Kolose 1:6 - Livulu lya Shukulu Kalunga

⁶ Muzimbu ulinakutwalao kunena vivezikiso, co ulinakushandokela mu kaye koshe, ngwe lalo muwalingile akati keni tunde a litangwa lije omo akulivanga mwazivile a kutetela kwa Njambi, co mwauzivukile ngwe muunapu vene.

Kolose 1:6 Iomraidhean Croise

Myaso 110:3

A litangwa lije ukalwisa vitozi vove, mashwalale vove vakakala na cizango cakulwa. Ngwe mbundu ya mutondo-tondo, vakwenje vove vakaija kuli yove a malundu akujela.

Myaso 98:3

Co lalo nasholola vushunga vwendi ku miyati, nanuka cizemo cendi cije kucesi kutenguluka, na kulongwa kwendi ku vanu va Isalele, kwamena kwa Njambi yetu vanacimono ano asi oshe.

Mateo 24:14

Co evi Vin̄anda Vyavivwa vya Vumwene vakavyambulula mu kaye mwoshe ngwe kupwa vukaleo ku miyati yoshe, co asinoni kukotoka kwa kaye kukaija.

Mateo 28:19

Ngecivene, yeni oni, ku miyati yoshe nakuvapwisa vandongisi vange, vambwitikeni mu lizina lya Tate, na Mwana, na Munzinzime Wakujela.

Mako 16:15

Co wendekele kuli vakevo ngwendi, “Yeni ku mafuti oshe a ano a kaye nakwambulula Vin̄anda Vyavivwa kuli vanu voshe.

Mako 4:8

Oloni vimbuto vikwavo vyawililile ku livu lya vwilo, vyamenene, vyakolele, co vyemine, vimo vyemine vimbuto makumi atatu, vikwavo vyemine vimbuto makumi atanu na limo, co vikwavo vyemine vimbuto 100.”

Yowano 15:16

Kesi yeni mwanjangwile embwe, oloni yange njamyangwile nakumituma ngeci muye nakwima vushuka vwavungi, vushuka vuje vwa ku myaka yoshe. Ngecivene, cuma coshe mukalomba kuli Tate mu lizina lyange ikeye akamyanaco.

Yowano 17:19

Co omo ali vakevo njilikundika yange vavenya kuli yove, ngeci na vakevo lalo valikundike mu vushunga kuli yove.

Yowano 4:23

Oloni simbu ilinakwija, co inete laja, omo a nzili ya Munzinzime wa Njambi vanu vakalemesa Tate ngwe muje mwafwa, vakamulemesa mu vushunga ngwe muje mwashaka.

Vilinga vya Miluwa 11:18

Omo vazivile majwi awa, valikelele kumujokotesa, co valemesele Njambi vendele ngwavo, “Kuma Njambi naana lalo ava kesi vaYunda simbu yakutenguluka ngeci vayoye.”

Vilinga vya Miluwa 12:24

Oloni lijwi lya Njambi lyatwaleleo, co lyakele nakukula.

Vilinga vya Miluwa 16:14

Umo wavo watuzivile wapwile Lindiya watundile ku Tiyatila, wapwile muka-kulandesa vinanga vyavivwa vyakuvenguluka. Wapwile munakazi muka-kulemesa Njambi, co Mwene washokolwele mbunge yendi kutolilila ku vije vyakele nakwendeka Paulu.

Vilinga vya Miluwa 26:18

Ukatonesa mesho avo nakuvatundisa ku lisusulungu nakuvatwala ku ceke nakuvatundisa ku nzili ya Satana nakuvatwala kuli Njambi, ngeci akukulaela kwavo kuli yange vakavasambese ku vivi vyavo nakutambula mwela wavo akati ka vanu vaje vanaangula Njambi.’

Loma 1:13

Vakwetu, munapande kwanuka ngweni visimbu vyavingi njakele na vutumbe vwakwija oko nakumisikamesa, oloni kuli cuma cimo cinanjivindika. Njishaka kukoka vanu akati keni, ngwe munjinalingi akati ka vaje kesi vaYunda.

Loma 15:19

na nzili ya vizivukiso na vikomokeso, na nzili ya Munzinzime wa Njambi. Ngecivene, mukwenda kutunda ku Yelusalema nakweta ku Ilikyume, njinamanesa kwambulula Vin̄anda Vyaviwa vya Kilistu.

