Kolose 3:10 - Livulu lya Shukulu Kalunga

¹⁰ co munazala vunu vwavuhwa. Ovu vunapu vunu vwavuhwa vuje Njambi, Ishamatanga wavwo alinakuvutungulula mu cifwa cendi vavenya, ngeci amishwenyese kukushula kwa mana akumuzivuka.

Kolose 3:10 Iomraidhean Croise

Kushangumuka 5:1

Eli likelyo livulu lya vatekulwila va Andama. Omo Njambi watangele vanu, wavatangele mu cifwa cendi vavenya.

Yombi 29:14

Njazalele vushunga ngwe vuzalo, co vukevwo vwanjifwikile, co kulongwa kwange kwapwile ngwe cikoveyo cacilaja, nakupwa ngwe cilongo.

Myaso 51:10

Yove Njambi, tanga mbunge yakujela muli yange, co aka cizemo caciha cije kucesi kutenguluka muli yange.

Isaya 52:1

Yelusalema kala na nzili na vukama lalo! Nganda yakujela ya Njambi, zala vuzalo vwove vwavuvwa! Vaka- kulemesa Shukulu Kalunga vaje vasiwile nganda yove yakujela, kuvakakovelamo lalo mu nganda.

Isaya 59:17

Akazala kulongwa ngwe cikoveyo ca nzita ca a nulo, kwamena kupwa ngwe tepa ya nzita ya ku mutwe. Vukalu na shambandinga vikapwa ngwe vuzalo vwendi.

Ezekiyele 11:19

Njikavana vimbunge vyaviha na mana amaha. Njikatundisa vimbunge vyavo vyakukola ngwe mamanya, co njikavana vimbunge vyakwononoka.

Ezekiyele 18:31

Sezeni vuvi vwoshe vuje munakele nakulinga, co kaleni na mana amaha na vimbunge vyaviha. Omwo vikajo yeni vaIsalele mushaka kutsa?

Ezekiyele 36:26

Njikamyana vimbunge vyaviha na mana amaha. Njikatundisa vimbunge vyeni vyakukaluwa vya mamanya nakumyana vimbunge vyakwononoka.

Yowano 17:3

Co mwonyo wa myaka yoshe ukewo ou, ngeci vakuzivuke yove Njambi umolika wa vushunga, co nakuzivuka Yesu Kilistu, uje iwatumine.

Loma 12:2

Kesi mulipwise ngwe vanu va muno mu kaye, oloni eceleni Njambi atengulule viyongola vya mu vimbunge vyeni. Asinoni mukazivuka cizango ca Njambi, vije vyavivwa nevi vimuvwaelelesa nevi vyakushungama.

Loma 13:12

Vutsiki ololo vukya, litangwa ololo lituuka. Tulikeleni kulinga vyuma vije vyakundama ku lisusulungu, co twambateni vitwa vyakulwa navyo mu mutanya.

Loma 13:14

Oloni zaleni vitwa vya Mwene Yesu Kilistu, kesi mwanuke lalo cifwa ceni ca vusitu nakukavangeya mashungu aco embwe.

Loma 6:4

Ngecivene, akutumbwitika, vatutsindile amo nendi na kutsa amo nendi, ngeci, ngwe omo Kilistu vamusangwile ku vatsi na vumpau vwa Ishe, ngeci netu tunapande kuyoyela mu mwonyo wauha.

Loma 8:29

Omwo vaje vaangwile Njambi vakevo lalo vaangunwine kuvafwisa ngwe Munendi, ngeci Munendi apwe ntwatwa akati ka vandolome vavangi.

2 Kolinte 3:18

Ngecivene, yetu voshe tulinakusholola vumpau vwa Mwene yetu na vihanga vyakujeneka kufwika, vumpau vuje vumolika vulinakutunda kuli Mwene, ikeye Munzinzime, uje muka-kutwimukisa mu cifwa cendi, mu vumpau vuje vwahyana simbu yoshe.

2 Kolinte 4:16

Omwo cuma eci kutwasa kwombwa nambe muvila wetu ulinakunyonga, oloni munu wetu wa mukati akatulingisa vuhwa a litangwa na litangwa.

2 Kolinte 4:6

Njambi uje wendekele ngwendi, “Mu lisusulungu mukatwa ceke!” Ikeye Njambi uje vene umolika watwisile ceke mu vimbunge vyetu, mukututwisila ceke ca vumpau vwa Njambi vuje vunatu mu cihanga ca Kilistu.

2 Kolinte 5:17

Ngecivene, woshe uje ali muli Kilistu, napu munu wamuha, vyuma vyalaja vineti, muli ikeye munaija vuhwa.

Ngalatiya 3:27

Vamimbwitikile amo muli Kilistu, co ololo vanamizika na mwonyo wa Kilistu vavenya.

Ngalatiya 6:15

Kukwesi mulonga wai nameme kutuuka nambe kujeneka kutuuka, oloni cije cikwasa cinapu kupwa wakutanga kwakuhwa.

Efeso 2:10

Njambi natupwisa muje mutunafu, co akukala kwetu muli Kilistu Yesu watutangelele mwonyo wa vipangi vyavivwa, vije watuvwaeselelevyo laja ngeci tuvilinge.

Efeso 2:15

Wamanesele lishiko lya vaYunda amo nakushika kwalyo na futisi yalyo, ngeci muli ikeye a miyati ivali atange muyati umolika, ngeci kukale kwoloka.

Kolose 3:12

Yeni munapu vanu va Njambi, wamizemene, co wamyangwile kupwa mu vendi. Ngecivene, munapande kuzala lyovwa-ovwa, na ngozi, na kulilumbilisa, na vuvwa na lukakateya.

Kolose 3:14

Co ku vyoshe evi wezeleleniko cizemo, cije cikakutila vyuma vyoshe amolika mu vumo vwavuvwa.

Filimoni 1:6

co njilombela ngwange kulitombola kwetu amo neni akupwa vaka-kukulaela kukanena kuzivisisa kwa vivezikiso vyoshe vije tulinavyo mu mwonyo wetu muli Kilistu.

VaHevelu 6:6

Co nga vaje vombilile kukulaela kwavo! Kucitava kuvelwisa ngeci vatenguluke lalo, omwo vakevo valinakushukika Muna Njambi lalo nakumushawisa ku mesho a mbunga.

1 Yowano 2:3

Nga twononoka mashiko a Njambi, co mwa vushunga vene tunamuzivuka.

1 Yowano 2:5

Oloni nga twononoka lijwi lyendi, tunapu vaje vazema omwo Njambi vanamupwisa muka-vushunga. Omu mukemwo twasa kuzivuka ngwetu tuli muli Njambi,

Kujombolola 21:5

Co uje watumbamene a litanda wendekele ngwendi, “Ololo njikalinga vyuma vyoshe vipwe yaviha!” Ikeye wendekele lalo kuli yange ngwendi, “Soneka evi, omwo majwi awa anapu a vushunga, vasa kuwakulaela.”