Kolose 3:12 - Livulu lya Shukulu Kalunga

¹² Yeni munapu vanu va Njambi, wamizemene, co wamyangwile kupwa mu vendi. Ngecivene, munapande kuzala lyovwa-ovwa, na ngozi, na kulilumbilisa, na vuvwa na lukakateya.

Kolose 3:12 Iomraidhean Croise

Isaya 42:1

Shukulu Kalunga alinakwendeka ngwendi, “Kengeni ngamba yange uje injinatakamesa, uje injinaangula, muli ikeye njinavwaelela. Njikaka munzinzime wange ali ikeye, co akanena vushunga ku mafuti oshe.

Isaya 45:4

Siluse njakwangula ngeci ukwase ngamba yange Isalele, vanu vaje vanjinaangula. Njinakwana kasingimiko kakama nameme kuunjizivuka.

Isaya 63:15

Shukulu Kalunga, kenga ali yetu oku uli mwilu, mwimbo lyove lya vumpau. Kuma lajoko unatwivala ndi? Nzili yove ilikulijo? Cizemo cove nakutetela vilikulijo? Kesi utuyengule.

Isaya 65:22

Kuvakatungila vakwavo veka vinjuvo, co lalo kuvakakunina vakwavo veka vitungu vya mikolovozi ya vushuka vwa vinyu ngeci valye, vanu vange vanjaangwile vakayoya simbu yakama ngwe miti nakujolela na vipangi vyavo.

Isaya 65:9

Njikavezikisa vanu va Isalele va ku muyati wa Yunda, co vatekulwila vavo, vakafuka lifuti lyange lya minkinda. Vanu vange vakwangula, vaje vanjipangela, vakakala mu lifuti muje.

Njelemiya 31:20

“Isalele, yove wapwa munange injazema manene, wapwa mwana injazema manene kutuvakana. Nameme njishaka kukunyanyamesa, anga vene njikuyongola. Mbunge yange ikushaka manene, co njikakuzivila mema ku mbunge.

Njelemiya 31:3

njasholokele kuli vakevo alyala. Vanu va Isalele, simbu yoshe njamizema, ngecivene, simbu yoshe njikamwesa cizemo cange cije kucesi kutenguluka.

Ezekiyele 16:8

“Co omo njetile kuli yove lalo, njamwene ngeci simbu yove inete yakukala na cizemo. Njakufwikile na kazaku kange, co njakulaesele kukuzema. Eyo, njalikumiiye nove cikumiiyo ca vulo, co yove wapwile u wange.” Evi vikevyo vyanendeka Shukulu Kalunga wa Akamwa ya Vyoshe.

Mateo 24:22

Co nga Njambi kaakeesele matangwa aje, nga munu naumo wai akovoka. Oloni naakeesa omwo vanu vendi vaje vaangwile.

Mateo 24:24

Omwo kukasholoka vaKuvwavesa va makuli na vaka-kwimanena va makuli, vakamwesa vizivukiso na vikomokeso vyakama, ngecivene, vakatangule nameme vaje vavaangwile kuli Njambi nga citava.

Mateo 24:31

Co lupembo lwakama lukaimba, co akatuma tungelo twendi ku vimbango viwana vya ano asi, co vakakungulula vanu vendi vaje vaangwile kutunda ku shongo imo ya kaye nakweta ku shongo ikwavo ya kaye.

Mako 13:20

Co nga Shukulu Kalunga kakeesele matangwa aje, nga munu naumo wai akovoka. Oloni naakeesa omwo vanu vendi vaje vaangwile.

Mako 13:22

Omwo kukasholoka vaKuvwavesa va makuli na vaka-kwimanena va makuli vakamwesa vizivukiso na vikomokeso vyakama, vakatangule nga citava nameme vaje vavaangwile kuli Njambi.

Mako 13:27

Co akatuma tungelo ku vimbango viwana vya ano asi, co vakakungulula vanu va Njambi vaje vaangwile kutunda ku shongo imo ya kaye nakweta ku shongo ikwavo ya kaye.

Luka 1:78

Njambi yetu wakala na mema ku mbunge. Akatuwisa ceke cakutwamena a mungulungengu ngeci citwe ali yetu,

Luka 18:7

Kuma Njambi kasa kwakula mu vushunga kuli vanu vendi vaje valinakulilila kuli ikeye vutsiki na mutanya ngeci avakwase? Kuma ngweni akeshwala mukuvakwasa ndi?

Loma 1:7

Ngecivene, njilinakusonekela kuli yeni voshe muli mu Loma vaje vaazema Njambi nakumisana ngeci mupwe mu vanu vendi. Njambi Tatetu na Mwene Yesu Kilistu vamyane kutetela na kwoloka.

