Kolose 2:11 - Livulu lya Shukulu Kalunga

¹¹ Akukala muli ikeye, yeni vamituwile, kesi nakutuuka kwakulinga kuli vanu embwe, oloni nakutuuka kwakulinga vavenya Kilistu, kukemwo kupatuka kwakutunda ku nzili ya vuvi vwa muvila ou.

Kolose 2:11 Iomraidhean Croise

Njelemiya 4:4

Nyungeni cikumiiyo ceni nange Kalunga keni, co likundikeni kuli yange, yeni vanu va mu Yunda neni vanu va mu Yelusalema. Nga kumulingimo, co vukalu vwange vukashukuma ngwe tuhya, omwo a vyuma vyavivi vije vimunalingi, mwa vushunga vene vukashukuma, naumo wai akavuzima.”

Mako 14:58

“Twamuzivile alinakwendeka ngwendi, ‘Yange njikasiwula eyi Njuvo ya Shukulu Kalunga ivatungile kuli vanu, co omo kuneti matangwa atatu njikatunga yeka yakujeneka kutunga na mavoko a vanu.’ ”

Luka 2:21

Omo kuneti matangwa atanu na atatu, omo simbu yetele yakutuula mbututu, co vamulukile lizina lyendi Yesu, lizina lije lyamulukile kangelo simbu kanda awile mwimo lya vaina.

Vilinga vya Miluwa 17:24

Njambi uje watangele kaye na vyoshe vilimo, ikeye Mwene wa lilu na asi, co kesi kuyoya mu njuvo yakutunga na mavoko a vanu.

Vilinga vya Miluwa 7:48

“Oloni Njambi wa Akamwa ya Vyoshe kesi kukala mu vinjuvo vyakutunga vanu, ngwe muje alinakwendeka muka-kwimanena ngwendi,

Loma 2:29

Oloni kaYunda wa vushunga ikeye munu uje kaYunda wa mukati, uje mbunge yendi inatuuka, co eci cinapu cipangi ca Munzinzime wa Njambi, kesi ca Lishiko lyakusoneka embwe. Munu wa cifwa cangacije Njambi amushangazala, kesi vanu embwe.

Loma 6:6

Co twazivuka ngwetu vunu vwetu vwalaja vavushukikile amo na Kilistu a cilindakano, ngeci muvila wa vuvi vaunyongese, ngeci kesi tupwe lalo tu vindungo va vuvi.

Loma 7:24

Yange munu wakuvindama! Iyajo akanjamena ku muvila ou wa kutsa?

2 Kolinte 5:1

Omwo tunazivuka ngwetu omo mbalaka yetu ya muvila wa ano asi omu tulinakuyoyela nga inasiwuka, Njambi akatwana njuvo mwilu mutukayoyela, njuvo ije yanatungu ikeye vavenya ije ikakala myaka yoshe.

2 Kolinte 5:17

Ngecivene, woshe uje ali muli Kilistu, napu munu wamuha, vyuma vyalaja vineti, muli ikeye munaija vuhwa.

Ngalatiya 2:20

Vananjishukika amo na Kilistu, ngecivene, kesi yange lalo njiyoya embwe, oloni Kilistu ikeye ayoya muli yange. Co mwonyo ou njilinakuyoya nawo ololo, njilinakuyoya akukulaela kuli Muna Njambi, uje wanjizemene, co walyanene ikeye vavenya omwo yange.

Ngalatiya 5:24

Co voshe vaje vanakundama kuli Kilistu Yesu vanatsii cisemwa cavo ca vunu na mashungu aco oshe.

Efeso 4:22

Ngecivene, umbileni kuti vunu vweni vwalaja, vuje vwamilingisile ngeci muyoye ngwe muje mwayoyele, vunu vwalaja vuje vuya nakunyonga na mashungu avwo a makuli.

Kwituluka mu Mashiko 10:16

Ngecivene, kutunda ku litangwa lya lelo, pweni vaka-kwononoka kuli Shukulu Kalunga kesi mupwe vaka-kukaluwa vimbunge.

Kwituluka mu Mashiko 30:6

Co Shukulu Kalunga Njambi yeni akamyononwesa na vatekulwila veni, ngeci mukamuzeme na vimbunge vyeni vyoshe, ngeci mukayoye.

Filipu 3:3

Omwo yetu, kesi ngwe vakevo embwe, twatambula kutuuka kwa vushunga, omwo yetu tukalemesa Njambi a Munzinzime wendi, co tunavwaelela a mwonyo wetu ou muli Kilistu Yesu. Kutwasa kukulaela cisemwa ca vunu.

Kolose 3:5

Ngecivene, munapande kutsiya mashungu a ano asi aje alinakupanga muli yeni, ngwe vupangala na mazilo na mashungu amavi na cizemo cacivi na cipululu (omwo eci cipululu cikeco cifwa cakulemesa tumponya).

VaHevelu 9:11

Oloni Kilistu naija laja Muka-kukombelela Wakama wa vyuma vyavivwa vije tulinavyo laja ano. Mbalaka muje alinakupangela yakama manene, co ikeyo yakujela, ikeyo kuvaitungile kuli vanu embwe, ikeyo kuyakundamene ku mutambela wakutanga wa kano kaye.

VaHevelu 9:24

Omwo Kilistu kakovelele mu Mwela Wakujela wakutunga kuli vanu embwe, uje vatembunwinine ku uje wa vushunga. Ikeye waile mwilu, kuje nasholoka mukutwimanena ku mesho a Njambi.