Kolose 2:2 - Livulu lya Shukulu Kalunga

² Njilinakulinga eci ngeci vashule nakulitakamesa, co valitunge amolika mu cizemo namukushula kwa vufuko vuje vunena kuzivisisa. Mu ngila eyi vene, vakazivuke cisin̄iko ca Njambi, cikeco cinapu Kilistu vavenya.

Kolose 2:2 Iomraidhean Croise

1 Vimyene 3:28

Omo vanu va Isalele vazivile majwi akusompa kwa Solomoni, vakele na kasingimiko kakama manene ali ikeye, omo vazivukile ngeci mwa vushunga vene Njambi namwana mana akusompa vin̄anda mu vushunga.

Myaso 133:1

Kengeni muvwapwa vuvwa nakuvwaelela omo vanu va Njambi vakala amo na mbunge imo.

Isaya 32:17

Omwo vanu voshe vakalinga vije vya vushunga, co kukakala kwoloka na vuvwa ku myaka yoshe.

Isaya 40:1

Njambi yetu alinakwendeka ngwendi, “Zembelekeni vanu vange. Vazembelekeni!

Isaya 53:11

Omo nayoyo mu tuyando, co akajolela lalo, ikeye akazivuka ngeci kayandele ngoco embwe. Ngamba yange wa kulongwa, muli ikeye njilinakuvwaelela, ikeye akambata cihiso ca vanu vavangi, omwo njikavasambesela ali ikeye.

Njelemiya 9:24

oloni uje alyalesa, napande kulyalesa ngeci anjizivuke nakunjizivisisa, omwo cizemo cange capwa ca myaka yoshe, co njikalingi vya vushunga nakushungama. Evi vikevyo vyuma vikanjivwaelelesa. Yange Kalunga, njinendekamo.”

Mateo 11:25

A simbu ije vene Yesu wendekele ngwendi, “Njikukandelela yove Tate, Mwene wa lilu na ano asi! Omwo vyuma evi wavishwekele kuli vaka-mana na kuli vaka-kulilongesa, co unavisholola kuli vaka-kujeneka mana.

Mateo 11:27

“Vyuma vyoshe Tate nanjanavyo. Co lalo naumo wai azivuka Mwana kuvanga Ishe, co lalo naumo wai azivuka Ishe kuvanga Mwana, na vaje voshe vashaka Mwana kuvasholwelaye.

Mateo 13:11

Asinoni Yesu wavakumbulwile ngwendi, “Kuli yeni vanamyana kuzivuka vyuma vya Vumwene vwa mwilu, oloni vakevo kuvavaneneco.

Luka 1:1

Kuli mukwetu Teofilo. Vanu vavangi vanasoneka vukaleo vwa vyuma vije vyalingiwile akati ketu.

Yowano 10:30

Tate nange twapwa umolika.”

Yowano 10:38

Oloni nga njilinakuvilinga, nameme kumunjikulaela, oloni munapandele kukulaela vipangi vyange, co muzivuke ngweni Tate ali muli yange, co nange lalo njili muli Tate.”

Yowano 16:15

Vyoshe vyali navyo Tate vinapu vyange, ngecivene, mukemwo njinendeka ngwange Munzinzime akambata vije vinjimuleka nakuvyambulula kuli yeni.

Yowano 17:3

Co mwonyo wa myaka yoshe ukewo ou, ngeci vakuzivuke yove Njambi umolika wa vushunga, co nakuzivuka Yesu Kilistu, uje iwatumine.

Yowano 5:17

Oloni Yesu wavakumbulwile ngwendi, “Tate alinakupanga simbu yoshe, co nange lalo njinapande kupanga.”

Yowano 5:23

ngeci voshe vasingimike Mwana ngwe muvakasingimika Ishe. Uje kasingimika Mwana kasingimika Ishe uje wamutumine.

Yowano 6:69

Co tunakulaela nakuzivuka ngwetu yove Wakujela uje watunda kuli Njambi.”

