Kolose 2:13 - Livulu lya Shukulu Kalunga

¹³ A simbu imo mwatsile ku munzinzime omwo a vuvi vweni, omwo mwapwile vaje kesi vaYunda vakujeneka Lishiko. Oloni ololo Njambi naminena ku mwonyo muli Kilistu. Njambi watusambesele vivi vyetu vyoshe,

Kolose 2:13 Iomraidhean Croise

Myaso 119:50

Njiwana kuzembeleka nameme njili mu tuyando, omwo cikulaeso cove canjanene mwonyo.

Myaso 32:1

Navezika munu uje ivanasambesa ku milonga yendi, munu uje vuvi vwendi vanavufwiki.

Myaso 71:20

Yove unanjimwesa tuyando twakama twakukaluwa, oloni ukanjiyoyesa lalo, ukanjitundisa lalo mu mbumbo.

Isaya 1:18

Shukulu Kalunga alinakwendeka ngwendi, “Ijeni tulizivasane. Nambe vuvi vweni vuvenga ngengu, oloni vukatoka too ngwe mema akukonda. Nambe vuvi vweni vuvenga ngengu, oloni vukatoka too ngwe memba.

Isaya 55:7

Vaka-vuvi vecele vilinga vyavo vya vuvi, co vatengulule viyongola vyavo. Vatengulukile kuli Shukulu Kalunga Njambi yetu, ikeye muka-mema ku mbunge na muka-kusambesa vwasi.

Njelemiya 31:34

Naumo wai akalongesa mundambo wendi nambe ndolome yendi kuzivuka Shukulu Kalunga, omwo voshe vakanjizivuka, kushangumukila ku vanike kutwala ku vakulunu. Njikavasambesa ku vivi vyavo, co kunjikanuka milonga yavo. Yange Kalunga, njinendekamo.”

Luka 15:24

Omwo ou munange watsile, oloni ololo alinakuyoya, wazimbalele, oloni ololo tunamuwana!’ Co vashangumukile kulisamba nakulinga ciwano.

Luka 15:32

Oloni tunapande kujolela nakuvwaelela, omwo ndolome yove watsile, oloni ololo alinakuyoya, wazimbalele, oloni ololo tunamuwana.’ ”

Luka 9:60

Yesu wamukumbulwile ngwendi, “Seza vatsi valitsinde vakevo vavenya. Yove ya nakwambulula vya Vumwene vwa Njambi.”

Yowano 5:21

Ngwe omo Ishe akasangula vatsi nakuvana mwonyo, ngecivene, mu ngila eyi lalo Mwana akana mwonyo kuli vaje ashaka.

Yowano 6:63

Munzinzme wa Wakujela wa Njambi ikeye akaana mwonyo, kesi nzili ya munu. Majwi awa njinendeka kuli yeni akewo a Munzinzime, co anena mwonyo.

Loma 4:17

Ngwe muvyendeka visoneka ngwavyo, “Njinakupwisa cisemi ca miyati yaingi.” Ngecivene, cikulaeso cinapu cacivwa ku mesho a Njambi, uje yakulaelele Avilahama, Njambi uje muka-kusangula vatsi, uje akushika kwendi anena vyuma vije kuvyesiko ngeci vikaleko.

Loma 6:13

Nambe vilyo vyeni kesi muvyecele ku vuvi mukuvipangesa mu vyuma vya kupenga-penga. Oloni likundikeni kuli Njambi, ngwe vanu vaje vavanatundisa ku kutsa nakuvatwala ku mwonyo, co kundikeni vilyo vyeni vyoshe kuli Njambi ngeci vavipangese mu vyuma vya vushunga.

Loma 8:11

Nga Munzinzime wa Njambi, uje wasangwile Yesu ku vatsi, akala muli yeni, co uje wasangwile Kilistu ku vatsi ikeye lalo akana mwonyo ku mivila yeni ya kutsa a Munzinzime wendi uje ali muli yeni.

1 Kolinte 15:36

Yove cilema! Omo ukakunu mbuto yove mu livu kuyesi kutuuka nonge yayo ya mwonyo kuvanga noo inatsi.

1 Kolinte 15:45

Omwo visoneka vyendeka ngwavyo, “Munu wakulivanga Andama, vamutangele munu wakuyoya”, oloni Andama wakukotokela ikeye mukakwana mwonyo wa Munzinzime.

2 Kolinte 3:6

Ikeye natwasesa kupangela cikumiiyo caciha, cije kesi cakusoneka mu lishiko, oloni na Munzinzime. Lishiko lyakusoneka linena kutsa, oloni Munzinzime anena mwonyo.

2 Kolinte 5:19

Majwi etu akewo apwa ngeci Njambi waambesele vanu voshe ali Kilistu. Njambi kasa kuvalavela lalo vuvi vwavo, co ikeye natwana majwi aje atuleka vati navambesela.

Efeso 2:1

Laja mwapwile mu vatsi ku munzinzime omwo kumwononokele, co mwalingile vuvi.

Efeso 2:11

Yeni kesi mu vaYunda ku cisemwa, vaje vatumbula ngwavo “vaka-kujeneka kutuuka” ngwe ku futisi ya vaYunda, vaje valitumbula ngwavo vaka-kutuuka (eci cilinakwinika vanu vivalinakulinga ku mivila yavo), anukeni vati mwafwile mu simbu yalaja.

Efeso 5:14

omwo cuma coshe cije cisholoka cipwa ceke. Omu mukemwo vakendeka ngwavo, “Tona, yove walala, co induka ku kutsa, Kilistu akakutwila ceke.”

Kolose 2:12

Omo vamimbwitikile, vamitsindile amo na Kilistu, co akumimbwitika lalo vamisangwile amo na Kilistu akukulaela kweni ku nzili ya vipangi vya Njambi, uje wamusangwile ku kutsa.

1 Timateo 5:6

Oloni fwile uje alyana ikeye vavenya mu senga yangoco natsi laja, nambe alinakuyoya.

1 Timateo 6:13

Ku mesho a Njambi, uje muka-kwana mwonyo ku vyuma vyoshe na ku mesho a Kilistu Yesu, uje waanene vukaleo vwendi ku mesho Pontiyu Pilato, njikushika ngwange,

VaHevelu 6:1

Ngecivene, tuyeni kulutwe ku vilongesa vyakulova, co tusezeni munima vilongesa vyakushangumuka lijwi lya vuka-Yesu. Co kutwapandele lalo kujala luvula lwakutunda mu ngila ya vipangi vyangoco neyi yakukulaela kuli Njambi,

VaHevelu 9:14

Omwo eci capwa ca vushunga, maninga a Kilistu anapanga manene! Ali Munzinzime wa myaka yoshe walyanene ikeye vavenya kupwa n̄ombelo yakujela kuli Njambi. Maninga endi anatujelesa ku citaku-taku ca futisi yetu yangoco ngeci tupangele Njambi wakuyoya.

Yakomba 2:17

Eci cinapu mumo nakukulaela, nga cili acolika kujeneka vipangi, co cinatsi vene.

Yakomba 2:20

Ove cilema! Kuma ushaka vakumwese ngeci kukulaela kukwesi na vipangi kunapu kwangoco ndi?

Yakomba 2:26

Ngecivene, nga muvila kuwesi na munzinzime, co unatsi, nakukulaela lalo nga kukwesi na vilinga, co kunatsi.

1 Yowano 2:12

Njilinakumisonekela yeni vana vange vavandondo, omwo vivi vyeni vanavisambesa a lizina lya Kilistu.