mulombela kuli Njambi, uje muka-kusompa vanu voshe na seteko imolika, kupwisa ngwe ku vije vyanalingi munu na munu, ngecivene, munapande kumukomoka mukuyoya kweni kwoshe kwa ano asi.

Yunda 1:16

Vanu ava simbu yoshe vaka-kungunguta nakwana mulonga vakwavo, vakakavangeya mashungu avo amavi, vaka-kulishasha nakwendeka majwi a kulyalesa kuli vakwavo ngeci vapange vizango vyavo.