Kolose 1:5 - Livulu lya Shukulu Kalunga

⁵ Omwo lijwi lya vushunga, likelyo Vin̄anda Vyavivwa, lyezile kuli yeni akulivanga, mwazivile a cinyangavili cije lyanene. Ngecivene, kukulaela kweni na cizemo ceni vili a vije munakengelela, vije vanamitulikila mwilu.

Kolose 1:5 Iomraidhean Croise

Myaso 31:19

Mwa vushunga ngozi yove yakama, ije iwunatulikila vaje vakukomoka, ije iwunapangela vaje vavanda muli yove, ku mesho a vana va vanu!

Luka 12:33

Landeseni vyoshe mulinavyo, co aneni vimbongo kuli vaka-kuutwa. Litongeleni vinkombe vije kuvyesi kutuvika, co litulikileni vufuko mwilu, kuje kuvwasa kutepuluka, omwo mwizi kasa kukovelamo, nambe tunembulu kuvasa kuvuviisa.

Vilinga vya Miluwa 10:36

Munazivuka muzimbu watumine ku vanu va Isalele, mukwambulula Vin̄anda Vyavivwa vya kwoloka ali Yesu Kilistu, ikeye Mwene wa vanu voshe.

Vilinga vya Miluwa 13:26

“Vavushoko vwange vaIsalele, vatekulwila va Avilahama, co neni voshe kesi vaYunda mulikuno vaka-kulemesa Njambi, muzimbu ou wakwovoka vanautumu kuli yetu!

Vilinga vya Miluwa 23:6

Oloni omo Paulu wamwene ngacije vamo vamuje mu munga vapwile vaSanduki, co vakwavo vapwile vaFaliseo, watambekele ku Munga ngwendi, “Vavushoko vwange vaIsalele! Yange nji kaFaliseo, muna vaFaliseo. Valinakunjisompa kuno omwo a cinyangavili njilinaco ngeci vatsi vakasanguka!”

Vilinga vya Miluwa 24:15

Njili na cinyangavili muli Njambi ngeci vakevo valinavyo vyuma evi, vikevyo evi, vanu voshe vavavwa na ava vavavi vakasanguka ku vatsi.

Loma 10:8

Oloni evi vilinakwendeka ngeci, “Lijwi lya Njambi lili kuyehi nove, lili ku kanwa kove na mu mbunge yove” likelyo lijwi lyakukulaela lije tulinakwambulula.

1 Kolinte 13:13

Ngecivene, ololo, vyuma evi vitatu vinasala, kukulaela, cinyangavili na cizemo, co cinatuvakana ku vyuma vyoshe evi cinapu cizemo.

1 Kolinte 15:19

Nga cinyangavili cetu muli Kilistu cinapu cacivwa a mwonyo ou lika kunau, co kutuvakana vanu voshe ano a kaye cinapande vatuteteleko.

2 Kolinte 5:19

Majwi etu akewo apwa ngeci Njambi waambesele vanu voshe ali Kilistu. Njambi kasa kuvalavela lalo vuvi vwavo, co ikeye natwana majwi aje atuleka vati navambesela.

2 Kolinte 6:7

na a lijwi lyetu lya vushunga na a nzili ya Njambi. Vushunga tunavupwisa vitwa vyetu vwakulwisa navyo na vyakutwamena.

Ngalatiya 2:14

Oloni omo njamwene ngeci kuvakele nakwenda mu ngila yaivwa ya vushunga vwa muzimbu, co njendekele kuli Petulu ku mesho avo voshe ngwange, “Yove unapu u kaYunda, oloni unakala nakuyoya ngwe uje kesi kaYunda, kesi ngwe kaYunda. Ngecivene, vati wasa kusindiiya vaje kesi vaYunda ngeci vayoye ngwe vaYunda?”

Ngalatiya 2:5

oloni mukunyunga mwamuvwa vushunga vwa muzimbu omwo yeni, kutwavatavele nambe kasimbu kakandondo.

Ngalatiya 5:5

Ngwe ali yetu, cinyangavili cetu cinapu ngeci Njambi akatupwisa vaka-vushunga ku mesho endi, co eci cikeco tulinakuvandamena a nzili ya Munzinzime wa Njambi uje alinakupanga mukukulaela kwetu.

