Kolose 2:20 - Livulu lya Shukulu Kalunga

²⁰ Yeni munatsi amo na Kilistu, co vanamipatula kutunda ku minzinzime ije ilinakushwana ano a kaye. Ngecivene, omwo vikajo mulinakuyoya ngwe mwakundama ku kaye kano? Omwo vikajo mucili nakwononoka ku mashiko a cifwa cangacije ngwavo,

Kolose 2:20 Iomraidhean Croise

Yowano 15:19

Nga mwapwile vaka-kaye, asinoni nga vaka-kaye vamizema ngwe mu vavo. Oloni omwo njamyangwile akati ka vaka-kaye, co kumwakundamene ku vaka-kaye, ngecivene, mukemwo vaka-kaye vamizindi.

2 Kolinte 10:3

Mwa vushunga vene tulinakuyoyela mu kaye kano vene, oloni kesi ngwe tulinakulwa ngwe ku futisi ya kano kaye embwe.

Ngalatiya 4:3

Mu ngila ije vene, netu lalo twapwile tu vindungo va vushwana vwa minzinzime ya kaye simbu te kanda tucikole mu munzinzime.

Ngalatiya 6:14

Ngwe ali yange, nameme ngoco, yange njikalyalesa lika a cilindakano ca Mwene yetu Yesu Kilistu, omwo a cilindakano cendi kaye kanatsi kuli yange, co yange lalo njinatsi ku kaye.

Efeso 2:15

Wamanesele lishiko lya vaYunda amo nakushika kwalyo na futisi yalyo, ngeci muli ikeye a miyati ivali atange muyati umolika, ngeci kukale kwoloka.

Kolose 2:14

watundisile cishimbikiya ca makongo etu na mshiko aco, co wacitundisile akucishukika a cilindakano.

Kolose 2:16

Ngecivene, kesi mutave umo amishike a vije mulya nambe vije munwa nambe a matangwa akujela nambe a Ciwano ca Kutenama kwa Ngonde nambe a Litangwa Lyakuhwima.

Kolose 2:21

“Kesi mukwate cuma eci” “Kesi mumakele cuma cije,” “Kesi mukwateko vyeka”?

Kolose 2:8

Kengeni ngeci naumo wai akamipwise vindungo na mana endi a vunu a makuli, aje atunda ku vilongesa vya vanu na ku minzinzime ya ano a kaye ije ilinakushwana, co kuwatundile kuli Kilistu.

Kolose 3:3

Omwo yeni mwatsile, co myonyo yeni vanaishweke amo na Kilistu muli Njambi.

VaHevelu 13:9

Kesi mutave vilongesa vyakuliseza-seza vimitwamenene nakumitundisa mu ngila ya vushunga. Mwamuvwa vimbunge vikolese nakutetela kwa Njambi, kesi akwononoka mashiko a vyakulya, kuli vaje vononoka awa mashiko kuwavakwasa nacimo cai.

Yakomba 4:4

Yeni vanu vakwonwa kulongwa! Kuma kumuzivuka ngweni vusamba na kaye vwapwa vutozi kuli Njambi ndi? Woshe uje ashaka kulipwisa musamba wa kaye nalipwisa ikeye vavenya citozi ca Njambi.

1 Yowano 5:19

Twazivuka ngwetu tunakundama kuli Njambi nambe kaye koshe kali mu nzili ya Uje Liyavola.