Vilinga vya Miluwa 4:32

Mbunga ya vaka-kukulaela vakele na mbunge imolika na viyongola vimolika, naumo wai watumbwile vyuma vyendi vije vyafukile kupwa vyendi, oloni valipangezelele vyoshe vyavo vije vivakele navyo.

Loma 15:13

Co Njambi, nsina ya cinyangavili, amishulise nakuvwaelela kwoshe na kwoloka omwo akukulaela kweni, ngeci cinyangavili ceni cikole mu nzili ya Munzinzime Wakujela.

Loma 16:25

Vumpau vukale kuli Njambi! Ikeye asa kumilingisa ngeci mwimane mbe mukukulaela kweni, ngwe ku Vin̄anda Vyavivwa vinjikambulula vya Mwene Yesu Kilistu, ngwe lalo kukujomboloka kwa vushunga vwakushweka vuje vuvashwekele tunde ku san̄ulu.

Loma 2:4

Nambe ulinakuyeluwisa ngozi yendi yakama na kulongwa kwendi nakusimpa kwendi. Mwa vushunga uzivuka ngwove Njambi wakala na ngozi, omwo alinakweseka kukutwamenena ngeci utenguluke.

1 Kolinte 14:31

Yeni voshe mwasa kwambulula lijwi lya Njambi, umo na umo, ngeci voshe valilongese nakulitakamesa.

1 Kolinte 2:12

Kutwatambwile munzinzime wa ano a kaye embwe, oloni tunatambula Munzinzime uje utunda kuli Njambi, ngeci tuzivuke vyoshe vije vyanatwana Njambi.

Ngalatiya 3:28

Ngecivene, kukwesi kulyangunuka akati ka vaYunda na vaje kesi vaYunda, akati ka vindungo na vanu vakupatuka, akati ka vanalume na vanakazi, yeni voshe munapu mumo muli Kilistu Yesu.

Efeso 1:7

Omwo tunapatuka a maninga a Kilistu, ngeci na vuvi vwetu vanavusambesa, kutetela kwa Njambi kunapu kwakama,

Efeso 3:16

Njilomba kuli Njambi a vufuko vwa vumpau vwendi ngeci amyane nzili ali Munzinzime wendi ngeci mukale na nzili mukati ka mivila yeni,

Efeso 3:3

Njambi wajombolwele vutumbe vwendi vwakushweka nakuvusholola kuli yange. (Njasonekele vukaleo vwavundondo a cuma eci,

Efeso 6:22

Eci cikeco cuma njamutumina kuli yeni, ngeci akumileke vati yetu voshe mutunendukila, co akatakamesa lalo vimbunge vyeni.

Filipu 2:1

Myonyo yeni muli Kilistu ilinakumyana nzili, na cizemo cendi cilinakumizembeleka. Muli na kulitombola na Munzinzime, co muli na mbunge ya ngozi nakulitetela umo na mukwavo.

Filipu 3:8

Kesi lika a vyuma vije embwe, njilinakulava vyuma vyoshe ngwe vinapu vyangoco omwo seo yakama, yakuzivuka Kilistu Yesu Mwene yange. Omwo ali ikeye njinombila vyuma vyoshe, kuli yange njilinakuviyongola ngwe vinapu mazilo, ngeci njinganyale Kilistu,

Kolose 1:26

cije capwile cisin̄iko cakushweka ku myaka ya kunima kushwekela vanu voshe, oloni ololo nacisholola kuli vanu vendi.

Kolose 1:27

Vutumbe vwa Njambi vunapu kusholola cisin̄iko eci kuli vanu vendi. Cisin̄iko cije cinapu vufuko na vumpau canavwaesela vanu voshe. Co cisin̄iko cikeco eci, Kilistu ali muli yeni, kulumbunuka ngeci yeni mukalipangele vumpau vwa Njambi.