Efeso 1:13

Ngecivene, neni lalo mwapwile mu vanu va Njambi omo mwazivile lijwi lya vushunga, Vin̄anda Vyavivwa vije vyaminenele kwovoka. Mwakulaelele muli Kilistu, co Njambi namyaka cizivukiso cakupwa muvendi akumyana Munzinzime Wakujela uje yamikulaesele.

Efeso 4:21

Mwa vushunga yeni mwaziva laja vya ali ikeye, co akupwa vaka-kumukava vamilongesele vushunga vuje vuli muli Yesu.

Kolose 1:23

Ngecivene, munapande kutwalao mukukulaela nakwimana mbe a luvula lwaluvwa, co kesi mutave ngeci vamishwenyese kutunda ku cinyangavili cije mwatambwile omo mwazivile muzimbu. Omwo a muzimbu ou ngeci yange Paulu, njapwile ngamba, muzimbu ou valinakwambulwila kuli munu na munu mu kaye mwoshe.

Kolose 1:27

Vutumbe vwa Njambi vunapu kusholola cisin̄iko eci kuli vanu vendi. Cisin̄iko cije cinapu vufuko na vumpau canavwaesela vanu voshe. Co cisin̄iko cikeco eci, Kilistu ali muli yeni, kulumbunuka ngeci yeni mukalipangele vumpau vwa Njambi.

Kolose 3:16

Lijwi lya Kilistu likale muli yeni manene. Longeseni nakulinangula umo na mukwavo na mana oshe. Imbeni myaso ya ku san̄ulu na myaso na myaso ya munzinzime, imbeni kuli Njambi nakukandelela mu vimbunge vyeni.

1 Tesalonika 2:13

Co kuli cuma cikwavo lalo omwo vikajo simbu yoshe tukakandelela kuli Njambi. Omo twaminenelele lijwi lya Njambi, yeni mwalizivile nakulitambula, kesi ngwe lijwi lyakutunda kuli vanu oloni ngwe lijwi lya Njambi, Lije linapu lijwi lya Njambi vene. Omwo Njambi alinakupanga akati keni vaje vanakulaela.

2 Tesalonika 2:16

Mwene yetu Yesu kilistu vavenya, na Njambi Tatetu, uje watuzemene na mu kutetela kwendi watwanene kutakama kuje kukwesi kutenguluka na cinyangavili cakukola,

1 Timateo 1:15

Lijwi eli linapu lya vushunga, ngeci valitambule nakulikulaela, Kilistu Yesu wezile mu kaye mukwovola vaka-vivi. Kuli voshe ava yange njinahyana manene.

2 Timateo 4:8

Co ololo cilongo ca vushunga cinanjitumbamena, cije Mwene, ikeye lyaako wa vushunga, akanjanaco a Litangwa lije, co kesi kuli yange lika embwe, oloni akacana lalo kuli voshe vaje vamuvandamena na cizemo ngeci asholoke.

Tito 1:2

vuje vunemana a cinyangavili ca mwonyo uje wa myaka yoshe. Njambi uje kesi kukwisa, watukulaesele mwonyo ou simbu kanda vatange kaye,

VaHevelu 7:19

Omwo Lishiko lya Mosesa kulyasele kupanga cuma cacivwa. Co ololo tuli na cinyangavili cacivwa cije vanatunenelaco a cikeco twasa kushwenya kuyehi na Njambi.

1 Petulu 2:2

Pweni ngwe vimbututu vanasemuka ololo, simbu yoshe kaleni na lihwila lya mavele akujela a munzinzime, ngecivene, akunwako mukakola nakwovokelao.

1 Petulu 3:15

Oloni komokeni Kilistu mu vimbunge vyeni, co musingimikeni ngwe Mwene. Visimbu vyoshe livwaeseleni kukumbulula munu woshe-iwoshe uje amihula mumunungulwile cinyangavili ceni cije mulinaco,

2 Petulu 1:12

Ngecivene, simbu yoshe njikamyanukisa vyuma evi, nambe yeni mwavizivuka laja, co munemana mbe mu vushunga vuje munatambula.

1 Yowano 3:3

Co woshe uje ali na cinyangavili eci muli Kilistu alijelese, ngwe Kilistu wapwa wakujela.