Kolose 2:4 - Livulu lya Shukulu Kalunga

⁴ Ngecivene, njimileka ngwange, kesi mutave munu umo amikwise na vinguli vya makuli, nambe vikevyo vyavwaa vati.

Kolose 2:4 Iomraidhean Croise

Mateo 24:24

Omwo kukasholoka vaKuvwavesa va makuli na vaka-kwimanena va makuli, vakamwesa vizivukiso na vikomokeso vyakama, ngecivene, vakatangule nameme vaje vavaangwile kuli Njambi nga citava.

Mateo 24:4

Co Yesu wavakumbulwile ngwendi, “Nyanyameni, co kesi mutave umo amikwise.

Mako 13:22

Omwo kukasholoka vaKuvwavesa va makuli na vaka-kwimanena va makuli vakamwesa vizivukiso na vikomokeso vyakama, vakatangule nga citava nameme vaje vavaangwile kuli Njambi.

Vilinga vya Miluwa 20:30

Co simbu ikaija omo vamo vanalume va mu mbunga yeni vakendeka makuli mukuungumuna vaka-kukulaela ngeci vavakave.

1 Kolinte 2:4

co kulongesa kwange na muzimbu wange kuvyakele njavyanene na majwi a vutongwe a mana a vanu, oloni na cizivukiso ca nzili ya Munzinzime wa Njambi.

2 Kolinte 11:3

Oloni njili na lyova ngwange ngwe omo linyoka wakwisile Eva nakunyanyama kwendi, amo viyongola vyeni vikazimbalesa kulikundika kweni kwamutunu kwakujela kuli Kilistu.

Ngalatiya 2:4

nambe vamo vashakele ngeci cilingiwe. Akulikwisa kupwa ngwe vaka-kukulaela, vanu ava vamwengelele mu mbunga yetu ngwe tunenga, ngeci vawane kupatuka kutulinakwo muli Yesu Kilistu. Vashakele kutupwisa vindungo,

Efeso 4:14

Co kutukapu lalo vanike, vaje vauungumuka na mankimba nakupekumuka noku-noku na lihunzi lya vilongesa vya vanu vaka-makuli, vaje valinakutwamenena vakwavo mu kusevuka na linyanyamena lije valinga.

Efeso 4:17

Ngecivene, mu lizina lya Mwene, njiminangula ngwange, kesi muyoye ngwe vaje vaka-kujeneka kukulaela, vaje viyongola vyavo vyapwa vyangoco,

Efeso 5:6

Kesi mutave umo amikwise na majwi a makuli, omwo a vyuma evi vukalu vwa Njambi vukakala ali vaje vaka-kujeneka kumwononoka.

Kolose 2:18

Kesi mutave vamihise kuli umo uje alisholola ikeye vavenya kupwa wakama omwo a vimona vimo vije endeka akulilumbilisa kwa makuli nakulemesa tungelo. Omwo vanu va cifwa cangacije vakalyalesa na viyongola vyavo vya vunu,

Kolose 2:8

Kengeni ngeci naumo wai akamipwise vindungo na mana endi a vunu a makuli, aje atunda ku vilongesa vya vanu na ku minzinzime ya ano a kaye ije ilinakushwana, co kuwatundile kuli Kilistu.

2 Timateo 2:16

Linyunge ku vimata vyakushaula, na vyendeka vya vulema, vije vitwala lika vanu kulyala na Njambi.

2 Timateo 3:13

co vanu vaka-vuvi na vaka-manseno vakatwalelelao kulinga vuvi manene, nakukwisa vakwavo nakulikwisa vakevo vavenya.

1 Yowano 2:18

Vana vange vavandondo, eyi ikeyo simbu yakukotoka! Ngwe muvamilekele ngwavo Citozi ca Kilistu alinakwija, co ololo vitozi vavangi va Kilistu vanasholoka laja, co twazivuka ngwetu simbu yakukotoka ilimuyehi.

1 Yowano 2:26

Njilinakumisonekela eci omwo ali vaje valinakweseka kumikwisa.

1 Yowano 4:1

Vasamba vange vanjazema, kesi mukulaele kuli voshe vaje vendeka ngwavo vali na Munzinzime, oloni veluleni muwane ngeci nga munzinzime uje uvalinawo unatundu kuli Njambi. Omwo vaka-kwimanena vavangi va makuli vanashandokela kwoshe-ikwoshe.

2 Yowano 1:7

Omwo vaka-kukwisa vavangi vanashandokela mu kaye mwoshe, vanu vaje kuvatava ngeci Yesu Kilistu wezile mu cifwa ca vunu. Munu wa cifwa cangacije napu muka-kukwisa, ikeye napu Citozi ca Kilistu.

Kujombolola 12:9

Co uje canza-ngombe wakama vamumbilile asi, uje linyoka wa ku san̄ulu vatumbula ngwavo Liyavola, uje wakwisile kaye koshe. Vamumbilile asi amo na tungelo twendi voshe.

Kujombolola 13:8

Vanu voshe vakala ano asi vakamulemesa, kuvanga lika vaje mazina avo vawasonekele simbu kanda vatange kaye mu livulu lya mwonyo lya Muna Manga uje ivatsiile.

Kujombolola 20:3

Co kangelo wamumbilile mu mbulu ije kuyesi naa masima, co washokele ije mbulu nakuyipata nakwakao kasateso, ngeci kesi lalo akakwisa vanu kuvanga noo myaka 1,000 ineti. Munima yevi, co vakamuzitula kasimbu kakandondo lika.

Kujombolola 20:8

Co akaya nakukwisa miyati ya vanu voshe vaje vanashandokela mu kaye mwoshe, ikeyo Ngonge na Mangonge. Satana akavakungulwila amo nakulwa nzita, vungi vwavo vakapwa ngwe lishen̄avu lya ku ngenge ya mema a kalunga.