Kolose 1:9

Omwo a cuma eci, simbu yoshe tukamilombelela, tunde aje twazivile vya ali yeni. Tulomba Njambi ngeci amishulise na mana a cizango cendi, na mana oshe nakuzivisisa kwoshe kuje kwanamyana Munzinzime wendi.

Kolose 2:19

co vanalikela kukakateya kuli Kilistu, uje napu mutwe wa muvila. Ali Kilistu muvila woshe vanaulisa nakuukwatesa amolika omwo a manunga na mishisha, co ulinakukola ngwe muje Njambi ashaka ngeci ukolelemo.

Kolose 3:14

Co ku vyoshe evi wezeleleniko cizemo, cije cikakutila vyuma vyoshe amolika mu vumo vwavuvwa.

Kolose 4:3

Tulombeleleniko netu lalo, ngeci Njambi atwane simbu yaivwa yakwambulula lijwi lyendi, a vyakushweka vya Kilistu. Omwo a cuma eci ngeci yange njili mu kamenga ololo.

Kolose 4:8

Eci cikeco cuma njilinakumutumina kuli yeni, ngeci akumivwaelelese akumileka vati yetu voshe mutunendukila.

1 Tesalonika 1:5

Omwo twaminenelele Vin̄anda Vyavivwa, kesi na majwi lika, oloni na nzili na Munzinzime Wakujela, co na lukakateya lwa vushunga vwavyo. Mwazivuka vati twayoyele omo twakele amo neni, eci capwile ngeci omwo yeni.

1 Tesalonika 3:2

Omo twacitumine Timateo, ndolome yetu muka-kupanga netu mu vipangi vya Njambi mukwambulula Vin̄anda Vyavivwa vya Kilistu. Twamutumine mukumitakamesa nakumikwasa akukulaela kweni,

1 Tesalonika 5:14

Vakwetu, tumisindiya ngwetu munangule volwa, takameseni vipapoki, kwaseni vaka-kuzeya, pweni vaka-lukakateya kuli voshe.

1 Timateo 3:16

Naumo wai asa kuvyana a vukama vwa cisin̄iko ca vu Njambi vwetu! Uje washolokele mu cifwa ca vunu, Munzinzime wamusholwele kupwa wa vushunga, na tungelo vamumwene. Vamwambulwile akati ka miyati, vamukulaelele mu kaye mwoshe, co vamutwalele mwilu.

VaHevelu 10:22

Ngecivene, tushwenyeni kuyehi na Njambi na vimbunge vya lyovwa-ovwa nakukulaela kwa vushunga, na vimbunge vije vanavijelesa ku citaku-taku ca milonga na mivila ije vanajwelesa na mema akujela.

VaHevelu 6:11

Sholovya yetu inapu yakama ngeci munu na munu akati keni acitwaleo na lukakateya noo na ashongo, ngeci vyuma vyoshe vimulinavyo na cinyangavili vikapwe vya vushunga.

2 Petulu 1:10

Ngecivene, vasamba vange, esekeni manene na nzili kupwisa kusana nakwangula kweni ngwe vyuma vyeni vya myaka yoshe, omwo nga mulingamo, co kumukatundu kukukulaela kweni.

2 Petulu 1:3

Nzili ya vuNjambi vwendi inatwana vyuma vyoshe vije tunajeneka mukuyoya kwakuvwa kwa vuNjambi akutuzivuka kuli uje natusana ngeci tulipangele vumpau na vuvwa vwendi.

2 Petulu 3:18

Oloni kakateyeni nakukola mu kutetela na mu mana vya Mwene yetu na Muyoyesi wetu Yesu Kilistu. Kuli ikeye kukale vumpau, ololo na ku myaka yoshe! Ewa.

1 Yowano 3:19

Ngecivene, a cuma eci cikeco cituzivukisa ngeci ngwetu kuma tunakundama ku vushunga, eci cikeco cinatutakamesa mu vimbunge vyetu ku mesho a Njambi.

1 Yowano 5:7

Co Munzinzime nasholola vukaleo ngwendi eci cinapu vushunga, omwo Munzinzime wapwa vushunga.