Loma 13:14

Oloni zaleni vitwa vya Mwene Yesu Kilistu, kesi mwanuke lalo cifwa ceni ca vusitu nakukavangeya mashungu aco embwe.

Loma 9:11

Omo kanda vasemuke nambe omo kanda valinge vyavivwa nambe vyavivi, ngeci cizango ca Njambi cakwangula citwaleleleo, kesi omwo vilinga embwe, oloni omwo kusana kwendi

1 Kolinte 13:4

Cizemo cili na lukakateya na kutetela, cizemo kucesi na lifuwa nambe kulyalesa,

2 Kolinte 6:6

Akujela kwetu na mukuzivuka na mu lukakateya na mu kutetela twamwesele kupwa tu vangamba va Njambi, ali Munzinzime Wakujela, na a cizemo cakujeneka makuli,

Ngalatiya 5:6

Omwo tuli amo muli Kilistu Yesu, nambe kutuuka nambe kujeneka kutuuka kuvyasa kulinga cuma cimo, cuma cakama lika kukulaela cije cilinakupanga mu cizemo.

Efeso 1:4

Nambe te kaye kanda vakatange, Njambi watwangwile laja tupwe tu vendi muli Kilistu, ngeci tupweni vakujela nakujeneka mulonga ku mesho endi. Omwo cizemo cendi

Efeso 4:2

Simbu yoshe pweni vaka-kulilumbilisa, vaka-kulikeesa na vaka-lukakateya. Shololeni cizemo ceni mukuliyandela umo na mukwavo.

Efeso 4:24

co munapande kuzala vunu vwavuhwa, vuje vuvanatanga mu cifwa ca Njambi, co vunasholoka vukewo vavenya mu mwonyo wa vushunga uje wauvwa nakujela.

Efeso 4:32

Oloni pweni vaka-ngozi na vaka-mbunge ya lyovwa-ovwa kuli umo na mukwavo, co lisambeseni umo na mukwavo, ngwe mwanamisambesa Njambi muli Kilistu.

Filipu 1:8

Omwo Njambi napu mukaleo wange nazivuka ngwendi njendeka vushunga omo njendeka ngwange vizango vyange vyakulova ali yeni vilinakutunda ku mbunge ya Yesu Kilistu ikeye vavenya.

Kolose 3:10

co munazala vunu vwavuhwa. Ovu vunapu vunu vwavuhwa vuje Njambi, Ishamatanga wavwo alinakuvutungulula mu cifwa cendi vavenya, ngeci amishwenyese kukushula kwa mana akumuzivuka.

1 Tesalonika 5:15

Kengeni ngeci kesi kukale umo elwisa vuvi ku vuvi, oloni simbu yoshe pweni vaka-kulinga mwamuvwa kuli umo na mukwavo na kuli vanu voshe.

2 Timateo 1:9

Ikeye watwovwele, co watusanene ngeci tupwe vanu vendi, kesi omwo a vilinga vyetu embwe, oloni omwo a vutumbe na a kutetela kwendi. Watwanene kutetela oku muli Kilistu Yesu ku simbu ya ku san̄ulu,

2 Timateo 2:10

Ngecivene, njilinakuyanda mu vyuma vyoshe omwo ali vanu va Njambi vakwangula, ngeci na vakevo lalo vatambule kwovoka kwa muli Kilistu Yesu amo na vumpau vuje vwa myaka yoshe.

Tito 1:1

Mukanda wakutunda kuli yange Paulu, ngamba ya Njambi na muluwa wa Yesu Kilistu. Vanjangwile nakunjituma mukukwasa kukulaela kwa vanu va Njambi vakwangula nakuvatwamenena ku vushunga vuje vuvavalongesele ku futisi yakulemesa Njambi,

1 Petulu 1:2

Yeni vamyangwile ku cizango ca Njambi Tatetu, co vamijelesele na Munzinzime wendi ngeci mwononoke kuli Yesu Kilistu nakumijelesa na maninga endi. Kutetela na kwoloka vikale amo neni.

2 Petulu 1:10

Ngecivene, vasamba vange, esekeni manene na nzili kupwisa kusana nakwangula kweni ngwe vyuma vyeni vya myaka yoshe, omwo nga mulingamo, co kumukatundu kukukulaela kweni.

1 Yowano 4:19

Tuzema omwo Njambi watuzemene akulivanga.

2 Yowano 1:13

Vana va ndokazi yeni wa cizemo vanatumu viindu vyavo kuli yeni.

Kujombolola 17:14

Vakalinga nzita na Muna Manga, oloni Muna Manga amolika na vaje vendi vanasana, vakwangula, vaka-kumukava va kulongwa, akavafungulula, omwo ikeye napu Shukulu ya vashukulu na Mwene ya vimyene.”