Loma 15:28

Omo njinamanesa vipangi evi nakwetesa vimbongo vyoshe kuli vakevo vije vivavakungulwilile, co njikaya ku Sepeine nakumisikamesa a ngila yange yakuya kuje.

Loma 16:26

Oloni nameme ngoco ololo vushunga vuje vanavusholola mutanya mwelu mu visoneka vya vaka-kwimanena, nakushika kwa Njambi wa myaka yoshe vanavusholola ku miyati yoshe, ngeci voshe vakulaele nakwononoka.

2 Kolinte 10:14

Omwo yeni mwakundama ku vipangi vije, co kutwasele lalo kuvijomboka omo twakele nakwija kuli yeni nakunena Vin̄anda Vyavivwa vya Kilistu.

2 Kolinte 6:1

Ngecivene, njimilomba ngwange, mu vipangi vyetu vyakupanga amo na Njambi, yeni munatambula mema ku mbunge a Njambi, co kesi muvyecelele ngwe vyangoco.

Efeso 3:2

Mwa vushunga vene yeni mwaziva ngeci Njambi mu kutetela kwendi nanjana vipangi evi ngeci njimikwase.

Efeso 4:21

Mwa vushunga yeni mwaziva laja vya ali ikeye, co akupwa vaka-kumukava vamilongesele vushunga vuje vuli muli Yesu.

Efeso 4:23

Vimbunge vyeni na mana eni vinapande kupwa vyaviha,

Efeso 5:9

omwo ceke cikeco cikakunena kuteja kwakama manene kwa muyati woshe wa vyuma vyavivwa, vyakushungama na vushunga.

Filipu 1:11

Kuyoya kweni kupwe kwakushula na vushunga vwavuvwa vyuma vije Yesu Kilistu lika asa kusholola, ku vumpau nakushangazala kwa Njambi.

Filipu 4:17

Kesi ngwe yange njishaka lika vwana kuli yeni embwe, oloni njishaka kumona nganyo yakuwezelela ku mbango yeni.

Kolose 1:10

Asinoni mukasa kuyoya ngwe ku cizango ca Mwene, co simbu yoshe mukasa kulinga vije vimuvwaelelesa. Kuyoya kweni kukaima vushuka vwavungi manene vwa miyati yoshe ya vipangi vyavivwa, co mukakola mu mana eni akuzivuka Njambi.

Kolose 1:23

Ngecivene, munapande kutwalao mukukulaela nakwimana mbe a luvula lwaluvwa, co kesi mutave ngeci vamishwenyese kutunda ku cinyangavili cije mwatambwile omo mwazivile muzimbu. Omwo a muzimbu ou ngeci yange Paulu, njapwile ngamba, muzimbu ou valinakwambulwila kuli munu na munu mu kaye mwoshe.

1 Tesalonika 1:5

Omwo twaminenelele Vin̄anda Vyavivwa, kesi na majwi lika, oloni na nzili na Munzinzime Wakujela, co na lukakateya lwa vushunga vwavyo. Mwazivuka vati twayoyele omo twakele amo neni, eci capwile ngeci omwo yeni.

1 Tesalonika 2:13

Co kuli cuma cikwavo lalo omwo vikajo simbu yoshe tukakandelela kuli Njambi. Omo twaminenelele lijwi lya Njambi, yeni mwalizivile nakulitambula, kesi ngwe lijwi lyakutunda kuli vanu oloni ngwe lijwi lya Njambi, Lije linapu lijwi lya Njambi vene. Omwo Njambi alinakupanga akati keni vaje vanakulaela.

2 Tesalonika 2:13

Tunapande kukandelela kuli Njambi simbu yoshe ali yeni, vakwetu, yeni vaje vaazema Mwene. Omwo Njambi wamyangwile kupwa vakulivanga kukwamena a nzili ya Munzinzime nakumipwisa vanu vendi vakujela, na akukulaela kweni mu vushunga.

1 Petulu 5:12

Njinamisonekela mukanda ou waundondo akukwasa kwa Silase, uje unjinakulaela ngwe ndolome mu vuka-Yesu. Njishaka kumitakamesa nakumyana vukaleo ngeci oku kukekwo kutetela kwa vushunga vwa Njambi. Imaneni mbe mu cikeco.